ལྷོ་ཁ་གྲོང་ཁྱེར་ལྷོ་བྲག་རྫོང་སྲས་ཤང་ཆུ་འཁྱིལ་སྨད་གྲོང་ཚོའི་ཏང་ཀྲི་པུའི་ཧྲུའུ་ཅི་ཚེ་རིང་བཀྲ་ཤིས་ཀྱིས་རྟག་ཏུ“མི་རིགས་མཐུན་སྒྲིལ་མེད་ན་བྱ་བ་གང་ཞིག་ཡིན་རུང་ཡག་པོ་གཏན་ནས་སྒྲུབ་མི་ཐུབ”ཅེས་ཤོད་ཀྱི་ཡོད།
གྲངས་ཉུང་མི་རིགས་ཀྱི་ལས་བྱེད་པ་ཞིག་ཡིན་པའི་ངོས་ནས། ཚེ་རིང་བཀྲ་ཤིས་ཀྱིས་ཐོག་མཐའ་བར་གསུམ་དུ་མི་རིགས་མཐུན་སྒྲིལ་དང་ཞི་མཐུན་བརྟན་ལྷིང་དོན་ཆེན་ཨང་དང་པོར་བརྩིས་ནས་དམ་འཛིན་བྱེད་ཀྱི་ཡོད། ཆུ་འཁྱིལ་སྨད་གྲོང་ཚོའི་བྱ་གཞག་ཁག་འཕེལ་རྒྱས་མྱུར་པོ་འགྲོ་བ་དང་བསྟུན་ནས་ཚེ་རིང་བཀྲ་ཤིས་ཀྱིས་གོ་སྐབས་ཧུར་ཐག་བཙལ་ཏེ་དུད་ཚང་དབུལ་པོ་རྣམས་ལ་ཕྱུག་འགྱུར་ཐབས་ལམ་འཚོལ་རོགས་བྱེད་ཀྱི་ཡོད།
དབུལ་པོ་དང་ཕྱུག་པོ་གང་ཞིག་ཡིན་རུང་ཚེ་རིང་བཀྲ་ཤིས་ཀྱི་སེམས་ནང་ཆུ་འཁྱིལ་སྨད་གྲོང་ཚོའི་གྲོང་མི་ཚང་མ་ཁྱིམ་མི་གཅིག་ལྟར་དུ་བརྩི་གི་ཡོད་པས། ཁོང་གིས་རྟག་པར་རང་ནུས་གང་ཡོད་བཏོན་ནས་དཀའ་ངལ་ཡོད་པའི་མང་ཚོགས་ཚང་མར་རོགས་རམ་བྱེད་ཀྱི་ཡོད། ཚེ་རིང་བཀྲ་ཤིས་ཀྱིས་འགན་ལེན་ལྔའི་དུད་ཚང་གི་འཚོ་བའི་མཁོ་ཆས་དང་དོན་དངོས་ཀྱི་དཀའ་ངལ་ཧུར་ཐག་སེལ་བ་དང་དམངས་སྲིད་ཅུས་དང་མཐུན་སྦྱོར་བྱས་ཏེ་འགན་ལེན་ལྔའི་དུད་ཚང་གི་རྒན་གསོའི་གནད་དོན་སེལ་རོགས་བྱས་སྟབས། ད་ཆ་རྒན་རྒོན་2བདེ་བླག་ངང་རྫོང་རྒན་གསོ་ཁང་དུ་བཀོད་སྒྲིག་ཐུབ་ནས་བདེ་ཞིང་སྐྱིད་པའི་འཚོ་བར་རོལ་རྒྱུ་བྱུང་ཡོད།
ཚེ་རིང་བཀྲ་ཤིས་ཀྱིས་གཞི་རིམ་གྱི་སྤྱིར་བཏང་གི་ལས་གནས་ཐོག་སྤྱིར་བཏང་མིན་པའི་གྲུབ་འབྲས་བཏོད་ཡོད། ཁོང་གིས་ཁ་ཤོབ་ཆེན་པོ་གང་ཡང་མ་བཤད་ནའང་རང་ཉིད་ཀྱི་བྱ་སྤྱོད་ངོ་མར་བརྟེན་ནས་ཉེ་འགྲམ་གྱི་མི་རྣམས་ལ་སློབ་གསོ་བརྒྱབ་སྟེ་མི་རིགས་མཐུན་སྒྲིལ་དང་ཐུན་མོང་ཐོག་ཕྱུག་པོ་ཆགས་པའི་འདུ་ཤེས་ཞིང་འབྲོག་ཁུལ་དུ་ཁྱབ་སྤེལ་ཆེན་པོ་བཏང་བ་མ་ཟད། རྩ་བ་ཚུགས་ཏེ་ལོ་འདབ་རྒྱས་པར་བྱས་ཡོད།