དད་སེམས་དང་རིན་ཐང་གི་དོན་གཉེར་གྱི་སྙིང་སྟོབས་ནི་ང་ཚོའི་བྱ་སྤྱོད་ཀྱི་སྒུལ་ཤུགས་ཡིན་ལ་ང་ཚོའི་བྱ་སྤྱོད་ཀྱི་ཚད་གཞི་ཡང་ཡིན་པས་དེས་ང་ཚོའི་བྱ་སྤྱོད་ཀྱི་སྣེ་འདྲེན་བྱེད་པ་དང་ཚད་ལྡན་དུ་གཏོང་གི་ཡོད། “ས་མཐོར་ལས་ཀ་བྱེད་སྐབས་མ་འདང་ཤོས་ནི་གསོ་རླུང་དང་རྩ་ཆེ་ཤོས་ནི་སྙིང་སྟོབས་རེད”“རྒྱ་ཆེའི་ཏང་ཡོན་དང་ལས་བྱེད་པས་སྲོལ་རྒྱུན་བཟང་པོ་དར་སྤེལ་བཏང་སྟེ‘བོད་སྐྱོད་པ་རྒན་གྲས་ཀྱི་སྙིང་སྟོབས’ལ་དུས་རབས་ཀྱི་ནང་དོན་གསར་པ་རྒྱུན་ཆད་མེད་པར་བསྣན་དགོས”ཞེས་པའི་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་ཀྲུང་དབྱང་གི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་དྲུག་པའི་ཐོག་གནང་བའི་བཀའ་མོལ་དེས་བོད་ཀྱི་འཕེལ་རྒྱས་དང་བརྟན་ལྷིང་ལ་ཕུགས་བསམ་དད་སེམས་ཀྱི་རྨང་གཞི་འདིང་དགོས་པ་དང་ཡུན་རིང་དར་སྤེལ་གཏོང་དགོས་པའི་བསམ་པའི་སྒུལ་ཤུགས་མཁོ་འདོན་བྱས་ཡོད།
ཡུན་རིང་གསར་བརྗེ་དང་འཛུགས་སྐྲུན་གྱི་བྱ་གཞག་ནང་རང་ལྗོངས་ཀྱི་རྒྱ་ཆེའི་ལས་བྱེད་པ་དང་མང་ཚོགས་ཚོས་འབད་འཐབ་ལྷོད་མེད་བྱས་པ་བརྒྱུད་མི་རྣམས་སེམས་འགུལ་ཟབ་མོ་ཐེབས་དགོས་པའི“བོད་སྐྱོད་པ་རྒན་གྲས་ཀྱི་སྙིང་སྟོབས”བཏོད་པ་དེ“ལམ་གཉིས”ཀྱི་སྙིང་སྟོབས་དང“ཡོད་པ་གསུམ་དང་མི་སྐྲག་པ་བཞིའི”སྙིང་སྟོབས་དང་འདྲ་བར་ཀྲུང་ཧྭ་མི་རིགས་ཀྱི་སྙིང་སྟོབས་གོང་མཐོར་སོང་བ་དང་། གསར་བརྗེའི་སྙིང་སྟོབས་ཀྱི་ཉིང་བཅུད། དུས་རབས་ཀྱི་སྙིང་སྟོབས་མཚོན་ཚུལ་བཅས་རེད། “སྡུག་བསྲན་ཁྱད་པར་ཐེག་པ་དང་། བཟོད་བསྲན་ཁྱད་པར་ཐུབ་པ། མཐུན་སྒྲིལ་ཁྱད་པར་ཐུབ་པ། དམག་འཐབ་ཁྱད་པར་འཇོན་པ། ལེགས་སྐྱེས་ཁྱད་པར་འབུལ་བ”བཅས་ནི་སྙིང་སྟོབས་ཕུན་སུམ་ཚོགས་སུ་བཏང་བའི་གསོན་ཉམས་ལྡན་པའི་སྙིང་བསྡུས་ཤིག་རེད། དུས་རབས་ཕྱེད་ཀ་ལྷག་ཙམ་ནང“བོད་སྐྱོད་པ་རྒན་གྲས་ཀྱི་སྙིང་སྟོབས”ཀྱིས་བོད་ལྗོངས་འཛུགས་སྐྲུན་པ་གྲངས་ལས་འདས་པས་བོད་ལ་གཞི་ཚུགས་པ་དང་བོད་ལྗོངས་འཛུགས་སྐྲུན་བྱས་ཏེ་ལང་ཚོ་དང་ཁྲག་དྲོན་ལ་བརྟེན་ནས་མེས་རྒྱལ་དང་། ཏང་། མི་དམངས་བཅས་ལ་བློ་དཀར་སེམས་དཀར་མུ་མཐུད་བྱ་རྒྱུར་ལྕག་སྐུལ་བྱེད་བཞིན་ཡོད།
མི་རབས་རེ་ལ་མི་རབས་རེའི་བསམ་པའི་ཉམས་འགྱུར་ལྡན། འོན་ཏེ་མི་རིགས་གང་འདྲ་ཞིག་ཡིན་རུང་མགོ་བོ་འདེགས་ཐུབ་པ་བྱེད་པའི་སྙིང་སྟོབས་དེ་ནི་སྲོལ་རྒྱུན་ནས་བྱུང་བ་ཞིག་རེད། དེ་སྔ་དང་བསྡུར་ན་ད་ལྟའི་བོད་ལ་འཕྲད་པའི་འཕེལ་རྒྱས་ཀྱི་རྣམ་པ་དང་དཀའ་ཉེན་གྱི་ཆུ་ཚད་ཆུང་དུ་འགྲོ་ཡོད་ཤས་ཆེ། འོན་ཏེ་རྙོག་འཛིང་གི་ཆུ་ཚད་དེ་ལས་ཆུང་བ་མེད།ལོ་རྒྱུས་ཀྱི་འགོ་འཛུགས་ས་གསར་པའི་ཐོག་ལྗོངས་ཡོངས་ཀྱི་རྒྱ་ཆེའི་ཏང་ཡོན་དང་ལས་བྱེད་པས་ངེས་པར་དུ་སྲོལ་རྒྱུན་བཟང་པོ་དར་སྤེལ་བཏང་སྟེ“བོད་སྐྱོད་པ་རྒན་གྲས་ཀྱི་སྙིང་སྟོབས”ལ་དུས་རབས་ཀྱི་ནང་དོན་གསར་པ་རྒྱུན་ཆད་མེད་པར་སྦྱིན་པ་དང་བྱ་སྤྱོད་ངོ་མའི་ཐོག་ནས“བོད་སྐྱོད་པ་རྒན་གྲས་ཀྱི་སྙིང་སྟོབས”ལས་འོད་སྟོང་དེ་བས་འཕྲོ་བ་བྱས་ནས་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་ཡུན་རིང་བདེ་འཁོད་ལ་སྐུལ་མ་གཏོང་བའི་སྒུལ་ཤུགས་རྫོགས་མཐའ་མེད་པ་ཞིག་ཏུ་འགྱུར་བ་བྱེད་དགོས།
ཕུལ་བྱུང་སྲོལ་རྒྱུན་དར་སྤེལ་བཏང་ནས“བོད་སྐྱོད་པ་རྒན་གྲས་ཀྱི་སྙིང་སྟོབས”ལ་དུས་རབས་ཀྱི་ནང་དོན་གསར་པ་ཟམ་མི་ཆད་པར་བསྣན་ཏེ་ཆབ་སྲིད་ཐོག་དེ་བས་བློ་རྩ་བརྟན་པོ་བྱེད་དགོས། “བོད་སྐྱོད་པ་རྒན་གྲས་ཀྱི་སྙིང་སྟོབས”ཀྱི་ཆེས་གཅིག་སྡུད་ཀྱི་མཚོན་ཚུལ་ནི་ཏང་ལ་དགའ་ཞེན་དང་རྒྱལ་ཁབ་ལ་དགའ་ཞེན་བྱ་རྒྱུ་དེ་རེད། ལྗོངས་ཡོངས་ཀྱི་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པས་དུས་བསྟུན་འཕེལ་རྒྱས་བཏང་ནས་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་རིམ་སྤེལ་གསུང་བཤད་གལ་ཆེན་གྱི་དགོངས་དོན་དང་ལྷག་པར་དུ“རྒྱལ་ཁབ་སྐྱོང་བར་ངེས་པར་དུ་མཐའ་མཚམས་སྐྱོང་དགོས་པ་དང་། མཐའ་མཚམས་སྐྱོང་བར་སྔོན་ལ་བོད་བརྟན་ལྷིང་ཡོང་བ་བྱེད་དགོས་པའི”འཐབ་ཇུས་དགོངས་པ་གལ་ཆེན་སློབ་སྦྱོང་གཏིང་ཟབ་བྱས་ནས་ཏང་གི་རིགས་པའི་གཞུང་ལུགས་ཀྱི་འབྲས་བུ་གསར་ཤོས་ལ་བརྟེན་ནས་བསམ་བློར་དྲག་ཆས་སྤྲས་ཏེ་ཆབ་སྲིད་ལ་སྣང་ཆེན་བྱ་རྒྱུ་སྔ་ཕྱི་བར་གསུམ་དུ་ཨང་དང་པོར་འཇོག་པ་དང་། ཆབ་སྲིད་ཀྱི་རྣོ་ངར་རང་བཞིན་དང་ཆབ་སྲིད་ཀྱི་དབྱེ་འབྱེད་ནུས་པ་ཟམ་མི་ཆད་པར་ཆེ་རུ་བཏང་ཐོག་བསམ་བློ་དང་། ཆབ་སྲིད། བྱ་སྤྱོད་བཅས་བློ་མཐུན་ཞིས་ཅིན་ཕིང་གིས་སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་དང་ཚད་མཐོའི་གཅིག་གྱུར་ཡོང་བྱས་ནས་ལྗོངས་ཏང་ཨུད་ཀྱི་ཐབས་ཇུས་བཀོད་སྒྲིག་ཇི་མ་ཇི་བཞིན་དུ་དོན་འཁྱོལ་བྱེད་དགོས། ལས་ཀའི་དམིགས་ས་དང་ཤུགས་རྒྱག་ས་མེས་རྒྱལ་གཅིག་གྱུར་ལ་སྲུང་སྐྱོང་དང་མི་རིགས་མཐུན་སྒྲིལ་ལ་ཤུགས་སྣོན་རྒྱག་རྒྱུའི་ཐད་བཞག་ནས་ཁ་ཕྲལ་ལ་ངོ་རྒོལ་བྱེད་པའི་རྩ་དོན་འགངས་ཆེན་གྱི་གནད་དོན་ལ་དར་ཆ་གསལ་སྟོན་དང་། ལངས་ཕྱོགས་བརྟན་པོ། ངོས་འཛིན་གཅིག་གྱུར། ཁ་ཞེ་གཉིས་མེད། རྣམ་འགྱུར་བརྟན་པོ། གོམ་སྟབས་གཅིག་མཚུངས་བཅས་སྔ་ཕྱི་བར་གསུམ་དུ་ཐུབ་པ་བྱས་ཐོག ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་རང་འགུལ་དབང་ཆར་སྟངས་འཛིན་ཡག་པོ་བྱེད་དགོས།
ཕུལ་བྱུང་སྲོལ་རྒྱུན་དར་སྤེལ་བཏང་ནས“བོད་སྐྱོད་པ་རྒན་གྲས་ཀྱི་སྙིང་སྟོབས”ལ་དུས་རབས་ཀྱི་ནང་དོན་ཟམ་མི་ཆད་པར་བསྣན་ཏེ། ལས་ཀར་དེ་བས་ཉམས་སད་ཐེག་ཐུབ་པ་བྱེད་དགོས། མི་རྩ་བར་འཛིན་པ་དང་དམངས་ཆེད་སྲིད་སྐྱོང་ནི་ལས་དོན་མཐའ་དག་ལ་ཞིབ་དཔྱད་བྱེད་པའི་ཚད་གཞི་མཐོ་ཤོས་ཡིན་པས། བསམ་བློའི་ཐད་ནས་མང་ཚོགས་ལ་བརྩི་འཇོག་དང་བརྩེ་དུང་ཐོག་ནས་མང་ཚོགས་དང་ཉེ་བཅར་བྱས་ཏེ་མང་ཚོགས་ཀྱི་འབོད་སྒྲ་ཉན་པ་དང་། མང་ཚོགས་ཀྱི་བསམ་འདུན་མཚོན་པ། མང་ཚོགས་ཀྱི་དཀའ་སྡུག་ལ་དོ་ཁུར་བཅས་བྱས་ནས་ཐབས་བརྒྱ་ཇུས་སྟོང་ངང་མང་ཚོགས་ཀྱི་དཀའ་ངལ་ཐག་གཅོད་ཡག་པོ་བྱས་ཏེ་མི་སེར་ལ་དེ་བས་བདེ་སྐྱིད་ལྡན་པ་དང་དེ་བས་མཛེས་སྡུག་ལྡན་པའི་འཚོ་བ་སྐྱེལ་རྒྱུ་ཡོང་བ་བྱེད་དགོས། ངེས་པར་དུ་དམངས་འཚོ་ལེགས་གཏོང་དང་མི་སེམས་གཅིག་སྡུད་བྱ་རྒྱུ་ནི་ལས་དོན་ཁག་གི་འགོ་འཛུགས་ས་དང་དོན་ལ་བབས་སར་བྱས་ནས་མི་རིགས་མཐུན་སྒྲིལ་དང་དམངས་འཚོ་ལེགས་གཏོང་ལ་དམ་པོར་དམིགས་ནས་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བ་དང་སྤྱི་ཚོགས་ཁྱོན་ཡོངས་ནས་ཡར་ཐོན་ལ་སྐུལ་འདེད་བཏང་སྟེ། ཞན་ཆ་ཁ་གསབ་ཐད་ནུས་ཤུགས་ཡོད་རྒུ་བཏོན་ནས་ལྗོངས་ཡོངས་ཀྱི་མི་རིགས་ཁག་གི་མང་ཚོགས་ཀྱིས་སྒྱུར་བཅོས་འཕེལ་རྒྱས་ཀྱི་འབྲས་བུ་དེ་བས་ལེགས་པའི་སྒོ་ནས་མཉམ་སྤྱོད་ཐུབ་པ་བྱས་ཐོག རྒྱལ་ཡོངས་མི་དམངས་དང་མཉམ་དུ་དམངས་ཕྱུག་བོད་དར་དང་ཁྱོན་ཡོངས་ནས་འབྱོར་འབྲིང་གི་དམིགས་ཚད་མངོན་འགྱུར་ཐུབ་པ་བྱེད་དགོས།
ཕུལ་བྱུང་སྲོལ་རྒྱུན་དར་སྤེལ་བཏང་ནས“བོད་སྐྱོད་པ་རྒན་གྲས་ཀྱི་སྙིང་སྟོབས”ལ་དུས་རབས་ཀྱི་ནང་དོན་ཟམ་མི་ཆད་པར་བསྣན་ཏེ། རང་ཉིད་ནས་འགོ་འཛུགས་དགོས། ཏང་ཡོན་ལས་བྱེད་པ་ཚང་མའི་ལས་གནས་མི་འདྲ་བ་དང་། འགན་འཁྲི་མི་འདྲ་བ། ལས་བགོས་མི་འདྲ་བ་བཅས་ཡིན་མོད། འོན་ཀྱང་དམིགས་ཡུལ་གཅིག་མཚུངས་ཡིན་པ་ནི་མི་རིགས་ཁག་གི་མི་དམངས་ཀྱི་རེ་སྒུག་གསར་པ་དང་བསྟུན་ནས། བོད་ཀྱི་འཕེལ་རྒྱས་མགྱོགས་པོ་དང་ཡུན་རིང་བདེ་འཁོད་ལ་རང་ཉིད་ཀྱི་འབུལ་འོས་པའི་ལེགས་སྐྱེས་འབུལ་དགོས། རླབས་ཆེན་བྱ་གཞག་གིས་རླབས་ཆེན་སྙིང་སྟོབས་ཞུན་བརྡར་བྱེད་པ་དང་། རླབས་ཆེན་སྙིང་སྟོབས་ཀྱིས་རླབས་ཆེན་བྱ་གཞག་ལེགས་འགྲུབ་ཐུབ་ཀྱི་ཡོད། ང་ཚོས་ངེས་པར་དུ་ཏང་དང་རྒྱལ་ཁབ་ཀྱི་ཐུགས་ཁུར་ལས་ཀའི་སྒུལ་ཤུགས་སུ་བྱས་ཏེ་རང་ཉིད་ནས་འགོ་འཛུགས་པ་དང་། ད་ལྟ་ནས་འགོ་འཛུགས་པ། བྱ་བ་རེ་རེ་ནས་འགོ་འཛུགས་པ་བཅས་བྱས་ཐོག རང་སོ་སོའི་ལས་གནས་སུ་གྲུབ་འབྲས་དེ་བས་ཆེ་བ་བཏོད་དེ་དུས་རབས་དང་མི་དམངས་ལ་ངོ་གནོང་མི་དགོས་པའི་འོད་སྟོང་འབར་བའི་བྱས་རྗེས་ཧུར་ཐག་བཏོད་ཐོག ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་བྱེད་པའི་བོད་ཀྱི་ལེའུ་ཡག་པོ་ཞིག་རྩོམ་དགོས།