ཟླ་10ཚེས་1ཉིན་མཚོ་སྔོན་གྱི་ཡུལ་སྐོར་དང་བླངས་པ་ཁག་དང་པོའི་མི་200“ལས་གནས་སུ་ཞུགས”ཏེ་རྒྱལ་སྟོན་གུང་གསེང་གི་ཡུལ་སྐོར་ལ་ཞབས་འདེགས་ཞུས་པ་དང་། ཁོ་ཚོས་གྱོན་གོས་གཅིག་མཚུངས་གྱོན་ནས་ཡུལ་སྐོར་མཛེས་ལྗོངས་གཙོ་གནད་དམ། ཡང་ན། ཡུལ་སྐོར་བསྡུ་འགྲེམ་བྱ་ཡུལ་ཁག་གཅིག་ཏུ་ཀྲུང་གོའི་ཡུལ་སྐོར་དང་བླངས་པ་ཁག་དང་པོའི་བྱེད་སྒོ་སྤེལ་བ་རེད།

ཤེས་རྟོགས་བྱུང་བ་ལྟར་ན། མཚོ་སྔོན་གྱི་ཡུལ་སྐོར་དང་བླངས་པ་ཁག་དང་པོ་ནི་ཡུལ་སྐོར་གཙོ་སྐྱོང་སྡེ་ཚན་དང་། ཡུལ་སྐོར་ཁེ་ལས། དེ་བཞིན་ཡུལ་སྐོར་སློབ་གྲྭ་བཅས་ནས་ཡོང་བ་རེད། ཁོ་ཚོས་ཡུལ་སྐོར་བར་རོགས་རམ་བྱ་རྒྱུར་གཞོལ་ནས་ཡུལ་སྐོར་ལས་རིགས་ཀྱི་ཕྱོགས་བསྡུས་ཞབས་ཞུའི་སྤུས་ཚད་ལེགས་སུ་གཏོང་བ་དང་། དམངས་བྱིངས་ལ་ཡ་རབས་ངང་ཡུལ་སྐོར་བྱེད་པའི་ཁྲིད་སྟོན་དང་། མཛེས་ལྗོངས་ལྟ་སྐོར་གྱི་འགྲེལ་བཤད། ཡུལ་སྐོར་བློ་འདྲི་དང་དེ་བཞིན་ཡུལ་སྐོར་ཞབས་ཞུའི་སྤུས་ཚད་ལྟ་སྐུལ་སོགས་སྤྱི་ཕན་ཞབས་འདེགས་ཞུས་པ་རེད།

ངོ་སྤྲོད་བྱས་པ་ལྟར་ན། ཡུལ་སྐོར་ལས་རིགས་ཀྱི་ཞབས་ཞུའི་སྤུས་ཚད་ལེགས་སུ་གཏོང་ཆེད་སླད་ཕྱིན་གྱི་ལོ་3རིང་མཚོ་སྔོན་དུ་ཡུལ་སྐོར་དང་བླངས་པ་3000ཟིན་རྒྱུ་དང་ལོ་5ཡི་རིང་5000བར་འཕར་རྒྱུ་ཡིན་པ་རེད།