གསར་འགོད་པས་ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་ནས་ཤེས་རྟོགས་བྱས་པར་གཞིགས་ན། ２０１５ལོའི་ཟླ་３པའི་ཟླ་མཇུག་བར་ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གི“ཕ་ལམ་དང་། གསེར། དངུལ། ཟངས”བཅས་ཀྱི་གཱ་བཞིའི་དངུལ་བུན་ལྷག་གྲངས་སྒོར་དུང་ཕྱུར་１１４．２１ཟིན་ནས་དངུལ་ཁང་དེ་ཡོངས་ཀྱི་ཞིང་འབྲེལ་དངུལ་བུན་གྱི་５９．４３％བཟུང་ཡོད་པ་དང་། ཚུལ་མིན་དངུལ་བུན་གཡར་ཚད་０．２８％དང་ལྗོངས་ཡོངས་ཀྱི་９０％ཡན་གྱི་ཞིང་འབྲོག་དུད་ཚང་དུ་གཱ་དེ་དག་ཁྱབ་ཡོད་པ་རེད། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས་མཁོ་འདོན་བྱས་པ་དང་ཁྱབ་རྒྱ་ཆེ་བའི“གཱ་བཞི”ཞིང་འབྲོག་དུད་ཚང་ཡིད་རྟོན་དངུལ་བུན་གཏོང་ཡུལ་དུ་བྱས་པ་དང་མིག་སྔར་བོད་ལྗོངས་དེ་ཉིད་རྒྱལ་ཡོངས་སུ་ཡིད་རྟོན་དངུལ་བུན་ཁྱབ་ཆེ་ཤོས་ཀྱི་ས་ཁུལ་ཞིག་ཏུ་གྱུར་ཡོད་པ་རེད།
ཤེས་རྟོགས་བྱུང་བར་གཞིགས་ན། ２０１５ལོར་དངུལ་ཁང་དེའི“ཞིང་འབྲོག་དུད་ཚང་གི་ཡིད་རྟོན་དངུལ་བུན”ལ་རྒྱལ་ཡོངས་དངུལ་ཁང་ལས་རིགས་ཀྱི“２０１４ལོའི་ཞིང་གསུམ་ལ་ཞབས་འདེགས་ཞུ་མཁན་གྱི་དངུལ་རྩའི་ཚན་པའི”མཚན་སྙན་ཐོབ་པ་དང་དེ་ནི་རྒྱལ་ཡོངས་ཞིང་ལས་དངུལ་ཁང་དང་ལྗོངས་ཡོངས་ཀྱི་ཚོང་ལས་དངུལ་ཁང་ཁྲོད་མཚན་སྙན་དེ་ཐོབ་མཁན་གྱི་དངུལ་རྩའི་སྒྲིག་གཞི་འབའ་ཞིག་དེ་ཡིན་པ་རེད།