ཉེ་བའི་ལོ་ཤས་རིང་།　ཤིན་ཅང་པོ་ཧུའུ་རྫོང་གིས་ཐོན་ལས་གསར་གཏོད་ལ་བརྟེན་ནས་དབུལ་སྐྱོར་གྱི་བྱེད་སྟངས་དང་མཉམ་ལས་ཁང་གཞི་རྟེན་དུ་བྱས་ནས“མཉམ་ལས་ཁང་དང་དུད་ཚང་དབུལ་པོ”དང་ཁྱིམ་དུད་ཆེ་བས་ཆུང་བ་འཁྲིད་པའི་ཐོན་ལས་འབྲེལ་ཐག་འཛུགས་པ་དང་།　དཀའ་ངལ་ཡོད་པའི་མང་ཚོགས་ཀྱིས་དོན་དངོས་ལ་གཞི་ཚུགས་པ།　གནད་སྨིན་ཇུས་འདོན་དང་གནད་སྨིན་ཤུགས་འདོན་གྱིས་ཞིང་འབྲོག་མང་ཚོགས་ལ“ཕྱུག་འགྱུར་ཐབས་ལམ་འཚོལ་བ་དང་དབུལ་པོའི་གནས་ལས་སྒྲོལ”རྒྱུར་ཁྲིད་སྟོན་བྱས་ནས་ཁྱད་ལྡན་གསོ་ཚགས་ཐོན་ལས་འཕེལ་རྒྱས་ཤུགས་ཆེན་བཏང་བ་དང་།　ས་གནས་ཀྱི་ཁྱད་ལྡན་ཐོན་ལས་གཙོ་བོ་གསོ་སྐྱོང་བྱས་པ།　ཁྱད་ལྡན་ཐོན་ལས་གཞི་ཁྱོན་ཆགས་པ་བྱས་པ།　ཁྲོམ་རའི་འགྲན་རྩོད་ཆེ་རུ་བཏང་སྟེ།　ཞིང་འབྲོག་མང་ཚོགས་དབུལ་སྒྲོལ་ཕྱུག་འགྱུར་ལ་སྐུལ་ཁྲིད་བྱས་ཤིང་།　འདི་ནི་2016ལོའི་ཟླ་11ཚེས་26ཉིན་ཤིན་ཅང་པོ་ཧུའུ་རྫོང་ཁྲ་ཀན་ནུའར་ཤང་ཕུའུ་རུང་བྱ་གསོ་ར་བའི་མཉམ་ལས་ཁང་གི་ཚན་རྩལ་ཕྱུག་འགྱུར་སྣེ་འཁྲིད་པ་ཞེ་རུང་གིས་ཆ་སྒྲིག་རོགས་སྐྱོར་བྱ་ཡུལ་ཡུ་གུར་རིགས་ཀྱི་དཀའ་ངལ་ཡོད་པའི་མང་ཚོགས་ཨ་མན་ཀུའུ་ལི·ཁཱ་ཏིའར་ལ་བྱ་དེ་གསོ་ཚགས་བྱེད་སྟངས་སློབ་པའི་གནས་ཚུལ་ཡིན་པ།