ཚང་ཚིང་གྲོང་ཚོའི་ཉེ་འཁོར་དུ་དགོན་སྡེ་མང་བ་དང་རི་འདབས་སུ་ཆགས་པ་དང་། དེ་སྔའི་ཁང་པ་ནི་གྲོང་མིས་རྡོ་གཡམ་དང་འདམ་བག་ལས་བསྐྲུན་པའི་སྟབས་བདེའི་ཁང་པ་ཡིན་པ་རེད། ཧྥུའུ་ཅན་ཞིང་ཆེན་གྱི་བོད་སྐྱོར་ལས་བྱེད་པའི་འབད་བརྩོན་འོག་གྲོང་ཚོ་དེའི་གྲོང་མིས་རྒྱལ་ལམ་318ཉེ་འགྲམ་གྱི་ཚང་ཚིང་གྲོང་ཚོར་གནས་སྤོ་བྱ་རྒྱུའི་མོས་མཐུན་མགྲིན་གཅིག་ཏུ་བྱས་ཏེ་འཚོ་བ་གསར་པ་སྐྱེལ་འགོ་ཚུགས་ཡོད།

མིའི་རིགས་ཀྱི་ལོ་རྒྱུས་ཆུ་རྒྱུན་རིང་མོའི་ནང་ལོ་70ནི་དུས་ཐུང་ཞིག་ཡིན་མོད། འོན་ཀྱང་ལམ་ལུགས་ཤིག་འཕེལ་རྒྱས་འགྲོ་བའི་བརྒྱུད་རིམ་ནང་ལོ་70ཡིས་འོད་སྟོང་འཕྲོ་བའི་ལེའུ་རྩོམ་ཐུབ།

1947ལོར་རང་རྒྱལ་གྱི་ཞིང་ཆེན་རིམ་པའི་གྲངས་ཉུང་མི་རིགས་རང་སྐྱོང་ས་གནས་དང་པོ་ནང་སོག་རང་སྐྱོང་ལྗོངས་བཙུགས་ནས་རང་རྒྱལ་གྱིས་གྲངས་ཉུང་མི་རིགས་ས་ཁོངས་རང་སྐྱོང་ལམ་ལུགས་ལག་ལེན་བསྟར་རྒྱུར་དཔེ་སྟོན་བཏོད་ཡོད། ཡངས་ཤིང་རྒྱ་ཆེ་བའི་རྩྭ་ཐང་ཐོག་གསར་གཏོད་རང་བཞིན་ལྡན་པའི་མི་རིགས་ས་ཁོངས་རང་སྐྱོང་ལམ་ལུགས་ཇུས་འགོད་བྱས་ཏེ་གཅིག་གྱུར་དང་མི་རིགས་མང་བའི་རྒྱལ་ཁབ་དར་རྒྱས་གོང་འཕེལ་དང་མཐུན་སྒྲིལ་ཡར་ཐོན་ཡོང་ཆེད་རྨང་གཞི་བརྟན་པོ་བཏིང་ཡོད།

ལོ་70ཡི་རིང་མི་རིགས་ས་ཁོངས་རང་སྐྱོང་ལམ་ལུགས་ཀྱི་མཛུབ་ཁྲིད་འོག་མི་རིགས་ཁག་གིས་མཉམ་དུ་འབད་འབུངས་དང་མཉམ་དུ་འཚར་ལོངས་ཡོང་བ་བྱས་ནས་གནམ་ས་བླ་འོག་ཏུ་འགྱུར་བ་ལྟ་བུའི་རླབས་ཆེའི་ལོ་རྒྱུས་ཀྱི་ལམ་བུ་བརྒྱུད་ནས་མགོ་འཕང་མཐོ་ཞིང་གོམ་ཞེང་ཆེན་པོས་དེ་བས་མཛེས་སྡུག་ལྡན་པའི་འབྱུང་འགྱུར་ཕྱོགས་སུ་སྐྱོད་ཅིང་། འདི་ནི་ཚང་ཚིང་གྲོང་ཚོའི་བོད་རིགས་བུད་མེད་ཁ་ཤས་སྡོད་ཁང་གསར་པའི་མདུན་ནས་སྐྱོད་པའི་གནས་ཚུལ་ཡིན་པ།