ཆབ་མདོའི་ཚགས་པར་ཐོག་གནས་ཚུལ་སྤེལ་གསལ།　བོད་ལྗོངས་ཆབ་མདོ་གྲོང་ཁྱེར་གྱིས་བོད་སྐྱོར་ལས་དོན་སྤེལ་སྐབས་དཔལ་འབྱོར་རོགས་སྐྱོར་གྱི“ཆུ་འདྲེན་རྣམ་པར”གཙོ་བོ་བརྟེན་རྒྱུར་དམིགས་ནས་གྲོང་ཁྱེར་གཉིས་ཀྱི་ཁེ་ལས་དྲུག་གི་བོད་སྐྱོར་ཐོན་ཁུངས་གཅིག་འདོམས་ཧུར་ཐག་དང་།　ལས་བྱེད་པའི་བོད་སྐྱོར་རྨང་གཞིར་དང་དཔལ་འབྱོར་བོད་སྐྱོར་འདེགས་སྐྱོར།　ས་ཁོངས་མཉམ་ལས་སྦྲེལ་ཐག་བཅས་སུ་བྱས་ཏེ་ཕྱོགས་མང་བ་དང་།　རིམ་པ་མང་བ།　ཁྱབ་ཁོངས་མང་བ་བཅས་ཀྱི་བོད་སྐྱོར་གྱི“ལས་སྟེགས་ཆེ་མོ”ཞིག་ཧུར་ཐག་བཏོད་ཁར།　ཆབ་མདོར་རེས་འཁོར་གསར་པའི་འཕེལ་རྒྱས་མཐོ་རླབས་ཤིག་ཀྱང་འཕྱུར་བར་བྱས་པ་རེད།

ཕྱོགས་བསྡུས་རོགས་སྐྱོར་གྱིས“རྒྱབ་ཕྱོགས་ཀྱི་སྐུལ་འདེད་ལས་སྟེགས”བཏོད་པ།　ཁྲུང་ཆིང་དང་ཐེན་ཅིན་གྲོང་ཁྱེར་གཉིས་ཀྱི་འབྲེལ་ཡོད་སྡེ་ཚན་དང་ཆབ་མདོ་གྲོང་ཁྱེར་དབར་མཐུན་སྦྱོར་སྦྲེལ་མཐུད་བྱས་ནས་འཆར་གཞིའི་ནང་ཚུད་པའི་མ་དངུལ་འཕར་བའི་ལམ་སྲོལ་དང་།　ཤེས་ལྡན་མི་སྣའི་ཁ་གཏད་རོགས་སྐྱོར་ལམ་སྲོལ།　ཏང་སྲིད་ལས་བྱེད་པའི་གསོ་སྦྱོང་དང་བེད་སྤྱོད་ལམ་སྲོལ།　ས་ཁོངས་མཉམ་ལས་ཐོན་ཁུངས་གསར་སྤེལ་ལམ་སྲོལ།　དཔལ་འབྱོར་དང་སྤྱི་ཚོགས་འཕེལ་རྒྱས་དང་ཐོན་ལས་འཕེལ་རྒྱས་འཐབ་ཇུས་མཉམ་ལས།　གྲོང་ཁྱེར་འཛུགས་སྐྲུན་འཆར་འགོད།　ཁུལ་གསར་འཛུགས་སྐྲུན་རོགས་སྐྱོར་སོགས་ཐད་ཀྱི་ཕུགས་ཕན་རོགས་སྐྱོར་ལམ་སྲོལ་བཅས་རིམ་གྱིས་བཙུགས་པས།　བོད་སྐྱོར་ལས་དོན་གཏིང་ཟབ་སྤེལ་རྒྱུར་སྐུལ་འདེད་ནུས་ལྡན་ཐེབས་ཡོད།

གནད་འཁེལ་རོགས་སྐྱོར་གྱིས“རིག་ནུས་རོགས་སྐྱོར་ལས་སྟེགས”བཏོད་པ།　བོད་སྐྱོར་ཚན་པ་ཁག་གིས་བོད་སྐྱོར་ལས་བྱེད་པ་ཧྲག་སྒྲུག་བྱེད་པའི་རྨང་གཞིའི་ཐོག　ཆབ་མདོའི་འཕེལ་རྒྱས་ལ་མཁོ་བའི་ཤེས་ལྡན་མི་སྣ་གདམ་གསེས་བྱས་ཏེ་རྨང་གཞིའི་འཛུགས་སྐྲུན་དང་།　ཐོན་ཁུངས་གསར་སྤེལ།　སྨན་བཅོས་འཕྲོད་བསྟེན།　ཚན་རྩལ་སློབ་གསོ་སོགས་ཁྱབ་ཁོངས་གཙོ་གནད་ལ་ཁྱབ་པར་བྱས་པ་དང་།　2013ལོ་ཚུན་ཁག་ཐེངས་གསུམ་གྱི་འཆར་གཞི་ཕུད་པའི་དུས་ཐུང་གི་ཤེས་ལྡན་མི་སྣ་253ཆབ་མདོར་དུས་ཐུང་ཆེད་ལས་ལག་རྩལ་གྱི་བོད་སྐྱོར་ལས་དོན་སྤེལ་བར་བཏང་བ།　ཁྱབ་ཁོངས་ཁག་གི་རིགས་གཅིག་མཁས་ཅན་463ཆབ་མདོར་ལག་རྩལ་མཛུབ་ཁྲིད་དང་རྒྱབ་སྐྱོར་བྱེད་པར་གདན་ཞུ་བྱས་པ།　རིགས་གཅིག་མཁས་ཅན་དང་མཁས་དབང་དང་ཕུལ་བྱུང་ཆེད་ལས་ལག་རྩལ་མི་སྣ་འབོར་ཆེན་ཆབ་མདོར་བསྐྱོད་དེ་ཆབ་མདོའི་འཕེལ་རྒྱས་ལ་རིག་ནུས་རོགས་སྐྱོར་བྱས་པ་རེད།

གཏིང་ཤུགས་ཆེ་རུ་བཏང་ནས“འཕེལ་རྒྱས་ཀྱི་ལས་སྟེགས་ལ་སྐུལ་འདེད་གཏོང་རོགས”བྱས་པ།　གཅིག་ནས“རང་བརྟེན་རྣམ་པ”དང“གཞན་བརྟེན་རྣམ་པའི”བོད་སྐྱོར་ཟུང་འབྲེལ་མཐའ་འཁྱོངས་དང་།　ཕྱོགས་ཁག་དང་རང་འགུལ་ངང་མཐུན་སྦྱོར།　བོད་སྐྱོར་མ་དངུལ་གྲབས་གསོག　བོད་སྐྱོར་རྣམ་གྲངས་ལག་བསྟར་བཅས་བྱས་ཏེ་ས་གནས་ཀྱི་དཔལ་འབྱོར་དང་སྤྱི་ཚོགས་མགྱོགས་མྱུར་འཕེལ་རྒྱས་ལ་སྐུལ་འདེད་ནུས་ལྡན་བཏང་བ་དང་།　གཉིས་ནས་དམངས་འཚོའི་ལས་དོན་ལ་ཤུགས་སྣོན་མཐའ་འཁྱོངས་ཀྱིས་རྨང་གཞིའི་སྒྲིག་བཀོད་འཛུགས་སྐྲུན་དང་དམངས་འཚོ་ལེགས་གཏོང་ཟུང་འབྲེལ་བྱས་ཏེ་ལས་ཀའི་གཙོ་གནད་གཤམ་སྒྱུར་ལ་རྒྱུན་ཆད་མེད་པར་སྐུལ་འདེད་བཏང་ནས་དམངས་འཚོའི་ལས་དོན་ལ་ཕན་འབྲས་དངོས་ཐོན་རྒྱུར་སྐུལ་འདེད་ཏན་ཏིག་བཏང་ཡོད།

མཉམ་ལས་ལ་སྐུལ་འདེད་བཏང་ནས“སྤེལ་རེས་ཆེར་གཏོང་གི་ལས་སྟེགས”བཏོད་པ།　ཆབ་མདོའི་ཆབ་སྲིད་ཀྱི་ལེགས་ཆ་དང་།　ཐོན་ཁུངས་ཀྱི་ལེགས་ཆ།　རྗེས་ཐོན་གྱི་ལེགས་ཆ་བཅས་གྲོང་ཁྱེར་གཉིས་ཀྱི་ཁེ་ལས་དྲུག་གི་ཤེས་ལྡན་མི་སྣ་དང་།　མ་དངུལ།　ལག་རྩལ།　ཁྲོམ་ར།　མ་རྩ་མཉམ་འདྲེས།　དོ་དམ་སོགས་ཀྱི་ལེགས་ཆ་དང་ཟུང་འབྲེལ་བྱ་རྒྱུ་སྣང་ཆེན་བྱས་ཏེ།　ཆབ་མདོ་དང་ཁ་གཏད་རོགས་སྐྱོར་ཚན་པའི་མཉམ་ལས་སྤེལ་རེས་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ཞིང་།　དེ་དང་ཆབས་ཅིག་ཁ་གཏད་རོགས་སྐྱོར་གྲོང་ཁྱེར་དུ་ཆབ་མདོ་གྲོང་ཁྱེར་གྱི་ཚོང་འགུག་མ་འདྲེན་འོས་སྦྱོར་ཚོགས་འདུ་འཚོགས་ཏེ།　ཆབ་མདོར་ཚོང་འགུག་མ་འདྲེན་གྱི་གསར་སྤེལ་འཛུགས་སྐྲུན་རྣམ་གྲངས་78ལ་མིང་རྟགས་འགོད་རོགས་བྱས་པར།　གྲོས་མཐུན་མ་དངུལ་སྒོར་དུང་ཕྱུར་45.7ཟིན་པ་དང་།　མིག་སྔར་ཚོང་འགུག་མ་འདྲེན་གྱི་མ་དངུལ་སྒོར་དུང་ཕྱུར་16.07བཏང་ཡོད།