1.　གཟུགས་པོའི་ཤ་མཁྲེགས་པོར་འགྱུར་འགྲོ་བ་དཔེར་ན་ནུ་མ་དང་པགས་པ།　ལྕེ་སོགས་མཁྲེགས་པོར་གྱུར་པ།

2.　གཉན་འབུར་དང་སྨེ་བ་ལ་སོགས་དུས་རྒྱུན་ལས་མངོན་གསལ་དོད་པོས་མང་དུ་འགྲོ་བ།

3.　དུས་ཚོད་རིང་པོའི་ནང་འཇུ་བྱེད་མ་ལག་བདེ་པོ་མེད་པ།

4.　དུས་ཡུན་རིང་པོའི་ནང་སྐད་འགག་པ་དང་མིད་པ་སྐམ་ཤས་ཆེ་བ།　མིད་པའི་ནང་དུ་ཟས་གང་རུང་མིད་འཁྱུར་གཏོང་དཀའ་བ།

5.　ཟླ་མཚན་བབ་པའི་ཚད་གཞི་འགྱུར་ནས་མང་དུ་ཕྱིན་པ་དང་།　ཟླ་མཚན་བབ་པའི་དུས་ཚོད་སླེབས་མེད་ཀྱང་ཁྲག་ཕོན་ཆེན་ཐོན་པ།

6.　རྣ་དང་སྣ་ཁུང་།　གཅིན་ལམ།　རྒྱུ་ལམ་བཅས་ནས་ཕྱི་རྐྱེན་མེད་པར་ཁྲག་ཐོན་པ།

7.　རྐང་ལག་སོགས་ལ་བཟོས་པའི་རྨ་ཁ་དུས་ཚོད་རིང་པོ་དྲག་སྐྱེད་དཀའ་བ།

8.　རྒྱུ་མཚན་མ་ཚོར་བའི་ངང་ནས་ལུས་ཤ་སྐམ་པོ་ཆགས་འགྲོ་བ་སོགས་ཡིན།གཟུགས་པོའི་རྒྱུན་གཏན་མིན་པའི་རྟགས་མཚན་ངན་པ་དེ་ཚོ་ནི།　དེང་སྐབས་ཕྱི་ལུགས་གསོ་རིག་ནང་དུ་སྐྲན་ནད་མ་ཕོག་གོང་གི་སྔོན་བརྡ་ཡིན་པར་ངོས་འཛིན་བྱེད་ཀྱིན་ཡོད་ཀྱང་།　མི་ཚོས་ལོ་རེའི་ནང་དུ་གཟུགས་པོ་བརྟག་དཔྱད་ཐེངས་རེ་བྱས་ནས་རྐྱེན་ངན་སྔ་ཙམ་སེལ་རྒྱུ་གལ་ཆེ།