ཐེར་མའི་གྱོན་ཆས་ལ་དབུར་ཏི་རྒྱག་སྐབས་ཅུང་གཟབ་གཟབ་མ་བྱས་ཚེ་ཆ་ཤས་འགའ་ཞིག་ལ་འོད་ཐོན་ནས་སྙིང་རྗེ་པོ་མེད། དེ་ཐོན་པའི་རྒྱུ་རྐྱེན་གཙོ་བོ་ནི་གྱོན་ཆས་ལ་དབུར་ཏི་རྒྱག་སྐབས་གཤམ་འོག་ཏུ་བཏིང་བའི་རས་སྲབ་དྲགས་པའམ་ཡང་ན་སྲབ་མཐུག་མི་སྙོམས་པས་ཡིན།
གཞན་ཡང་གྱོན་ཆས་དབུར་ཏི་རྒྱག་ས་ཁོད་མི་སྙོམས་པའམ་ཡང་ན་གྱོན་ཆས་ཀྱི་ཚེམ་བུ་མཐུག་དྲགས་པས་འབུར་དུ་ཐོན་པ་དེའི་ཐོག་དབུར་ཏི་རྒྱག་པའི་དུས་ཚོད་རིང་དྲགས་པའི་རྐྱེན་གྱིས་འདི་ལྟར་ཐོན་སྲིད། གལ་ཏེ་འོད་ཐོན་ཚེ་རས་བརློན་པ་ཞིག་གཡོགས་ནས་དབུར་ཏི་རགས་ཙམ་བརྒྱབ་ཚེ་མེད་པ་ཆགས་སྲིད་ལ། གལ་ཏེ་རས་བརློན་པའི་ཐོག་ཚུའུ་ཕྲན་བུ་སྟོར་རྗེས་དབུར་ཏི་བརྒྱབ་ནའང་ཡག་པོ་ཡོད།