འདི་ནི་ཚོགས་འདུ་གཉིས་རིང་ལྗོངས་ཕྱི་ནང་གི་གསར་འགྱུར་སྨྱན་སྦྱོར་གྱི་གསར་འགོད་པས་ངལ་གསོའི་བར་གསེང་དུ་མཉམ་དུ་དྲན་རྟེན་པར་རྒྱག་བཞིན་པ།
མི་རྣམས་ཀྱིས་རྒྱུན་དུ“དབང་བོ་ལྔ་ལས་མིག་ནི་རིན་ཐང་ཆེ་ཤོས་ཡིན”ཞེས་བརྗོད་ཀྱི་ཡོད་ལ། རང་ལྗོངས་ཀྱིས་མི་རིགས་མཐུན་སྒྲིལ་ལ་མིག་ཟུང་ལྟ་བུར་བརྩི་ཡི་ཡོད། ཏང་དང་སྲིད་གཞུང་གིས་སྔར་ནས་བཟུང་མི་རིགས་མཐུན་སྒྲིལ་ལས་དོན་ལ་མཐོང་ཆེན་བྱེད་པ་དང་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས་ཀྱང“མི་རིགས་ཁག་གི་མང་ཚོགས་ཚོས་རང་ཉིད་ཀྱི་མིག་འབྲས་ལ་གཅེས་པ་བཞིན་མི་རིགས་མཐུན་སྒྲིལ་ལ་གཅེས་སྤྲས་བྱེད་དགོས་པ་དང་། རང་ཉིད་ཀྱི་ཚེ་སྲོག་ལ་གཅེས་འཛིན་བྱེད་པ་བཞིན་མི་རིགས་མཐུན་སྒྲིལ་ལ་གཅེས་འཛིན་བྱེད་དགོས”ཞེས་ནན་བཤད་ཐེངས་མང་གནང་ཡོད་ཅིང་། བོད་ཀྱི་འཕེལ་རྒྱས་ལོ་རྒྱུས་ནི་བོད་ཀྱི་མི་རིགས་ཁག་གི་མང་ཚོགས་ཚོས་རྒྱུན་ཆད་མེད་པར་མཐུན་སྒྲིལ་འབད་འཐབ་དང་ཐུན་མོང་ཐོག་འཕེལ་རྒྱས་འགྲོ་བའི་ལོ་རྒྱུས་ཡིན་སྟབས། ང་ཚོས་མིག་འབྲས་ལ་གཅེས་པ་བཞིན་མི་རིགས་མཐུན་སྒྲིལ་ལ་གཅེས་སྤྲས་བྱེད་དགོས།
“མི་རིགས་མཐུན་སྒྲིལ་ནི་འཕེལ་རྒྱས་ཡར་ཐོན་གྱི་རྨང་རྡོ་ལྟ་བུ་ཡིན”དུས་གང་རུང་ཞིག་ཏུ་སླེབས་ཀྱང་། ང་ཚོས་སྔ་ཕྱི་བར་གསུམ་དུ་མི་རིགས་མཐུན་སྒྲིལ་བློ་ལ་བརྟན་པོར་ངེས་པ་དང་རྨང་གཞི་བརྟན་དུ་གཏོང་དགོས། ད་ཐེངས་ཀྱི་ཚོགས་འདུ་གཉིས་ཐོག་ང་ཚོས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་བསམ་བློ་གསར་པ་དང་། འདུ་ཤེས་གསར་པ། བྱེད་ཐབས་གསར་པ་བཅས་རབ་དང་རིམ་པ་འདོན་ངེས་ཤིང་། སྲིད་ཇུས་ཀྱི་བྱེད་ཐབས་དེ་དག་དོན་འཁྱོལ་བྱ་རྒྱུ་ནི་མི་རིགས་ཁག་གི་མང་ཚོགས་ཀྱི་ཐུན་མོང་ཐོག་མཐུན་སྒྲིལ་འབད་འཐབ་བྱེད་པ་དང་ཁ་འབྲལ་ཐབས་མེད།
མི་དམངས་འཐུས་ཚོགས་ཀྱི་འཐུས་མི་དང་སྲིད་གྲོས་ཀྱི་ཨུ་ཡོན་ནི་ཐབས་ཇུས་འགོད་མཁན་ཡིན་ལ། ལམ་ཕྱོགས་དང་མཛད་ཕྱོགས་སྲིད་ཇུས་བཅས་དྲིལ་བསྒྲགས་བྱེད་མཁན་དང་ལག་ལེན་པ་ཡང་ཡིན་དགོས། ང་ཚོས་དུས་དང་རྣམ་པ་ཀུན་དུ་མང་ཚོགས་ལ་སློབ་གསོ་གཏོང་བ་དང་ཁྲིད་སྟོན་བྱས་ཏེ“ཁ་འབྲལ་ཐབས་མེད་པ་གསུམ”གྱི་བསམ་བློ་བརྟན་པོར་འཛུགས་པ་དང་། “མོས་པ་བཞི”ཟབ་ཏུ་གཏོང་བ། “སྲུང་སྐྱོང་ལྔ”ཐུབ་པར་བྱེད་པ། འཕེལ་རྒྱས་ཡར་ཐོན་གྱི་རྨང་གཞི་བརྟན་དུ་གཏོང་བ་བཅས་བྱས་ནས། སྒྱུར་འཕེལ་བརྟན་གསུམ་ཆེད་གཡས་གཞོགས་གཡོན་འདེགས་བྱེད་པ་དང་། བོད་ཀྱི་འཕེལ་རྒྱས་མྱུར་པོ་དང་ཡུན་རིང་བདེ་འཁོད་ལ་སྐུལ་འདེད་གཏོང་བ་དང་། བོད་ཀྱི་མི་རིགས་ཁག་གི་མི་དམངས་ཚོའི་བདེ་སྐྱིད་ཀྱི་འཚོ་བའི་ལེའུ་གསར་པ་རྩོམ་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་དགོས།