མི་དམངས་ཉིན་རེའི་ཚགས་པར་ཁང་དུ་མོ་སི་ཁོ་ནས་ཟླ་10ཚེས་30ཉིན་གློག་འཕྲིན་འབྱོར་གསལ། ས་གནས་དེ་གའི་དུས་ཚོད་ཚེས 30ཉིན་ཨུ་རུ་སུའི་འཇིག་རྟེན་འཕུར་སྐྱོད་ཧྲུའུ་ཡི་མགྲིན་ཚབ་པས་ཉིན་དེར་པའེ་ཁོ་ནུའུ་ཨར་འཇིག་རྟེན་འཕུར་སྐྱོད་གཏོང་ས་ནས་བཏང་བའི “ཡར་ཐོན M-13M”རྟཌ་ཅན་གྱི་ཟོག་འདྲེན་འཕུར་གྲུ་རྒྱལ་ཁའི་ངང “མནའ་འབྲེལ U”རྟཌ་ཅན་གྱི་སྐྱེལ་འདྲེན་འཕུར་མདའ་རིམ་པ་གསུམ་པ་དང་བྲལ་ནས་སྔོན་བཀོད་ཀྱི་འཁོར་ལམ་ནང་བདེ་བླག་ངང་འཇུག་ཐུབ་པ་བྱུང་ཡོད། ད་ཐེངས་ཀྱི་འཕུར་གྲུ་བཏང་བ་ནི་དེ་སྔོན་ཟླ་8ཚེས་24ཉིན་བཏང་བའི “ཡར་ཐོན M-12M”རྟགས་ཅན་གྱི་ཟོག་འདྲེན་འཕུར་གྲུ་བདེ་བླག་ངང་འཁོར་ལམ་ནང་འཇུག་མ་ཐུབ་པར་ཟླ་གཉིས་འགོར་རྗེས་ཀྱི་གཏོང་ཐེངས་གཉིས་པ་དེ་ཡིན་ཞེས་སྨྱན་སྦྱོར་ཚན་པར་བརྗོད་པ་རེད།

    མིག་སྔར་རྒྱལ་སྤྱིའི་བར་སྣང་ས་ཚིགས་སུ་ཨུ་རུ་སུའི་འཇིག་རྟེན་འཕུར་སྐྱོད་པ་གཅིག་དང་། ཨ་རིའི་འཇིག་རྟེན་འཕུར་སྐྱོད་པ་གཅིག རི་པིན་གྱི་འཇིག་རྟེན་འཕུར་སྐྱོད་པ་གཅིག་བཅས་ཀྱིས་ལས་ཀ་སྒྲུབ་བཞིན་ཡོད་པ་དང་ཁོང་ཚོ་ཟླ་11ཚེས་22ཉིན “མནའ་འབྲེལ ”རྟགས་ཅན་གྱི་མི་སྡོད་འཕུར་གྲུའི་ནང་བསྡད་ནས་སའི་གོ་ལར་ཕྱིར་ལོག་རྒྱུ་ཡིན་ལ་ཁོང་ཚོའི་ཚབ་བྱེད་མཁན་ཨུ་རུ་སུའི་འཇིག་རྟེན་འཕུར་སྐྱོད་པ་གཉིས་དང་ཨ་རིའི་འཇིག་རྟེན་འཕུར་སྐྱོད་པ་གཅིག་ཚེས་14ཉིན་སྔོན་ཚུད་དུ་བར་སྣང་ས་ཚིགས་སུ་འབྱོར་རྒྱུ་ཡིན་པ་རེད།