ཁྱེད་ཀྱིས་ཕུལ་བྱུང་གི་ཐང་གའི་སྐྱེས་གཟུགས་གང་འདྲ་ཞིག་ཡོད་པ་མཁྱེན་ནམ།

“སྐབས་གསུམ་པའི་ཀྲུང་གོའི་ཐང་གའི་སྒྱུ་རྩལ་དུས་ཆེན་གྱི་ཕུལ་བྱུང་ཐང་གའི་འགྲེམས་སྟོན”ཟླ་9ཚེས་10ཉིན་ནས་བར་སྐོར་གྱི་བཤད་སྒྲའི་སྒོ་རའི་ནང་སྒོ་དབྱེ་ཞིང་། ད་ཐེངས་འགྲེམས་སྟོན་བྱས་པའི་ཐང་ག་རྩེ་གྲ་200ལྷག་ཙམ་ཚང་མ་ཐང་གའི་སྒྱུ་རྩལ་དུས་ཆེན་སྒྲིག་འཛུགས་ཨུ་ལྷན་རིགས་གཅིག་མཁས་ཅན་དཔྱད་ཞིབ་ཚོགས་ཆུང་གིས་བསྡུ་རུབ་བྱས་པའི་བརྩམས་ཆོས་1000ལྷག་ཙམ་ཁྲོད་འདེམས་སྒྲུག་ཞིབ་ཚགས་བརྒྱབ་པ་ཞིག་ཡིན་པ་དང་།བརྩམས་ཆོས་དེ་དག་ནང་ནས་ཡང་བསྐྱར་འདེམས་སྒྲུག་བརྒྱབ་ནས་གསེར་དང་། དངུལ། ཟངས་བཅས་ཀྱི་བྱ་དགའ་སྤྲད་ཡོད་པ་རེད།