ཡོ་རོབ་མནའ་འབྲེལ་བསྡོམས་རྩིས་ཅུས་ཀྱིས་ཁྱབ་བསྒྲགས་བྱས་པའི་གྲངས་གཞི་གསར་ཤོས་ཀྱི་ཐོག་ནས་འདི་ལོའི་ཟླ་བ་དགུ་པར་ཡོ་རོབ་མནའ་འབྲེལ་ནང་གི་ལས་ཀ་ཤོར་ཚད་དུས་མཚུངས་ལས་0.1%མང་དུ་ཕྱིན་པ་དེས་9.7%ཟིན་པ་མངོན་ཡོད།

    ན་ནིང་གི་དུས་མཚུངས་གྲངས་གཞི་དང་བསྡུར་ན་ཡོ་རོབ་མནའ་འབྲེལ་གྱི་ཁོངས་མིའི་རྒྱལ་ཁབ་ཁྲོད་ཀྱི་རྒྱལ་ཁབ་བཅུ་བཞིའི་ལས་ཀ་ཤོར་ཚད་ཆག་པ་དང་རྒྱལ་ཁབ་བཅུ་གསུམ་གྱི་ལས་ཀ་ཤོར་ཚད་མང་དུ་ཕྱིན་ཡོད། མིག་སྔར་ཁོངས་མིའི་རྒྱལ་ཁབ་ཁྲོད་ལས་ཀ་ཤོར་ཚད་དམའ་ཤོས་ནི་ཨོ་སི་ཁྲུ་རི་ཡ་ཡིན་པ་དེ་3.9%ལས་མེད་པ་དང་དེ་རྗེས་ཧོ་ལན (4.5%)དང་ལུ་ཙེམ་པོག (4.8%)ཡིན་པ་རེད། ལས་ཀ་ཤོར་ཚད་མཐོ་ཤོས་ནི་སི་ཕེན་ཡིན་པ་དེ་22.6%ཟིན་ཡོད་པ་དང་དེའི་རྗེས་ལ་དངུལ་བུན་གྱི་ཉམས་ཉེན་ཚབས་ཆེན་བྱུང་བའི་ཀེ་རི་སེ་ཡིན་པ་དེ་17.6%ཟིན་ཡོད། ལ་ཐི་ཝི་ཡའི་ལས་ཀ་ཤོར་ཚད་ན་ནིང་གི་དུས་མཚུངས་ལས་3.3%ཆག་ཡོད་རུང་16.1%གི་ཐོག་ནས་ཨང་གསུམ་པར་སླེབས་ཡོད།