ཧུའུ་པེ་ཞིང་ཆེན་གྱི་ཁག་བརྒྱད་པའི་བོད་སྐྱོར་ལས་དོན་རུ་ཁག་བོད་དུ་སླེབས་ནས་ལོ་གཅིག་རིང་ལྷོ་ཁའི་དོན་དངོས་ལ་གཞི་ཚུགས་པ་དང་གནད་སྨིན་དབུལ་སྐྱོར་གྱི་ལས་ཀར་དམིགས་ནས་གནད་སྨིན་བོད་སྐྱོར་གྱིས་ལྷོ་ཁའི་འཕེལ་རྒྱས་ལ་རམ་འདེགས་བྱ་རྒྱུ་དེ་ལས་འགན་ལ་བརྩི་བ་དང་བོད་སྐྱོར་ལས་ཀའི་ཐབས་ཤེས་དང་བྱེད་སྟངས་གསར་གཏོད་བྱས་པས། ལས་དོན་ཁག་ལ་ཕན་འབྲས་ཆེན་པོ་ཐོབ་ཡོད་པ་རེད།
ངོ་སྤྲོད་བྱས་པར་གཞིགས་ན། ཧུའུ་པེ་ཞིང་ཆེན་གྱི་ཁག་བརྒྱད་པའི་བོད་སྐྱོར་ལས་བྱེད་པའི་ཤེས་ལྡན་མི་སྣ་2016ལོའི་ཟླ་བདུན་པར་བོད་དུ་སླེབས་ཚུན་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པའི་དགོངས་དོན་ལག་བསྟར་ནན་པོ་བྱེད་པ་དང་། ལྷོ་ཁ་གྲོང་ཁྱེར་གྱི་ཅུས་ཡོངས་ཀྱི་ལས་ཀའི་བླང་བྱར་ཟུང་འབྲེལ་དམ་ཟབ་བྱེད་པ། དུས་བབ་གསར་པའི་འོག་བོད་སྐྱོར་ལས་ཀའི་དོན་དངོས་དང་འབྲེལ་བ་དམ་ཟབ་བྱེད་པ། “གནད་སྨིན་དོ་དམ”ལ་བརྟེན་ནས“གནད་སྨིན་བོད་སྐྱོར”འགན་ལེན་དང“གནད་སྨིན་བོད་སྐྱོར”ལ་བརྟེན་ནས“གནད་སྨིན་དབུལ་སྒྲོལ”ལ་རམ་འདེགས་བྱེད་པའི་ལས་ཀའི་བསམ་ཕྱོགས་རིམ་བཞིན་གསལ་པོ་བཟོ་བ། ལས་བྱེད་ཤེས་ལྡན་མི་སྣའི“གནད་སྨིན་དོ་དམ”གཙོ་བོར་བྱེད་པ་དང་ཚོང་འགུགས་རྣམ་གྲངས་ཀྱིས་བོད་སྐྱོར་དང་ཚོགས་སྒྲིག་རྣམ་པའི་བོད་སྐྱོར་གྱི་གཤོག་ཟུང་ལྟ་བུའི“གཙོ་བོ་གཅིག་དང་རམ་འདེགས་གཉིས”ཀྱི་ལས་ཀའི་རྣམ་པ་ཞིག་གཏན་འཁེལ་བྱེད་པ་བཅས་བྱས་ནས་ལྷོ་ཁའི་དབུལ་སྒྲོལ་འགག་སྒྲོལ་དང་དཔལ་འབྱོར་དང་སྤྱི་ཚོགས་འཕེལ་རྒྱས་ལ་དགེ་མཚན་ལྡན་པའི་ལེགས་སྐྱེལ་ཕུལ་བ་དེར་ཀྲུང་དབྱང་དང་། ཧུའུ་པེ་ཞིང་ཆེན། བོད་རང་སྐྱོང་ལྗོངས། ལྷོ་ཁ་གྲོང་ཁྱེར་བཅས་ཀྱི་རིམ་ཁག་འགོ་ཁྲིད་ཀྱི་ཁས་ལེན་གང་ལེགས་ཐོབ་ཡོད་པ་རེད།
ཉེ་ཆར་ཧུའུ་པེ་ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་གྱི་ཀྲུའུ་རེན། ཞིང་ཆེན་བོད་སྐྱོར་གཞུང་དོན་ཁང་གི་ཀྲུའུ་རེན་མཱ་ཕིང་གིས་ཏང་ཙུའི་ཚོགས་འདུ་འཚོགས་ཏེ་མཛུབ་སྟོན་དགོངས་པ་དུས་ཐོག་ཏུ་བརྒྱུད་བསྒྲགས་དང་སློབ་སྦྱོང་བྱས་ནས། ཧྲུའུ་ཅི་ཅང་ཁྲའོ་ལེའང་གིས་ཧུའུ་པེའི་བོད་སྐྱོར་ལས་དོན་ལ་མཛུབ་སྟོན་གལ་ཆེན་བཏོན་གནང་བ་དེ་ཧུའུ་པེ་ཞིང་ཆེན་གྱི་རེས་སྐོར་གསར་པའི་ཁ་གཏད་བོད་སྐྱོར་ལས་ཀར་ཁས་ལེན་དང་ལྕག་སྐུལ་བྱས་པ་ཞིག་ཡིན་པས། དུས་སྐབས་གསར་པའི་ཁ་གཏད་བོད་སྐྱོར་ལས་དོན་གཏིང་ཟབ་དང་ཡག་པོ་སྤེལ་རྒྱུར་ཁ་ཕྱོགས་གསལ་སྟོན་གནང་བ་མ་ཟད། བླང་བྱ་གསར་པའང་བཏོན་གནང་བ་མཱ་ཕིང་གིས་ངོས་འཛིན་བྱས། ཁོང་གིས་གསར་འགོད་པར་བསམ་བློ་གཅིག་གྱུར་དང་། ཡིད་ཆེས་བརྟན་པོ། གྲུབ་འབྲས་ཕྱོགས་སྡོམ། མི་འདང་སར་དབྱེ་ཞིབ་བཅས་བྱས་ཏེ་བོད་སྐྱོར་ལས་དོན་སྐོར་གྱི་ཀྲུང་དབྱང་གི་ཐབས་ཇུས་བཀོད་སྒྲིག་ཧུའུ་པེར་དོན་འཁྱོལ་ཡག་པོ་དང་། ཉེ་དུས་ཆེད་དོན་ཚོགས་འདུ་སྒྲིག་འཛུགས་ཡོད་པའི་སྒོ་ནས་འཚོགས་ཏེ་བོད་སྐྱོར་ལས་ཀའི་ཁྲོད་ལྷག་པའི་ཞིབ་ཕྲའི་གནད་དོན་དང་ཁ་གཏད་འཇལ་ཐབས་ལ་ཞིབ་འཇུག་ཐག་གཅོད་བྱེད་པ། ཞིང་ཆེན་བོད་སྐྱོར་གཞུང་དོན་ཁང་གིས་འགན་འཁྲིའི་ནུས་པ་འདོན་སྤེལ་གང་ལེགས་བྱས་ཏེ་ཞིང་ཆེན་ཡོངས་ཀྱི་བོད་སྐྱོར་ལས་ཀར་སྤྱི་འདོམས་དང་། མཐུན་སྦྱོར། ཞབས་ཞུ་བཅས་ཀྱི་ལས་ཀ་ཏན་ཏིག་སྒྲུབ་པ། ཧུའུ་པེ་ཞིང་ཆེན་གྱི“ལོ་ལྔ་ཚན་བཅུ་གསུམ་པའི”རིང་ལྷོ་ཁའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཁ་གཏད་རོགས་སྐྱོར་བྱེད་པའི་འཆར་འགོད་གཙོ་གནད་དུ་བྱས་པའི་བོད་སྐྱོར་ལས་དོན་ཁག་དོན་འཁྱོལ་ཡོང་རྒྱུར་ཁྱོན་ཡོངས་ནས་སྐུལ་འདེད། དོན་དངོས་དང་ཟུང་འབྲེལ་གྱིས་ཞིང་ཆེན་བོད་སྐྱོར་ལས་ཀའི་འགོ་ཁྲིད་ཚོགས་ཆུང་གི་ཁོངས་མིའི་ཚན་པ་དང་དེ་བཞིན་འགན་འཁུར་བ་གང་མགྱོགས་བཀོད་སྒྲིག་བྱས་ཏེ་ཞིང་ཨུད་དང་ཞིང་ཆེན་སྲིད་གཞུང་གི་ཇུས་འདོན་པའི་ལས་རོགས་ཡག་པོ་ཞིག་བཅས་བྱས་ནས་ཧུའུ་པེ་ཞིང་ཆེན་གྱི་རེས་སྐོར་གསར་པའི་བོད་སྐྱོར་ལས་དོན་སྐས་རིམ་གསར་པ་ཞིག་ཏུ་སླེབས་པ་བྱས་ཏེ་སླར་ཡང་འོད་སྟོང་གསར་པ་གཏོད་རྒྱུར་ནུས་ཤུགས་ཡོད་རྒུས་སྐུལ་མ་གཏོང་རྒྱུ་ཡིན་ཞེས་བཤད།
ཧུའུ་པེ་ཞིང་ཆེན་གྱི་ཁག་བརྒྱད་པའི་བོད་སྐྱོར་ལས་དོན་རུ་ཁག་གི་སྤྱི་ཁྱབ་རུ་དཔོན། ལྷོ་ཁ་གྲོང་ཨུད་ཀྱི་ཧྲུའུ་ཅི་གཞོན་པ་ཁྲེན་ཀྲེ་ཞང་གིས་ཧུའུ་པེའི་བོད་སྐྱོར་ལས་བྱེད་པ་ཡོངས་ཀྱིས་ལྕག་སྐུལ་བྱས་པ་དེ་གནོན་ཤུགས་དང་བསྔགས་བརྗོད་བྱས་པ་དེ་བསླབ་བྱར་བརྩིས་ཏེ་མུ་མཐུད་འབད་བརྩོན་དང་འབད་འབུངས་ཡར་བརྩོན་གྱིས་ཕ་ཡུལ་གྱི་འགོ་ཁྲིད་ཀྱི་ཐུགས་ཁུར་དང་རེ་བ་ཆུད་ཟོད་སུ་མི་གཏོང་བར“འདུ་ཤེས་བཞི”སྔར་བས་བརྟན་པོ་བཙུགས་ཏེ་ལྷོ་ཁ་གྲོང་ཨུད་དང་གྲོང་ཁྱེར་སྲིད་གཞུང་གི་སྲ་ཞིང་བརྟན་པའི་འགོ་ཁྲིད་འོག་ཧུའུ་པེ་ཞིང་ཆེན་གྱི་ཁག་བརྒྱད་པའི་བོད་སྐྱོར་ལས་དོན་རུ་ཁག་གིས་བཟོས་པའི་བོད་སྐྱོར་འཆར་འགོད་དང་ལོ་འཁོར་གྱི་ལས་ཀའི་འཆར་གཞི་དང་ཟུང་འབྲེལ་བྱས་ནས་ལྷོ་ཁ་གྲོང་ཁྱེར་གྱི་དབུལ་སྒྲོལ་འགག་སྒྲོལ་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་ལ་དམིགས་ཏེ་སློབ་སྦྱོང་གི་གྲུབ་འབྲས་དེ་ལས་སྒྲུབ་དང་ལས་གཏོད་ཀྱི་དོན་དངོས་ཕན་འབྲས་སུ་འགྱུར་བ་བྱེད་པ་དང་ཆབས་ཅིག་བློ་ཡིད་ཚིམ་པའི་རྒྱུགས་ལན་འབུལ་རྒྱུ་ཡིན་ཞེས་བཤད་པ་རེད།