གསར་འགོད་པས“４·２５”ཡོམ་འགོག་གེགས་སེལ་མདུན་ཕྱོགས་བཀོད་འདོམས་པུའུ་ནས་ཤེས་རྟོགས་བྱས་པར་གཞིགས་ན། ཟླ་５ཚེས་１３ཉིན་གྱི་ཆུ་ཚོད་１６བར་བོད་རང་སྐྱོང་ལྗོངས་དམངས་སྲིད་ཐིང“４·２５”ཡོམ་འགོག་གེགས་སེལ་འཕྲལ་སྡོམ་ལས་དོན་ཞལ་འདེབས་དང་ལེན་གཞུང་ལས་ཁང་གིས་རིམ་རྩིས་བརྒྱབ་ན་སྲིད་འཛིན་བྱ་གཞག་ཚན་པའི་ལས་བྱེད་ལས་བཟོ་དང་། ཁེ་ལས། མི་སྒེར་སོགས་ཀྱི་ཞལ་འདེབས་དངུལ་སྒོར་９２５７９７９４．６３（ཀྲུང་གོ་ཞིང་ལས་དངུལ་ཁང་སྤྱི་ཁྱབ་དངུལ་ཁང་གི་སྒོར་ཁྲི་１０００དང་། པེ་ཅིང་གྲོང་ཁྱེར་སྲིད་གཞུང་གི་སྒོར་ཁྲི་５００ ཀྲུང་གོ་དངུལ་ཁང་གི་སྒོར་ཁྲི་５００ ཧྲང་ཧའེ་གྲོང་ཁྱེར་སྲིད་གཞུང་གི་སྒོར་ཁྲི་３００ ཧུའུ་ནན་ཞིང་ཆེན་སྲིད་གཞུང་གི་སྒོར་ཁྲི་３００ ཀྲུང་གོ་རྡོ་ཐ་སྤྱི་ཁྱབ་ཀུང་སིའི་སྒོར་ཁྲི་１２００ རྒྱལ་ཁབ་གསར་སྤེལ་དངུལ་ཁང་གི་སྒོར་ཁྲི་５００བཅས་ཚུད་པ）དང་ལེན་བྱས་པ་དེའི་ནང་ཟླ་５ཚེས་１３ཉིན་སྒོར་３８２８８３５．３０དང་ལེན་བྱས་པ་དང་། ཞལ་འདེབས་དངོས་ཟོག（གཏེར་ཆུ་དང་། གུར། བཟའ་བཅའ། སྨན་རྫས་སོགས་ཚུད་པ）རིན་ཐང་སྒོར་４８８７４９８．８（དེའི་ནང་རིན་ཐང་སྒོར་４３２０１１７．８རི་བའི་ཞལ་འདེབས་དངོས་ཟོག་གཞིས་རྩེ་གྲོང་ཁྱེར་དུ་དབོར་ཟིན་པ）དང་ལེན་བྱས་པ་རེད།