ལྷ་ས་དཔལ་འབྱོར་གསར་སྤེལ་ཁུལ་གྱི་མཚོ་སྔོན་ཐེན་ཡུའུ་ཏེ་ཀུང་སིའི་ལས་དོན་མི་སྣས་སྦང་མར་སློག་རྒྱག་བཞིན་པ།

ལོ་ལྔ་ཚན་བཅུ་གཉིས་པའི་རིང་རང་ལྗོངས་ཀྱི་དཔལ་འབྱོར་གླིང་ཁུལ་ཁག་གིས་ཧུར་བརྩོན་ཆེན་པོས་ལག་ཤེས་གསར་གཏོད་དང་།  ཞབས་ཞུ་གསར་གཏོད། དྲ་འབྲེལ་མཉམ་ལས་ཀྱི་གསར་གཏོད་བྱ་ཐབས་བཟུང་ནས།　ས་མཐོའི་ཐོན་ལས་ལ་བསྐྱར་སྐྲུན་དང་རིམ་པ་མཐོར་བཏང་གིས་ས་མཐོའི་ཁྱད་ཆོས་དང་མཐུན་པའི་ཚན་རྩལ་གསར་གཏོད་ནུས་པ་གསོ་སྤེལ་བྱས་ཏེ།　སྐྱེ་ཁམས་ཁོར་ཡུག་སྲུང་སྐྱོབ་དང་ཐལ་ཉུང་སྔོ་ལྗོང་འཕེལ་རྒྱས་གཏོང་རྒྱུ་དེ་ས་མཐོའི་ཁྱད་ཆོས་ལྡན་པའི་གདོས་བཅས་ཁེ་ལས་འཛུགས་སྐྲུན་གྱི་གཙོ་བོའི་དམག་སར་བཞག་ཡོད།