ཉེ་དུས། གསར་འགོད་པར་གཞིས་རྩེ་གྲོང་ཨུད་རྩ་འཛུགས་པུའུ་ནས་ཤེས་རྟོགས་བྱུང་བར། གྲོང་ཚོའི（གྲོང་མི）ལས་བྱེད་པའི་དཔུང་ཁག་འཛུགས་སྐྱོང་ལ་ཤུགས་སྣོན་བརྒྱབ་ནས་གྲོང་ཚོའི（གྲོང་མི）ལས་བྱེད་པའི་ལས་དོན་སྒྲུབ་པ་དང་བྱ་གཞག་གཏོད་པའི་སྤྲོ་སེམས་འཕེལ་བ་བྱ་ཆེད། གཞིས་རྩེ་གྲོང་ཁྱེར་གྱིས་གྲོང་ཚོའི（གྲོང་མི）“ཨུ་ལྷན་གཉིས”ཚན་ཁག་གི་དཔྱད་ཞིབ་དང་ལྕག་སྐུལ་གྱི་ལམ་སྲོལ་འཚོལ་ཞིབ་ཧུར་ཐག་གིས་བཙུགས་ཏེ་ཆེད་དོན་མ་དངུལ་སྒོར་ཁྲི་３２２０བཏང་ནས་གྲོང་ཚོའི（གྲོང་མི）ལས་བྱེད་པའི་ཐོབ་ཐང་ལེགས་སུ་བཏང་ཡོད།
ངོ་སྤྲོད་བྱས་པར་གཞིགས་ན། གཞིས་རྩེ་གྲོང་ཁྱེར་གྱིས་གྲོང་ཚོའི（གྲོང་མི）ཚན་ཁག་གི་ཁོངས་མིའི་དཔྱད་ཞིབ་བྱེད་སྐབས“སྔོན་ཐོན”དང་། “སྤྱིར་བཏང” “ཅུང་ཞན”བཅས་རིམ་པ་གསུམ་ལ་དབྱེ་ཡོད། “སྔོན་ཐོན”རིམ་པའི་གྲོང་ཚོར（གྲོང་མི）གཙོ་གནད་ཐོག་བྱ་དགའ་སྤྲད་པའི་ནང་གྲོང་ཁྱེར་གྱི་རིམ་པ་དང་པོས“སྔོན་ཐོན”རིམ་པར་བདམས་པའི་གྲོང་ཚོའི（གྲོང་མི）“ཨུ་ལྷན་གཉིས”ཚན་ཁག་གི་གྲོང་ཚོ（གྲོང་མི）ཚང་མར་བྱ་དགའི་དངུལ་སྒོར་３００００རེ་སྤྲད་རྒྱུ་དང་རྫོང（ཆུས）རིམ་པ་དང་པོས“སྔོན་ཐོན”རིམ་པར་བདམས་པའི་གྲོང་ཚོའི（གྲོང་མི）“ཨུ་ལྷན་གཉིས”ཚན་ཁག་གི་གྲོང་ཚོ（གྲོང་མི）ཚང་མར་བྱ་དགའི་དངུལ་སྒོར་１５０００ལས་མི་དམའ་བ་སྤྲད་རྒྱུ་དང་། “སྤྱིར་བཏང”རིམ་པའི་གྲོང་ཚོར（གྲོང་མི）ཁ་གསབ་སྤྲད་རྒྱུ་ཡིན་ཞིང་། དེའི་ནང་གྲོང་ཁྱེར་རིམ་པ་དང་པོས་གྲོང་ཚོ（གྲོང་མི）ཚང་མར་ཁ་གསབ་སྒོར་５０００གི་ཚད་གཞི་གཞིར་བཟུང་རྫོང（ཆུས）ལ་སྤྲད་པ། རྫོང（ཆུས）རིམ་པ་དང་པོས“སྤྱིར་བཏང”རིམ་པར་བདམས་པའི་གྲོང་ཚོའི（གྲོང་མི）“ཨུ་ལྷན་གཉིས”ཚན་ཁག་གི་གྲོང་ཚོ（གྲོང་མི）ཚང་མར་ཁ་གསབ་མ་དངུལ་སྒོར་１００００ལས་མི་དམའ་བ་སྤྲད་རྒྱུ་ཡིན་པ་རེད།
གོང་གི་ཐབས་ཤེས་བརྒྱུད་གྲོང་ཁྱེར་དེ་ཡོངས་ཀྱིས་ཁྱོན་ཆེད་དོན་མ་དངུལ་སྒོར་ཁྲི་３２２０གྲོང་ཚོའི（གྲོང་མི）“ཨུ་ལྷན་གཉིས”ཚན་ཁག་གི་དཔྱད་ཞིབ་དང་ལྕག་སྐུལ་གྱི་ཐད་སྤྱད་ཡོད། མིག་སྔར་གྲོང་ཁྱེར་དེ་ཡོངས་ཀྱི“སྔོན་ཐོན”གྲོང་ཚོའི（གྲོང་མི）ཏང་ཀྲི་པུའི་ཧྲུའུ་ཅི་དང་ཀྲུའུ་རེན་གྱི་ལོའི་ཡོང་འབབ་མཐོ་ཤོས་སྒོར་ཁྲི་３ཟིན་པ་དང“ཨུ་ལྷན་གཉིས”ཚན་ཁག་གི་ཁོངས་མི་གཞན་དག་གི་ལོའི་ཡོང་འབབ་མཐོ་ཤོས་སྒོར་ཁྲི་１ཟིན་གྱི་ཡོད། “སྤྱིར་བཏང”གྲོང་ཚོའི（གྲོང་མི）ཏང་ཀྲི་པུའི་ཧྲུའུ་ཅི་དང་ཀྲུའུ་རེན་གྱི་ལོའི་ཡོང་འབབ་མཐོ་ཤོས་སྒོར་ཁྲི་２ཟིན་པ་དང“ཨུ་ལྷན་གཉིས”ཚན་ཁག་གི་ཁོངས་མི་གཞན་དག་གི་ལོའི་ཡོང་འབབ་མཐོ་ཤོས་སྒོར་８０００ཟིན་གྱི་ཡོད་པ་རེད།