གཟའ་འཁོར་འདིའི་ནང་རང་ལྗོངས་ཀྱི་ལྷོ་རྒྱུད་དང་ཤར་རྒྱུད་དུ་གངས་འབབ་རྒྱུ་དང་ཆབས་ཅིག་དྲོད་ཚད་ཆེན་པོ་ཆག་རྒྱུ་ཡིན་པ།

གཅིག གཟའ་འཁོར་འདིའི་གནམ་གཤིས་སྔོན་བརྡ། (ཟླ་1ཚེས་18ཉིན་ནས་ཟླ་1ཚེས་24ཉིན་བར)

གཟའ་མིག་དམར་ལ་མངའ་རིས་ལྷོ་རྒྱུད་དང་གཞིས་རྩེའི་ལྷོ་ནུབ་རྒྱུད་དུ་གངས་ཆུང་བ་ནས་འབྲིང་བའི་བར་འབབ་རྒྱུ་དང་། ས་ཁུལ་གཞན་དག་ལ་སྤྲིན་པ་ཉུང་བ་ནས་མང་དུ་འགྲོ་རྒྱུ། གཟའ་ལྷག་པ་ནས་པ་སངས་བར་གཞིས་རྩེའི་ལྷོ་རྒྱུད་དང་། ནག་ཆུ། ཉིང་ཁྲི ལྷོ་ཁའི་ལྷོ་རྒྱུད། ཆབ་མདོ་བཅས་སུ་གངས་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་གངས་ཆེ་བ་འབབ་རྒྱུ། ས་ཁུལ་གཞན་དག་ལ་སྤྲིན་པ་མང་པོ་འཁོར་ནས་གངས་ཆུང་བ་འབབ་རྒྱུ། ད་ཐེངས་གངས་ཀྱིས་རང་ལྗོངས་སུ་ནུབ་ནས་ཤར་བར་དྲོད་ཚད་ཧྲེ་ཧྲི་ཏུའུ་3ནས་8བར་ཆག་རྒྱུ་དང་ས་བབ་མཐོ་བའི་ས་ཁུལ་དུ་དྲོད་ཚད་ཧྲེ་ཧྲི་ཏུའུ་8ཡན་ཆག་རྒྱུ། གཟའ་འཁོར་འདིའི་ནང་བོད་བྱང་ཐང་རྒྱུད་དང་གཞིས་རྩེའི་ལྷོ་རྒྱུད་དུ་ལྷགས་པ་ཆེན་པོ་རིམ་པ་8ཙམ་རྒྱག་རྒྱུ་དང་ཡར་ཀླུང་གཙང་པོའི་ལུང་གཞུང་རྒྱུད་ཀྱི་ས་ཁུལ་དུ་ལྷགས་པ་རིམ་པ་5ཙམ་རྒྱག་རྒྱུ།

གཉིས། གྲོས་འགོ

1.ཤར་རྒྱུད་དང་ལྷོ་རྒྱུད་དུ་གངས་བབས་པའི་གནམ་གཤིས་ཀྱིས་འབྲོག་ལས་དང་འགྲིམ་འགྲུལ་གཉེར་སྐྱོང་ཐད་ཤུགས་རྐྱེན་ངན་པ་ཐེབས་རྒྱུ་ཡིན་པས་འབྲེལ་ཡོད་སྡེ་ཚན་གྱིས་དོགས་ཟོན་བྱ་རྒྱུར་ཤུགས་སྣོན་རྒྱག་དགོས།

2. མཐོ་གྲང་འབྲོག་ཁུལ་དུ་ཕྱུགས་ཟོག་གི་ཤ་ཤེད་སྲུང་བ་དང་གཟན་རྩྭ་གསོག་འཇོག་ལས་དོན་ཡག་པོ་སྒྲུབ་དགོས་པ་དང་། ས་ཁུལ་ཁག་གིས་གྲོང་ཁྱེར་གྱི་སྦུག་ལམ་འཁྱགས་འགོག་བྱེད་ཐབས་ལ་ཤུགས་སྣོན་རྒྱག་དགོས།