དགུན་དུས་ཟིན་པ་དང་མི་ཚོའི་ངོ་གདོང་གི་པགས་པ་སྐམ་ཤས་ཆེ་བའི་ཚོར་སྣང་ཡོང་གི་ཡོད་པ་རེད། དེའི་སྐབས་མི་མང་པོས་གཤེར་སྣོན་འཕྲུལ་ཆས་དེ་སྐམ་ཤས་སེལ་མཁན་གྱི་སྐྱོབ་རོགས་ལ་ངོས་འཛིན་བྱེད་པ་དང་། ཐ་ན་འགའ་ཞིག་གིས་འཕྲུལ་ཆས་ཀྱི་རླངས་པ་དེ་ངོ་གདོང་དང་ཐག་ཉེ་པོར་སྦྱོར་བཞིན་ཡོད།
འོན་ཀྱང་ང་ཚོས་ཡིད་གཟབ་བྱེད་དགོས་པ་ནི། གཤེར་སྣོན་འཕྲུལ་ཆས་ཀྱི་རླངས་ཆུ་ནི་མཁའ་དབུགས་ནང་དུ་མགྱོགས་མྱུར་ཡལ་འགྲོ་བ་ཡིན་པས། གལ་སྲིད་དུས་ཡུན་རིང་པོར་རླངས་པ་ངོ་གདོང་དང་བར་ཐག་ཉེ་པོ་བྱས་ཚེ། མི་ལུས་ཀྱི་པགས་པའི་ངོས་དང་པགས་འོག་གི་ཆུ་ཁམས་འཐེན་ནས། པགས་པ་དེ་བས་སྐམ་ཤས་ཆེ་རུ་འགྲོ་གི་ཡོད་པའི་ར་སྤྲོད་ཐུབ་ཡོད།