རང་སྐྱོང་ལྗོངས་ཏང་ཨུད་སྐབས་བརྒྱད་པའི་ཨུ་ཡོན་ཚང་འཛོམས་གྲོས་ཚོགས་ཐེངས་བདུན་པས་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པ་དང་ལྷག་པར་དུ་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་གྱིས་ཁྲིད་སྟོན་བྱེད་པ་དང་། དཔལ་འབྱོར་དང་སྤྱི་ཚོགས་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་འདེད་གཏོང་བའི་རང་ལྗོངས་ཀྱི་ཞིབ་ཕྲའི་བྱེད་ཐབས་ཞིབ་འཇུག་དང་བཀོད་སྒྲིག་བྱེད་པ། དུང་བརྡ་གསར་པ་གཏོང་བ། འཐབ་ལམ་གསར་པ་གཏོད་པ་བཅས་བྱས་པ་དེས་བོད་ཀྱི་འཕེལ་རྒྱས་ཡར་ཐོན་ལོ་རྒྱུས་ཐོག་རྗེས་ཤུལ་གསལ་པོ་ཞིག་འཇོག་རྒྱུ་དང་གལ་ཆེ་ལ་རྒྱང་རིང་གཏིང་ཟབ་ཀྱི་ཤུགས་རྐྱེན་ཐེབས་ངེས་རེད།
ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པ་དང་ལྷག་པར་དུ་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་གྱིས་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་འདེད་གཏོང་བའི་མཛུབ་ཁྲིད་བསམ་བློ་དང་། འཐབ་ཇུས་བཀོད་སྒྲིག དམིགས་ཚད་བླང་བྱ། བྱེད་ཐབས་གལ་ཆེན་བཅས་གསལ་པོ་བཏོན་ནས་དུས་བབ་གསར་པའི་འོག་གི་བོད་ཀྱི་ལས་དོན་ལ་ཁ་ཕྱོགས་གསལ་སྟོན་གནང་བ་དང་རྩ་བའི་གཞི་འཛིན་ས་དང་སྒུལ་ཤུགས་ཆེན་པོ་མཁོ་འདོན་བྱས་ཡོད། སྲིད་དོན་གལ་ཆེན་གྱི་བྱེད་ཕྱོགས་གཏན་འཁེལ་ཟིན་པས་འགག་རྩ་ནི་དོན་འཁྱོལ་དམ་འཛིན་དང་། ལག་ལེན་བྱེད་པ། བྱ་སྤྱོད་ཐོག་འཁྱོལ་བ་བཅས་བྱ་རྒྱུ་དེ་ཡིན། ལྗོངས་ཡོངས་ཀྱི་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པས་སྒྱུར་བཅོས་གསར་གཏོད་ཀྱི་སྙིང་སྟོབས་དར་སྤེལ་ཤུགས་ཆེན་གཏོང་བ་དང་། ལྟ་བ་གསར་གཏོད་དང་། བྱེད་ཐབས་གསར་གཏོད། ལམ་སྲོལ་གསར་གཏོད། ལམ་ལུགས་གསར་གཏོད་བཅས་ལ་སྐུལ་འདེད་གཏོང་བ། དུས་བབ་གསར་པ་ངོས་འཛིན་ཐུབ་པ་དང་། ལས་འགན་གསར་པ་སྟངས་འཛིན་བྱེད་པ། འགོ་འཛུགས་ས་གསར་པར་དམིགས་པ། བྱེད་ཐབས་གསར་པ་འཚོལ་ཞིབ། འོད་སྟོང་གསར་པ་གཏོད་པ་བཅས་བྱས་ནས་བོད་ལྗོངས་འཕེལ་རྒྱས་མྱུར་པོ་དང་ཡུན་རིང་བདེ་འཁོད་ཀྱི་རྣམ་པ་གསར་པ་ཧུར་ཐག་གཏོད་དགོས།
རིམ་ཁག་ཏང་ཨུད་དང་སྲིད་གཞུང་གིས་འགོ་ཁྲིད་ཀྱི་འགན་འཁྲི་འཁུར་ཐུབ་མིན་དང་འགན་ཁུར་བློ་མཐུན་གཙོ་བོས་འགན་འཁྲི་འཁུར་མཁན་དང་པོའི་འགན་འཁྲི་སྒྲུབ་ཐུབ་མིན་དེ་ནི་བོད་ཀྱི་འཕེལ་རྒྱས་མྱུར་པོ་དང་ཡུན་རིང་བདེ་འཁོད་ཀྱི་རྣམ་པ་གསར་པ་གཏོད་པའི་འགག་རྩ་ཞིག་ཡིན། རིམ་ཁག་འགོ་ཁྲིད་ལས་བྱེད་པ་ཚང་མས་བསམ་བློའི་ཐོག་ཚད་མཐོའི་མཐོང་ཆེན་བྱེད་པ་དང་།ཆབ་སྲིད་ཀྱི་འདུ་ཤེས་དང་། སྤྱི་ཡོངས་ཀྱི་འདུ་ཤེས། འགན་འཁྲིའི་འདུ་ཤེས། འགན་འཁུར་ཕོད་པའི་འདུ་ཤེས་བཅས་དངོས་འབྲེལ་ཆེ་རུ་གཏོང་བ། ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པའི་དགོངས་དོན་དང་ལྷག་པར་དུ་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དངོས་འབྲེལ་ལག་བསྟར་དོན་འཁྱོལ་བྱ་རྒྱུ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ལ་བརྩི་བ། གནས་བབ་གལ་ཆེན་ཐོག་འཇོག་པ་དང་ཉིན་རེའི་གྲོས་རིམ་ནང་འཇོག་པ། ལག་བསྟར་ཇུས་གཞི་བཟོ་བ་དང་དམ་འཛིན་ནན་པོ་དང་། དམ་འཛིན་ཏན་ཏིག དམ་འཛིན་ཡག་པོ་བཅས་བྱེད་དགོས་པ་དང་། བྱ་སྤྱོད་ཐོག་མགྱོགས་མྱུར་དོན་འཁྱོལ་དང་། དོན་དངོས་དང་ཟུང་འབྲེལ་དམ་ཟབ། ཀྲུང་དབྱང་གི་བཀོད་སྒྲིག་དང་བླང་བྱར་གཞིགས་ནས་དོན་ཚན་རེ་རེ་བཞིན་དང་ནང་གསེས་རེ་རེ་བཞིན་ཞིབ་ཕྲ་བཟོ་བ། ལས་ཀའི་ལས་འགན་གསལ་པོ་བཟོ་བ་དང་། དམིགས་ཚད་དང་འགན་འཁྲི་གསལ་པོ་བཟོ་བ། དུས་ཚད་ཀྱི་བླང་བྱ་གསལ་པོ་བཟོ་བ་བཅས་བྱས་ནས་དཔལ་འབྱོར་དང་སྤྱི་ཚོགས་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་འདེད་གཏོང་བའི་འགན་འཁྲི་ཆེན་པོ་རང་རྟོགས་ངང་འཁུར་དགོས།
ལྗོངས་ཡོངས་ཀྱི་ལས་བྱེད་པ་དང་མང་ཚོགས་ཀྱི་བསམ་བློ་དེ་ཀྲུང་དབྱང་གི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བ་བྱེད་པ་དང་སྟོབས་ཤུགས་རྣམས་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པའི་ཐོག་གསལ་སྟོན་གནང་བའི་དམིགས་ཚད་ལས་འགན་ཐོག་གོང་བུ་བསྒྲིལ་རྒྱུ་དེ་ནི་བོད་ལྗོངས་འཕེལ་རྒྱས་མྱུར་པོ་དང་ཡུན་རིང་བདེ་འཁོད་ཀྱི་རྣམ་པ་གསར་པ་གཏོད་པའི་སྔོན་འགྲོ་ཞིག་རེད། ལྗོངས་ཡོངས་ཀྱི་རིམ་ཁག་དྲིལ་བསྒྲགས་སྡེ་ཚན་དང་གསར་འགྱུར་སྨྱན་སྦྱོར་གྱིས་ལེགས་ཆའི་ནུས་པ་འདོན་སྤེལ་གང་ལེགས་བྱེད་པ་དང་བོད་རྒྱ་ཡིག་རིགས་གཉིས་སྤྱོད་པ་དང་རྣམ་པ་སྣ་ཚོགས་སྤྱད་དེ་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པ་དང་ལྷག་པར་དུ་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དྲིལ་བསྒྲགས་ཤུགས་ཆེན་བྱེད་དགོས་པ་དང་། གཞི་རིམ་རྩ་འཛུགས་དང་ལྷག་པར་དུ་གྲོང་གསེབ་རྩ་འཛུགས་དང་། གྲོང་ཚོར་བཅའ་སྡོད་ལས་དོན་རུ་ཁག དགོན་སྡེ་དོ་དམ་ཨུ་ལྷན། དམངས་ཕན་ཉེན་རྟོག་ཞབས་ཞུའི་ས་ཚིགས། “གཉིས་ལྡན་དུད་སྦྲེལ”བཅས་ཚན་པའི་མང་ཚོགས་ལ་ཐད་ཀར་འབྲེལ་བ་བྱེད་པ་དང་ཞབས་འདེགས་ཞུ་བའི་ལེགས་ཆ་འདོན་སྤེལ་གང་ལེགས་བྱས་ནས་ཀྲུང་དབྱང་གི་དགོངས་དོན་དེ་ལས་ཁུངས་དང་། གྲོང་གསེབ། སྡེ་ཁུལ། སློབ་གྲྭ ཁེ་ལས། དམག་སྒར། དགོན་སྡེ་བཅས་སུ་དྲིལ་བསྒྲགས་བྱ་རྒྱུར་སྐུལ་འདེད་ཏན་ཏིག་གཏོང་བ། ཀྲུང་དབྱང་གི་དགོངས་དོན་དང་སྲིད་ཇུས་བྱེད་ཐབས་རྣམས“མཐའ་མའི་འགག་གནད”དུ་དོན་འཁྱོལ་ཐུབ་པའི་གནད་དོན་ཐག་གཅོད་ཏན་ཏིག་བྱེད་དགོས།
དངོས་སྒྲུབ་ཀྱི་སྙིང་སྟོབས་ལ་བརྟེན་ནས་ཇི་མ་ཇི་བཞིན་དོན་འཁྱོལ་བྱ་རྒྱུ་ནི་བོད་ལྗོངས་འཕེལ་རྒྱས་མྱུར་པོ་དང་ཡུན་རིང་བདེ་འཁོད་ཀྱི་རྣམ་པ་གསར་པ་གཏོད་པའི་འགན་སྲུང་ཞིག་ཡིན། རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པ་ཚང་མས་དམ་པ་དོན་གཉེར་གྱི་སྤྱོད་ཚུལ་དར་སྤེལ་ཤུགས་ཆེན་བཏང་ནས་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པ་དང་ལྷག་པར་དུ་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དེ་དངོས་འཛིན་དངོས་སྒྲུབ་ཀྱི་བྱ་སྤྱོད་དངོས་ལ་འགྱུར་བ་བྱེད་པ་དང“བོད་སྐྱོད་པ་རྒན་གྲས་ཀྱི་སྙིང་སྟོབས”དང“ལམ་གཉིས་ཀྱི་སྙིང་སྟོབས”མུ་མཐུད་དར་སྤེལ་བཏང་སྟེ་བོད་ཀྱི་ཚན་རིག་དང་མཐུན་པའི་གོང་འཕེལ་དང་། ཞི་མཐུན་བརྟན་ལྷིང་། མི་རིགས་མཐུན་སྒྲིལ། ཆོས་ལུགས་འཆམ་མཐུན། དམངས་འཚོ་ལེགས་གཏོང་། སྣོད་བཅུད་བཟང་བ། ཏང་འཛུགས་སྐྱོང་ལ་ཤུགས་སྣོན། མཐའ་མཚམས་སྲ་བརྟན་བཅས་ཀྱི་རྣམ་པ་གསར་པ་ཧུར་ཐག་གཏོད་དགོས།