ཐ་མག་འཐེན་ན་གློ་བ་དང་། སྙིང་ཁམས་ཁྲག་རྩ། ཕོ་བ་དང་རྒྱུ་ལམ་བཅས་ཀྱི་ནད་གཞི་སློང་བ། དཔེར་ན། གློ་ཡུའི་གཉན་ཚད་དང་། དབུགས་འཚང་བ། གློ་བ་རླུང་སྐྲང་། ཁྲག་ཤེད་མཐོ་བ། སྙིང་ནད། ཕོ་བ་སྨུག་པོ་བཅས་དང་། ད་དུང་སྐྲན་ནད་དང་གཅིན་པ་མངར་འགྱུར་གྱི་ནད། རྒན་རྒོན་གྱི་གླེན་ནད་སོགས་ལྕི་རུ་འགྲོ་ཡི་ཡོད། བུད་མེད་ཀྱིས་ཐ་མག་འཐེན་ན་མི་ཐོག་རྗེས་མར་གནོད་དེ་སྐྱེས་མ་ཐག་པའི་ཕྲུ་གུའི་ལྗིད་ཚད་དམའ་བ་དང་། ལུས་སྟོབས་ཞན་པ། ནད་གཞི་ཕོག་སླ་བ། རིག་སྟོབས་ལའང་ཤུགས་རྐྱེན་ཕོག་པ་བཅས་ཡོང་གི་ཡོད་པ་རེད།
གཞན་དབང་གིས་ཐ་མག་འཐེན་པར“ཐ་མག་ཐེངས་གཉིས་པ་འཐེན་པར”ཟེར་ཞིང་། གཞན་དབང་གིས་ཐ་མག་འཐེན་པ་དེས་སྙིང་ཁམས་ཁྲག་རྩར་གནོད་སྐྱོན་ཕོག་པ་དེ་ཐ་མག་འཐེན་མཁན་ལས་ལྕི་བ་ཡོད།