གཅིག གཟའ་འཁོར་འདིའི་གནམ་གཤིས་སྔོན་བརྡ(ཟླ་7ཚེས་18ཉིན་ནས་ཟླ་7ཚེས་24ཉིན་བར)

གཟའ་ཟླ་བ་ནས་ལྷག་པ་བར་ནག་ཆུ་དང་། ཆབ་མདོ། གཞིས་རྩེའི་ལྷོ་རྒྱུད་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཆེ་བ་འབབ་རྒྱུ། ས་ཁུལ་གཞན་དག་ལ་སྤྲིན་པ་མང་པོ་འཁོར་ནས་གནམ་འཐིབ་རྒྱུ་དང་ཆར་པ་ཆུང་བའམ་ཡང་ན་འབྲུག་ཆར་འབབ་རྒྱུ། གཟའ་ཕུར་བུ་དང་པ་སངས་ལ་ཡར་ཀླུང་གཙང་པོའི་རྒྱུད་དང་། ཆབ་མདོའི་ལྷོ་རྒྱུད། ཉིང་ཁྲི་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཆེ་བ་འབབ་རྒྱུ། ས་ཁུལ་གཞན་དག་ལ་ཆར་པ་ཆུང་བའམ་ཡང་ན་འབྲུག་ཆར་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། གཟའ་སྤེན་པ་དང་ཉི་མར་ནག་ཆུའི་ཤར་རྒྱུད་དང་། ཆབ་མདོའི་བྱང་རྒྱུད། ཡར་ཀླུང་གཙང་པོའི་རྒྱུད་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་། ས་ཁུལ་གཞན་དག་ལ་སྤྲིན་པ་མང་པོ་འཁོར་ནས་ཆར་པ་ཆུང་བ་འབབ་རྒྱུ། ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ།

གཉིས། གྲོས་འགོ

1.རང་ལྗོངས་ཀྱི་དབུས་ཤར་རྒྱུད་དང་ལྷོ་རྒྱུད་དུ་རྒྱུན་མཐུད་ངང་ཆར་པ་འབབ་རྒྱུ་ཡིན་པས་ཤྭ་འོད་དང་། རི་ཉིལ་བ། འདམ་རྡོའི་ཆུ་རུད་སོགས་ཀྱི་ས་གཤིས་གནོད་འཚེ་ཐོན་རྒྱུར་དོགས་ཟོན་བྱེད་དགོས་པ་དང་། གཤོངས་ས་དང་ཆུས་བསྣུབས་སླ་བའི་ས་ཁུལ་གྱིས་ཆུ་ལོག་འགོག་པ་དང་འཁྱིལ་ཆུ་ཕྱིར་འབུད་ལས་དོན་ཡག་པོ་སྒྲུབ་དགོས།

2.ནག་ཆུ་དང་ཡར་ཀླུང་གཙང་པོའི་རྒྱུད་དུ་གཏད་རྒྱུག་གནམ་གཤིས་བསྟན་མང་བས་ཐོག་དང་སེར་བ་འགོག་པ་སོགས་ཀྱི་འབྲེལ་ཡོད་ལས་དོན་ཡག་པོ་སྒྲུབ་དགོས།