ཉེ་ཆར། གྲ་ནང་རྫོང་སྤྱི་བདེ་ཅུས་སློབ་ཁུལ་དམངས་ཕན་ཉེན་རྟོག་ཞབས་ཞུའི་ས་ཚིགས་ཀྱིས་མི་དམངས་ཉེན་རྟོག་པ་སྒྲིག་འཛུགས་བྱས་ཏེ་ཁོངས་གཏོགས་ཀྱི་ཏིང་ཕུང་སྣུམ་སྣོན་ས་ཚིགས་སུ་བདེ་འཇགས་ཞིབ་བཤེར་ལས་དོན་སྤེལ་བ་རེད།

ཞིབ་བཤེར་བྱེད་རིང་། མི་དམངས་ཉེན་རྟོག་པས་གཙོ་བོ་སྣུམ་སྣོན་ས་ཚིགས་ཀྱི་མེ་ཟོན་བདེ་འཇགས་ལམ་ལུགས་དང་། མེ་ཟོན་བདེ་འཇགས་ལམ་ལུགས་དོན་འཁྱོལ་བྱས་ཚུལ་དང་། མེ་ཟོན་ཡོ་ཆས་དང་མེ་ཟོན་ཡོ་ཆས་ཀྱི་ལྷུ་ལག གཙོ་གནད་ཁུལ་གྱི་མི་མངོན་པའི་རྐྱེན་ངན་དང་དེ་བཞིན་རླངས་འཁོར་ཁག་གི་སྣུམ་སྣོན་ཐོ་འགོད་གནས་ཚུལ་བཅས་ལ་ཞིབ་བཤེར་བྱས་པ་རེད།