གལ་ཏེ་སྒོ་ལྕགས་འབྱེད་སྐབས་ལྡེ་མིག་ཆག་ནས་སྒོ་འབྱེད་མ་ཐུབ་ན་འཚབ་འཚུབ་བྱ་རྒྱུ་མེད་པར། ལྡེ་མིག་ཆག་དུམ་དེ་གནད་འཁེལ་པོས་སྒོ་ལྕགས་ནང་ལུས་པའི་ལྡེ་མིག་ཆག་རོར་མཐུད་ནས་ཤུགས་སྙོམས་པོས་གཅུས་སྒྲིམ་བརྒྱབ་ན་སྒོ་ལྕགས་འབྱེད་ཐུབ། སྒོ་ལྕགས་ནང་ལུས་པའི་ལྡེ་མིག་ཆག་དུམ་ཕྱིར་འདོན་སྐབས་སོག་ལེའི་ཁ་ལྟར་ཡོད་པའི་ལྕགས་ལེབ་ཕྲ་མོ་ཞིག་དགོས་ལ། ལྕགས་ལེབ་དེ་སྒོ་ལྕགས་ཀྱི་ཁུང་བུའི་ནང་བརྒྱུས་ནས་ག་ལེར་སྐོར་བ་བརྒྱབ་ན་ལྡེ་མིག་ཆག་དུམ་གྱི་སོ་དང་ལྕགས་ལེབ་ཀྱི་སོ་གཉིས་ཐུག་ནས་སྒོ་ལྕགས་ཕྱེ་ཐུབ།