གཅིག　གཟའ་འཁོར་འདིའི་གནམ་གཤིས་སྔོན་བརྡ།　（2017ལོའི་ཟླ་1ཚེས་2ཉིན་ནས་ཟླ་1ཚེས་8ཉིན་བར）

གཟའ་ཟླ་བ་དང་མིག་དམར་ལ་གཞིས་རྩེའི་ལྷོ་རྒྱུད་དང་།　ལྷོ་ཁའི་ལྷོ་རྒྱུད།　ནག་ཆུ།　ཀོང་པོ་བཅས་སུ་གངས（ཆར་པ）ཆུང་བ་ནས་འབྲིང་བའི་བར་འབབ་རྒྱུ་དང་ས་བབ་མཐོ་བའི་ས་ཆ་ཁག་གཅིག་ལ་གངས་ཆེན་པོ་འབབ་རྒྱུ།　ཆབ་མདོ་ས་ཁུལ་དུ་གནམ་འཐིབས་ནས་གངས་ཆུང་བ་འབབ་རྒྱུ།　ས་ཁུལ་གཞན་དག་ལ་སྤྲིན་པ་ཉུང་བ་ནས་མང་དུ་འགྲོ་རྒྱུ།　གཟའ་ལྷག་པ་དང་ཕུར་བུར་ཉིང་ཁྲི་དང་།　ནག་ཆུ།　ཆབ་མདོའི་བྱང་རྒྱུད་བཅས་སུ་སྤྲིན་པ་མང་པོ་འཁོར་ནས་གནམ་འཐིབས་རྒྱུ་དང་ས་ཆ་ཁག་གཅིག་ལ་གངས（ཆར་པ）སིམ་སིམ་འབབ་རྒྱུ།　ས་ཁུལ་གཞན་དག་ལ་གནམ་དྭངས་བ་ནས་སྤྲིན་པ་མང་པོ་འཁོར་རྒྱུ།　གཟའ་མཇུག་ཏུ་མངའ་རིས་དང་ནག་ཆུའི་དབུས་ནུབ་རྒྱུད་དུ་སྤྲིན་པ་མང་པོ་འཁོར་ནས་གནམ་འཐིབས་རྒྱུ་དང་ས་ཆ་ཁག་གཅིག་ལ་གངས་ཆུང་བ་འབབ་རྒྱུ།　ས་ཁུལ་གཞན་དག་ལ་སྤྲིན་པ་མང་པོ་འཁོར་རྒྱུ།　གཟའ་འཁོར་འདིའི་ནང་བོད་བྱང་ཐང་རྒྱུད་དང་གཞིས་རྩེའི་ལྷོ་རྒྱུད་དུ་ལྷགས་པ་ཆེ་བ་རིམ་པ་7ཙམ་རྒྱག་རྒྱུ་དང་ཡར་ཀླུང་གཙང་པོའི་ལུང་གཞུང་ཁུལ་དུ་ལྷགས་པ་རིམ་པ་5ཙམ་རྒྱག་རྒྱུ་དང་འབྲེལ་བྱེ་རླུང་འཚུབ་རྒྱུ་ཡིན་པ།

གཉིས།　གྲོས་འགོ

གཟའ་འཁོར་འདིའི་ནང་རང་ལྗོངས་ཀྱི་ཤར་རྒྱུད་དང་ལྷོ་རྒྱུད་དུ་ཆར་པ་འབབ་རྒྱུ་དང་ས་བབ་མཐོ་བའི་ལམ་དུམ་བུར་གངས་གསོག་དང་འཁྱགས་པ་ཐེབས་སླ་བས་འགྲོ་འོང་བྱེད་མཁན་འཁོར་རིགས་ཀྱིས་འགྲིམ་འགྲུལ་བདེ་འཇགས་ལ་ཡིད་གཟབ་བྱེད་དགོས།