ཟླ་7ཚེས་14ཉིན“1＋1”ཀྲུང་གོའི་བཅའ་ཁྲིམས་རོགས་སྐྱོབ་དང་བླངས་པའི་བྱ་སྤྱོད་2016ལོའི་ལོ་འཁོར་གྱི་སྤེལ་འགོ་ཚུགས་པའི་མཛད་སྒོ་པེ་ཅིང་མི་དམངས་ཚོགས་ཁང་ཆེ་མོར་འཚོགས་པ་རེད།　“1＋1”ཀྲུང་གོའི་བཅའ་ཁྲིམས་རོགས་སྐྱོབ་ཀྱི་དང་བླངས་པའི་བྱ་སྤྱོད་དེ་ཁྲིམས་འཛིན་པུའུ་དང་སྡེ་ཚོགས་ཀྲུང་དབྱང་གིས་མཉམ་དུ་སྤེལ་བའི་སྤྱི་ཕན་རྣམ་གྲངས་ཆེ་གྲས་ཤིག་རེད།　བྱེད་སྒོ་དེ་སྤེལ་བའི་དམིགས་ཡུལ་ནི་ཁྲིམས་རྩོད་པ་དཀོན་པའི་དབུས་ནུབ་རྒྱུད་དུ་ཁྲིམས་རྩོད་པ་དང་སློབ་ཆེན་སློབ་མའི་དང་བླངས་པ་བཏང་ནས་དཀའ་ངལ་ཡོད་པའི་མང་ཚོགས་ལ་རིན་མེད་ངང་ཞུ་གཏུག་རྒྱག་རོགས་བྱ་རྒྱུ་ཡིན་པ་རེད།

2015ལོ་ནི“1＋1”གི་བྱ་སྤྱོད་ལག་བསྟར་བྱེད་པའི་ལོ་བདུན་པ་ཡིན།　“1＋1”གི་བྱ་སྤྱོད་དང་བླངས་པ་ཁྱོན་170ཡོད་པ་དག་གིས་བོད་ལྗོངས་དང་ཤིན་ཅང་སོགས་ནུབ་རྒྱུད་ཞིང་ཆེན་དང་རང་སྐྱོང་ལྗོངས་13གྱི་རྫོང（ཆུས）130རུ་བསྐྱོད་ནས།　བཅའ་ཁྲིམས་རོགས་སྐྱོབ་བྱས་ཏེ་བཅའ་ཁྲིམས་རོགས་སྐྱོབ་ཀྱི་གྱོད་གཞི་སྣ་ཚོགས་7392སྒྲུབ་གཉེར་བྱས་པའི་ནང་།　གཏུག་བཤེར་རིགས་ཀྱི་གྱོད་གཞི་6190སྒྲུབ་གཉེར་བྱས་པ་དང་།　དམངས་དོན་རྩོད་གཞི་587འདུམ་འགྲིག་བྱས་པ།　སྤྱི་ཚོགས་ཀྱི་འགལ་བ་སྣ་ཚོགས་1669བསལ་བ་བཅས་མི་གྲངས་4639དང་འབྲེལ་བ་ཡོད།　མི་72396ལ་བློ་འདྲི་དང་།　ཚབ་བྲིས།　ལས་ཚབ།　དག་འབུད་སོགས་བཅའ་ཁྲིམས་རོགས་སྐྱོབ་བྱས་ཡོད།　ཆེད་དོན་བཅའ་ཁྲིམས་ཤེས་བྱའི་འཆད་ཁྲིད་ཐེངས་1428བྱས་ནས།　བཅའ་ཁྲིམས་རོགས་སྐྱོབ་ལས་མང་ཚོགས་ཁྲི་ཆིག་སྟོང་ཙམ་ལ་ཕན་པ་ཐོབ་ཡོད།　འདི་ལོར་དང་བླངས་པ་198མཚོ་སྔོན་དང་།　བོད་ལྗོངས།　ཤིན་ཅང་།　ཀུའེ་ཀྲོའུ་སོགས་ས་ཆར་བཏང་ནས་དུས་ཡུན་ལོ་གཅིག་གི་བཅའ་ཁྲིམས་རོགས་སྐྱོབ་དང་བླངས་ཞབས་འདེགས་ཞུ་རྒྱུ་ཡིན་པ་རེད།