རིགས་གཅིག་མཁས་ཅན་གྱིས་ཡུན་རིང་ཐ་མག་འཐེན་མཁན་ཚོགས་སྤྱི་དང་། ཐ་མག་གི་དུ་བའི་ཁྲོད་སྡོད་མཁན། གློ་ཡང་སེ་རྒྱག་མཁན་བཅས་ལ་གློ་བ་འགག་པའི་ནད་ཕོག་ཉེན་ཆེ་བའི་དྲན་སྐུལ་བྱས་ཡོད།
ཁྲུང་ཆིང་ནན་ཨན་ཆུས་ཀྱི་ལོ་41ལ་སླེབས་པའི་སྐུ་ཞབས་ཚུའེ་ཡིས་ཐ་མག་འཐེན་ནས་ལོ་20ལྷག་ཙམ་འགྲོ་གི་ཡོད། ཉེ་དུས་ཁོང་གློ་ཡང་སེ་རྒྱག་པ་དང་གཟུགས་པོ་ཡང་སྐྱོ་རུ་ཕྱིན་ཏེ་ཐོག་ཁར་འཛེག་སྐབས་དབུགས་ཧལ་ནས་ངལ་གསོས་ན་མ་གཏོགས་འཛེག་ཐུབ་ཀྱི་མེད། སྨན་ཁང་དུ་བརྟག་དཔྱད་བྱས་རྗེས་གློ་འགག་ནད་ཕོག་པ་ཤེས།
བཅིངས་འགྲོལ་དམག་སློབ་ཆེན་གསུམ་པའི་ཤིན་ཆའོ་སྨན་ཁང་གི་དབུགས་ལམ་ཚན་ཁག་གི་ཀྲུའུ་རེན་གཞོན་པ་ཝང་ཀོན་ཧའོ་ཡིས་གློ་བ་འགག་པའི་ནད་རྟགས་དེ་གློ་བའི་ནུས་པ་རིམ་གྱིས་ཉམས་པའི་གློ་བའི་ནད་ཅིག་ཡིན། ནད་དེ་ཐོག་མར་ཤེས་རྟོགས་ཐུབ་ཀྱི་མེད། ནད་ལྕི་རུ་ཕྱིན་རྗེས། གསོ་རླུང་དཀོན་པའི་རྐྱེན་གྱིས་དེ་མིན་དབང་པོར་ཡང་ནད་ཐོན་སྐབས་སྨན་བཅོས་བྱེད་ཁག་པོ་ཡོད་ཅེས་ངོ་སྤྲོད་བྱས།
རིགས་གཅིག་མཁས་ཅན་གྱིས་ཡུན་རིང་ཐ་མག་འཐེན་མཁན་དང་། གློ་ཡང་སེ་རྒྱག་མཁན། ཐ་མག་གི་དུ་བའི་ཁྲོད་སྡོད་མཁན་བཅས་ལ་གློ་བ་འགག་པའི་ནད་ཕོག་སླ་བས་རབ་བྱུང་ན་ལོ་གཅིག་ནང་གློ་བར་བརྟག་དཔྱད་ཐེངས་རེ་བྱས་ཏེ་སྔ་ཙམ་ཤེས་རྟོགས་དང་སྔ་ཙམ་སྨན་བཅོས་ཐུབ་པའི་དྲན་སྐུལ་བྱས།