1.མངལ་མ་ཆགས་གོང་གི་བཟའ་ཚང་གཉིས་ཀའི་གཟུགས་པོར་བརྟག་དཔྱད་བྱས་ཏེ་ལེགས་བཙའ་ལེགས་གསོའི་གནད་དོན་བློ་འདྲི་བྱེད་དགོས།

2.གལ་སྲིད་ཕྲུ་གུ་བཀོག་མྱོང་ཚེ་ཕྲུ་གུ་བཀོག་ནས་ལོ་ཕྱེད་སོང་རྗེས་གཞི་ནས་མངལ་ཆགས་ཐབས་བྱས་ན་ལེགས། གཞན་ཡང་མངལ་མ་ཆགས་གོང་གི་ལོ་ཕྱེད་ནང་སྔ་བཙའི་དུས་ཚོད་ལྟར་ནད་དུག་མི་ཕོག་པ་བྱེད་པ་དང་འཕྲོ་འོད་དང་། རྫས་འགྱུར་སྨན་རྫས། དུག་རྫས་སོགས་ལ་གཡོལ་ཐབས་བྱེད་དགོས།

3. བཟའ་ཚང་གཉིས་ཀས་མངལ་མ་ཆགས་གོང་འཚོ་བཅུད་ལ་དོ་སྣང་བྱས་ནས་སྐྱེ་འཕེལ་ཕྲ་ཕུང་གི་སྤུས་ཚད་མཐོ་རུ་གཏོང་དགོས། ཟས་སྣ་གཅིག་ལ་ཁ་ཤོར་བ་དང་བཟའ་བཅའ་འདེམས་སྒྲུག་རྒྱག་པའི་གོམས་གཤིས་ངན་པ་ཁྱད་བསད་བྱས་ནས་བཟའ་བཅའ་སྣ་ཚོགས་ནས་འཚོ་བཅུད་བསྡུ་ལེན་བྱས་ཏེ་འཚོ་བཅུད་དོ་སྙོམས་ཡོང་བ་བྱེད་དགོས།

4. མངལ་མ་ཆགས་གོང་གི་ཟླ་བ་གསུམ་ནང་ལོ་མའི་སྐྱུར་རྒྱུ་འོས་འཚམ་གསབ་ཚེ་མངལ་ཆགས་ཕྲུ་གུ་ཡ་མ་གཟུགས་ཆགས་རྒྱུ་སྔོན་འགོག་བྱེད་ཐུབ་ལ། མངལ་ཤྭ་ཤོར་བ་དང་། མངལ་ཆགས་ཕྲུ་གུ་བུ་སྣོད་ནང་འཚར་ལོངས་འགོར་བ། སྦྲུམ་མ་ཟུངས་ཁྲག་ཉམས་པ་སོགས་ཐད་ཕན་པ་ཐོན་སྲིད། སྦྲུམ་མར་ཉིན་རེར་ལོ་མའི་སྐྱུར་རྒྱུ་ཧའོ་ཁེ་0.4དགོས་པས་ལྟོ་ཆས་ནས་སྤྱིར་ན་ཧའོ་ཁེ་0.05ལས་ཐོན་གྱི་མེད།

5. མངལ་ཆགས་སྐབས་མ་བུ་གཉིས་ཀར་ཏེན་དགོས་གལ་ཆེན་པོ་ཡོད། བ་ཚྭ་དང་། ཧའེ་ཏའེ། ཤྭ་སྨི། མཚོ་སྐྱེས་སྔོ་རིགས། ཞ་སྨི་སྐམ་པོ་ཆུང་རིགས། སྨུག་ཚལ། སྲན་བཟོས་བཟའ་བཅའ་བཅས་ཀྱིས་ལུས་པོར་ཏེན་གསབ་ཐུབ།

6. ཁྱིམ་ཚང་འཆམ་མཐུན་དང་དོན་དག་གལ་ཆེན་གཞན་མེད་པའི་སྐབས་སུ་མངལ་ཆགས་དགོས།

7. བཟའ་ཟླར་མངལ་མ་ཆགས་གོང་ཞིང་སྨན་གཏོར་མཁན་སྐྱེས་པས་ཉུང་མཐར་ཡང་ཉིན་70ཡི་ནང་བཟའ་ཟླར་མངལ་མ་ཆགས་པ་བྱེད་དགོས། བཟའ་ཟླར་མངལ་མ་ཆགས་གོང་ཁྱོ་གས་རྫས་འགྱུར་དངོས་རྫས་་རེག་ཉུང་དུ་གཏོང་གང་ཐུབ་བྱེད་པ་དང་དུས་མཚུངས་མངལ་མ་ཆགས་གོང་གི་ཟླ་བ་གསུམ་གོང་ཁྱོ་གས་ཨ་རག་འཐུང་བ་དང་ཐ་མག་འཐེན་རྒྱུ་མེད།