2016ལོའི་གྲོང་ཁྱེར་དང་གྲོང་གསེབ་ཀྱི་སྨན་བཅོས་རོགས་སྐྱོབ་ཁ་གསབ་མ་དངུལ(ནད་གཞིའི་འཕྲལ་སྡོམ་རོགས་སྐྱོབ་ཚུད་པ)སྒོར་དུང་ཕྱུར་104.23སྔོན་ཚུད་ནས་གཤམ་སྤྲོད་བྱས་པའི་རྨང་གཞིའི་ཐོག་ཉེ་ཆར་ཀྲུང་དབྱང་ནོར་སྲིད་ཀྱིས་སླར་ཡང་ཁ་གསབ་མ་དངུལ་སྒོར་དུང་ཕྱུར་55.77གཤམ་སྤྲོད་བྱས་ནས་ས་ཁུལ་ཁག་གིས་གྲོང་ཁྱེར་དང་གྲོང་གསེབ་ཀྱི་སྨན་བཅོས་རོགས་སྐྱོབ་ལམ་ལུགས་མུ་མཐུད་འཐུས་སྒོ་ཚང་དུ་གཏོང་བ་དང་ནད་གཞི་ཚབས་ཆེན་ལ་སྨན་བཅོས་རོགས་སྐྱོབ་ཀྱི་ལས་དོན་ཕྱོགས་ཡོངས་ནས་སྤེལ་རྒྱུར་རྒྱབ་སྐྱོར་བྱས་ཡོད་པ་རེད། སྐབས་དེ་དུས་2016ལོའི་ཀྲུང་དབྱང་ནོར་སྲིད་ཀྱི་སྔོན་རྩིས་བཀོད་སྒྲིག་གི་གྲོང་ཁྱེར་དང་གྲོང་གསེབ་ཀྱི་སྨན་བཅོས་རོགས་སྐྱོབ་ཀྱི་ཁ་གསབ་མ་དངུལ་སྒོར་དུང་ཕྱུར་160ཚང་མ་སྤྲད་ཟིན་པ་རེད།

ནོར་སྲིད་པུའི་འབྲེལ་ཡོད་འགན་འཁུར་བས་ཀྲུང་དབྱང་ནོར་སྲིད་ཀྱིས་རྒྱུ་རྐྱེན་དབྱེ་ཞིབ་བྱ་ཐབས་སྤྱད་ནས་གྲོང་ཁྱེར་དང་གྲོང་གསེབ་ཀྱི་སྨན་བཅོས་ཁ་གསབ་མ་དངུལ་བགོ་འགྲེམས་བྱེད་ཀྱི་ཡོད། གཙོ་བོ་དཀའ་ངལ་ཡོད་པའི་མི་གྲངས་དང་། ནོར་སྲིད་ཀྱི་དཀའ་ངལ་ཚད་གཞི། ནོར་སྲིད་ཀྱི་འབད་བརྩོན་བྱེད་ཚད། ལས་ཀའི་ཕན་འབྲས་སོགས་ཀྱི་རྒྱུ་རྐྱེན་དཔྱད་གཞི་གཙོ་བོར་འཛིན་པ་དང་འབྲེལ་དཀའ་ངལ་ཧ་ཅང་ཆེ་བ་དང་། འགན་ལེན་ལས་འགན་ལྕི་བ། ལས་ཀའི་ཕན་འབྲས་ལེགས་པ་བཅས་ཀྱི་ས་ཁུལ་ལ་གཙོ་གནད་ཐོག་གཟིགས་སྐྱོང་བྱ་རྒྱུ་རེད་ཡོད་ཅེས་བརྗོད་པ་རེད།