ཚེས་9ཉིན་གྱི་སྔ་དྲོ་ཁྲེང་ཏུའུ་བརྒྱུད་ཡུལ་ཤུལ་གྱི་དུས་གཏན་གནམ་གྲུ་དེ་འཛམ་གླིང་ཐོག་རྒྱ་མཚོའི་ངོས་ལས་ས་བབ་མཐོ་ཤོས་ཀྱི་དམངས་སྤྱོད་གནམ་ཐང་གི་གྲས་ཤིག་ཡིན་པའི་ལྷ་ས་གོང་དཀར་གནམ་ཐང་དུ་བརྟན་པོའི་ངང་བབས་ཤིང་། ཁྲེང་ཏུའུ་ནས་ཡུལ་ཤུལ་དང་ལྷ་ས་བར་གྱི་མཁའ་ལམ་དངོས་སུ་ཤར་གཏོང་ཐུབ་པ་དེ་ཐོག་ནས་ཡུལ་ཤུལ་ནས་ལྷ་ས་བར་གྱི་ཐད་གཏོང་མཁའ་ལམ་དང་པོ་དེ་དངོས་སུ་ཤར་གཏོང་ཐུབ་པ་མཚོན་ཡོད་པ་རེད།

ངོ་སྤྲོད་བྱས་པར་གཞིགས་ན། མཁའ་ལམ་དེ་གཟའ་འཁོར་རེའི་གཟའ་ཟླ་བ་དང་། ལྷག་པ། པ་སངས། ཉི་མ་བཅས་ལ་ཐེངས་རེ་འཕུར་བ་དང་ཆུ་ཚོད་06:35ལ་ཁྲེང་ཏུའུ་ནས་འཕུར་བ་དང་ཆུ་ཚོད08:10ཡི་ཐོག་ཡུལ་ཤུལ་དུ་འབྱོར་བ་དང་། ཆུ་ཚོད་09:00ལ་ཡུལ་ཤུལ་ནས་འཕུར་ཏེ་ཆུ་ཚོད་09:55ཡི་ཐོག་ལྷ་སར་འབྱོར་བ། ལྷ་ས་ནས་འཕུར་བའི་དུས་ཚོད་ཆུ་ཚོད་11:05དང་ཡུལ་ཤུལ་དུ་ཆུ་ཚོད་12:30ཡི་ཐོག་འབྱོར་བ། ཆུ་ཚོད་13:15ལ་ཡུལ་ཤུལ་ནས་འཕུར་བ་དང་ཆུ་ཚོད་14:30ཡི་ཐོག་ཁྲེང་ཏུའུ་རུ་འབྱོར་གྱི་ཡོད་པ་རེད།