ཉེ་བའི་ལོ་ཤས་རིང་། ལྷ་སའི་བོད་རུམ་ཐོན་ལས་འཕེལ་རྒྱས་མགྱོགས་པ་དང་། གཞི་ཁྱོན་ཟམ་མི་ཆད་པར་ཆེ་རུ་ཕྱིན་པ། ཐོན་རྫས་ཀྱི་གྲུབ་ཚུལ་རྒྱུན་མི་ཆད་པར་རིམ་འཕར་བྱུང་བ། རྒྱལ་ཁབ་ཕྱི་ནང་དུ་ཁྲོམ་ར་བཟུང་ཚད་ཆེས་ཆེར་མང་དུ་སོང་ནས། ལྗོངས་ཡོངས་ཀྱི་བོད་རུམ་ཐོན་ལས་འཕེལ་རྒྱས་ཀྱི་སྣེ་འདྲེན་མཁན་དུ་གྱུར་ལ་རང་རྒྱལ་གྱི་བོད་རུམ་ཐོན་ལས་ཀྱི་འཛོམས་ས་གལ་ཆེན་དུ་གྱུར་ཡོད། མིག་སྔར་རྒྱལ་ཁབ་ཕྱི་ནང་གི་བོད་རུམ་ཐོན་ལས་ཀྱི་མ་རྩ་དང་ལག་རྩལ་རང་ལྗོངས་ཕྱོགས་སུ་མགྱོགས་མྱུར་སྤོ་སྒྱུར་བྱེད་འགོ་ཚུགས་པ་དང་། ཁེ་ལས་མང་པོ་ལྷ་སར་བཅའ་སྡོད་བྱས་ནས་བོད་རུམ་གྱི་རྐང་འཛིན་ཁེ་ལས་ཁག་གཅིག་ལྷ་སར་ཐོན་པ་མ་ཟད། བོད་ཀྱི་བོད་རུམ་ཐོན་ལས་ཀྱི་འཕེལ་རྒྱས་ལ་སྐུལ་ཁྲིད་ནུས་ལྡན་ཡང་བྱས་ཤིང་། འདི་ནི་ལྷ་ས་གྲོང་ཁྱེར་ཁྲེང་ཀོན་ཆུས་བོད་རུམ་བཟོ་གྲྭའི་ལས་བཟོས་ཁ་གདན་འཐག་པའི་གནས་ཚུལ་ཡིན་པ།