བོད་སྐྱོར་ལས་སྟེགས་དང་འབྲེལ་ཟམ་ནུས་པ་འདོན་སྤེལ་དང་ཁ་གཏད་རོགས་སྐྱོར་གྱི་གཟིགས་སྐྱོང་སྲིད་ཇུས་ཡག་པོ་སྤྱད་དེ་དཔལ་འབྱོར་བོད་སྐྱོར་དང་། སློབ་གསོའི་བོད་སྐྱོར། ལས་ཞུགས་བོད་སྐྱོར། ཚན་རྩལ་བོད་སྐྱོར། ལས་བྱེད་པ་དང་ཤེས་ལྡན་པའི་བོད་སྐྱོར་བཅས་ཀྱི་ལས་དོན་ཕུན་སུམ་ཚོགས་སུ་གཏོང་རྒྱུ་དང་གསར་གཏོད་བྱ་རྒྱུ།
བོད་སྐྱོར་རྣམ་གྲངས་དང་མ་དངུལ་བེད་སྤྱོད་ཡག་པོ་བྱ་རྒྱུ།
བོད་སྐྱོར་འཆར་འགོད་དང་མཛུབ་ཁྲིད་ལ་ཤུགས་སྣོན་བརྒྱབ་སྟེ་བོད་སྐྱོར་རྣམ་གྲངས་གཞི་རིམ་ལ་ཕྱོགས་པ་དང་། ཞིང་འབྲོག་ཁུལ་དུ་ཕྱོགས་པ། དབུལ་ཕོངས་ས་ཁུལ་དུ་ཕྱོགས་པ། དམངས་འཚོའི་ཁྱབ་ཁོངས་སུ་ཕྱོགས་པ་བཅས་བྱ་རྒྱུ་རྒྱུན་འཁྱོངས་བྱས་ནས་བོད་སྐྱོར་རྣམ་གྲངས་དང་མ་དངུལ་བེད་སྤྱོད་ཡག་པོ་བྱ་རྒྱུ། ཁ་གཏད་བོད་སྐྱོར་འཆར་འགོད་དང་བོད་སྐྱོར་ལས་བྱེད་པ་བརྗེ་རེས་འབྲེལ་མཐུད་དང་མཐུན་སྦྱོར་བྱ་རྒྱུར་ཤུགས་སྣོན་རྒྱག་རྒྱུ་དང་། ཁ་གཏད་རོགས་སྐྱོར་རྣམ་གྲངས་ཀྱི་དོ་དམ་བྱ་ཐབས་འཐུས་སྒོ་ཚང་དུ་བཏང་སྟེ་རྣམ་གྲངས་འདེམས་སྒྲུག་བྱ་རྒྱུ་ཕྱོགས་གཉིས་ཀས་མཉམ་དུ་ཞིབ་དཔྱད་བྱ་རྒྱུ་དང་། རྣམ་གྲངས་འཛུགས་སྐྲུན་དོ་དམ་བྱ་རྒྱུ་ས་གནས་འདི་གའི་སྲིད་གཞུང་གིས་གཙོ་བོ་བྱ་རྒྱུ། རྣམ་གྲངས་སྐྲུན་རྗེས་ཕྱོགས་གཉིས་ཀས་མཉམ་དུ་གྲོས་མོལ་བྱས་ནས་རྩིས་བཤེར་མངགས་བཅོལ་བྱ་རྒྱུ་བཅས་ཀྱི་ལས་དོན་སྤེལ་སྟངས་ལག་བསྟར་བྱས་ཐོག རོགས་སྐྱོར་བྱེད་མཁན་དང་རོགས་སྐྱོར་ཐོབ་མཁན་ཕྱོགས་གཉིས་ཀས་འགན་དབང་མཉམ་འཁུར་གྱིས་མཉམ་དུ་སྐུལ་འདེད་གཏོང་བའི་ལས་ཀའི་ལམ་ལུགས་ཤིག་ཆགས་པ་བྱ་རྒྱུ། བོད་སྐྱོར་མ་དངུལ་ས་གནས་དེ་གའི་ནོར་སྲིད་འཆར་གཞིའི་ནང་བཅུག་ནས་གཅིག་གྱུར་དོ་དམ་དང་ཆེད་དངུལ་ཆེད་སྤྱོད་བྱ་རྒྱུ།
རིག་སྟོབས་ཐོག་ནས་བོད་སྐྱོར་བྱ་ཤུགས་ཆེ་རུ་གཏོང་རྒྱུ།
བོད་སྐྱོར་ཞིང་ཆེན（གྲོང་ཁྱེར）གྱི་སློབ་ཆེན་དང་ཚན་རིག་ཞིབ་འཇུག་ཚན་པའི་དབར་སྤེལ་རེས་མཉམ་ལས་བྱ་རྒྱུར་ཤུགས་སྣོན་བརྒྱབ་སྟེ་ཚན་རྩལ་ནང་འདྲེན་དང་། ཉམས་ལེན། གསར་གཏོད། བེད་སྤྱོད་བཅས་བྱ་རྒྱུར་ཕན་ཐོགས་པའི་གོང་འཕེལ་གྱི་ཁོར་ཡུག་བཏོད་དེ་བོད་སྐྱོར་ཞིང་ཆེན（གྲོང་ཁྱེར）གྱིས་རང་ལྗོངས་ཀྱི་ཚན་རིག་ཞིབ་འཇུག་ཚན་པ་དང་། མཐོ་རིམ་སློབ་ཆེན། སློབ་གླིང་། ཐོན་ལས་སྡེ་གླིང་བཅས་སུ་རིག་སྟོབས་ཀྱི་རྒྱབ་སྐྱོར་ཆེ་རུ་གཏོང་རྒྱུར་ཁྲིད་སྟོན་བྱ་རྒྱུ། ཤེས་ལྡན་པའི་རྒྱབ་སྐྱོར་དང་ལག་རྩལ་སྦྱོང་བརྡར་སྤྲོས་རྒྱུ་ཟུང་འབྲེལ་བྱ་རྒྱུ་མཐའ་འཁྱོངས་ཀྱིས་བོད་སྐྱོར་གྱི་ཤེས་ལྡན་མི་སྣ་ནང་འདྲེན་དང་། བེད་སྤྱོད། ངར་སྐུལ་བཅས་བྱ་རྒྱུའི་ལམ་སྲོལ་འཐུས་ཚང་དུ་བཏང་ཐོག ཆེད་ལས་ལག་རྩལ་ཤེས་ལྡན་པའི་བོད་སྐྱོར་བྱེད་ཤུགས་ཆེ་རུ་གཏོང་རྒྱུ་དང་། སློབ་གསོ་དང་སྨན་བཅོས་འཕྲོད་བསྟེན་སོགས་ཀྱི་ཁྱབ་ཁོངས་སུ་ཚོགས་སྒྲིག་དང་། མངགས་བཀོད་རྣམ་པའི་བོད་སྐྱོར་བྱ་རྒྱུར་སྐུལ་འདེད་ཧུར་ཐག་བཏང་སྟེ“བརྒྱུད་རོགས་ཁྲིད་གསུམ”གྱི་བྱ་ཐབས་སྤྱད་ནས་ས་གནས་དེ་གའི་ཆེད་ལས་ལག་རྩལ་རྐང་འཛིན་པ་གསོ་སྐྱོང་བྱ་རྒྱུ། ལྗོངས་ནང་ཁུལ་གྱི་སློབ་གྲྭ་དང་ནང་སའི་གཙོ་གནད་སློབ་གྲྭ་མཉམ་འབྲེལ་ཐོག་གསོ་སྐྱོང་བྱེད་པའི་གཞི་རྒྱ་ཆེ་རུ་གཏོང་རྒྱུ། རང་ལྗོངས་ཀྱི་ལས་བྱེད་པ་དང་ལས་བཟོ་བོད་སྐྱོར་ཞིང་ཆེན（གྲོང་ཁྱེར）དུ་སྤེལ་རེས་ལས་འཁུར་བྱ་ཤུགས་ཆེ་རུ་གཏོང་རྒྱུ་དང་ཕུལ་བྱུང་གི་བོད་སྐྱོར་མི་སྣ་ཡུན་རིང་བོད་དུ་བསྡད་དེ་ལས་དོན་བསྒྲུབ་པར་སྐུལ་འདེད་གཏོང་རྒྱུ།