2013ལོ་ནས་བཟུང་། སྨར་ཁམས་་རྫོང་ལ་རོགས་སྐྱོར་བྱེད་མཁན་ཁྲུང་ཆིང་གི་ལས་དོན་ཚོགས་ཆུང་ཁག་བདུན་པས་དམངས་འཚོ་ལེགས་གཏོང་དང་སྨན་བཅོས་ཀྱི་ཆུ་ཚད་ལེཌ་སུ་གཏོང་རྒྱུ་དེ་ལས་འགན་ཨང་དང་པོར་བརྩིས་ཏེ་གྲོང་གསེབ་ཏུ་བསྐྱོད་དེ་འཚམས་འདྲི་དང་། འོས་འགན་སྨན་བཅོས། ལས་སྒོ་གསོ་སྦྱོང་སོགས་ཀྱི་བྱ་ཐབས་སྤྱད་པ་བརྒྱུད་ས་གནས་དེའི་སྨན་བཅོས་ཆ་རྐྱེན་སྔར་བས་ལེཌ་སུ་བཏང་བ་རེད།

ལས་དོན་ཚོགས་ཆུང་གི་ཁོངས་མི་དང་། དུས་ཐུང་བོད་སྐྱོར་གྱི་ཆེད་ལས་ལག་རྩལ་སྨན་བཅོས་དང་སློབ་གསོའི་མི་སྣ། གྲོང་གསེབ་ཀྱི་འཕྲོད་བསྟེན་ཞབས་ཞུ་ཁང་གི་སྨན་དོན་པ་བཅས་ལས་གྲུབ་པའི་འཚམས་འདྲི་དང་འོས་འགན་སྨན་བཅོས་ཀྱི་ལས་དོན་རུ་ཁག་སྒྲིག་འཛུགས་ཞིབ་ཚགས་བྱས་ཏེ་སྨར་ཁམས་རྫོང་གྲུ་པ་རོང་ཤང་དང་། འབུམ་པ་ཤང་། མཆོད་རྟེན་ཤང་། ཚོ་རྔ་ཤང་བཅས་སུ་བསྐྱོད་ནས་འཚམས་འདྲི་དང་འོས་འགན་སྨན་བཅོས་ཀྱི་བྱེད་སྒོ་སྤེལ་ནས་ས་གནས་དེ་གའི་མང་ཚོགས་ལ་གྲུམ་བུ་ཚིགས་ཆེན་གྱི་ནད་དང་། ཁྲག་ཤེད་མཐོ་བ། ཕོ་རྒྱུའི་ནད་སོགས་རྒྱུན་ཐོན་ནད་ལ་ཕན་པའི་སྨན་སྒོར་ཁྲི་8ལྷག་ཙམ་རི་བ་སྤྲད་པ་མ་ཟད། ཤང་གི་སློབ་གྲྭའི་སློབ་མར་སྒོར་ཁྲི་1ལྷག་ཙམ་རི་བའི་སློབ་སྦྱོང་ཡོ་བྱད་དང་རྒྱུན་མཁོའི་སྨན་སྤྲད་པ་དང་། རིམ་རྩིས་བྱས་ན། ལོ་གསུམ་རིང་བསྡོམས་སྒོར་ཁྲི་30ལྷག་ཙམ་རི་བའི་འཚམས་འདྲིའི་དངོས་པོ་དང་འོས་འགན་སྨན་བཅོས་ཀྱི་རིན་མེད་སྨན་སྤྲད་ཡོད་པ་རེད།

སྨར་ཁམས་རྫོང་འཕྲོད་བསྟེན་ཞབས་ཞུའི་ལྟེ་གནས་ཀྱི་སྨན་བཅོས་འཕྲོད་བསྟེན་དང་། དོ་དམ། ལམ་ལུགས་སོགས་ཀྱི་ཐད་ལྷགས་པའི་གནད་དོན་སེལ་ཆེད། ལས་དོན་ཚོགས་པའི་ཁོངས་མིས“བོད་སྐྱོད་པ་རྒན་གྲས་ཀྱི་སྙིང་སྟོབས”རྒྱུན་འཛིན་དང་དར་སྤེལ་ཧུར་ཐག་བཏང་སྟེ“གསོ་རླུང་དཀོན་ཡང་སྙིང་སྟོབས་མི་ཉམས་པ་དང་དཀའ་ཚེགས་ཆེ་ཡང་ཚད་གཞི་དམའ་རུ་མི་གཏོང་བ”ཐོག་མཐའ་བར་གསུམ་དུ་མཐའ་འཁྱོངས་དང་། ནང་སའི་སྨན་ཁང་གི་སྔོན་ཐོན་གྱི་དོ་དམ་ཉམས་མྱོང་དང་། སྨན་བཅོས་ལག་རྩལ། མི་གཤིས་དང་མཐུན་པའི་སེམས་ཁུར་བྱེད་སྟངས་བཅས་རྒྱུན་ཆད་མེད་པར་སློབ་སྦྱོང་བྱས་པ་མ་ཟད། ནང་སའི་སྨན་བཅོས་ཚན་པའི་སྒྲིག་སྲོལ་ལམ་ལུཌ་གང་ལེཌ་ནང་འདྲེན་ཧུར་ཐག་བྱས་ནས་ས་གནས་དེའི་དོན་དངོས་དང་ཟུང་འབྲེལ་གྱིས་གྲོས་བསྡུར་ཐེངས་མང་བྱས་པ་བརྒྱུད་སྨར་ཁམས་ཀྱི་འཕྲོད་བསྟེན་ཞབས་ཞུའི་ལྟེ་གནས་དང་འཚམས་པའི་སྒྲིག་སྲོལ་དང་ལམ་ལུཌ་10ལྷག་ཙམ་བཟོས་པ་རེད།

ནད་ཁང་དང་གཤག་བཅོས་ཁང་གི་དོ་དམ་ལམ་ལུགས་ཐད་རྒྱུན་ཆད་མེད་པར་ཤུགས་སྣོན་བརྒྱབ་སྟེ་ནད་དཔྱད་དང་གཤགས་བཅོས་ཞིབ་ཚགས་ཡོང་བ་བྱས་ཤིང་། 2013ལོ་ནས་བཟུང་། ལས་དོན་ཚོགས་པའི་མི་སྣས་སྙིང་ཤུགས་ཉམས་པ་སོགས་ཀྱི་ཁོག་ནད་སྡེ་ཁག་གི་ནད་གཞི་ཆེ་གྲས་40ལྷག་ཙམ་སྨན་བཅོས་བྱས་པ་དང་། མཁྲིས་པ་བཀོག་པ་སོགས་ཀྱི་ཕྱི་བཅོས་སྡེ་ཁག་གི་ནད་པ་70ལྷག་ཙམ་ལ་གཤག་བཅོས་བྱས་ཏེ་ནད་པ་ལྗིད་པོ་10ལྷག་ཙམ་སྲོག་ཉེན་ལས་བསྐྱབས་པ་དང་། ཤང་དང་གྲོང་རྡལ་དང་ལས་ཡུལ་དུ་ཐེངས་ལྔ་བསྐྱོད་དེ་མི་230ལྷག་ཙམ་ལ་འོས་འགན་ནད་དཔྱད་བྱས་པ། སྨན་བཅོས་ལག་རྩལ་དོ་དམ་དང་སྒྲིག་སྲོལ་ལམ་ལུགས་སོགས་སློབ་སྦྱོང་དང་གསོ་སྦྱོང་ཐེངས་20ལྷག་ཙམ་སྒྲིག་འཛུགས་བྱས་ཡོད་པ་རེད།