མི་དམངས་ཉིན་རེའི་ཚགས་པར་ཁང་དུ་ཝ་ཧྲིང་ཐོན་ནས་ཟླ་10ཚེས་30ཉིན་གློག་འཕྲིན་འབྱོར་གསལ་། ཟླ་10ཚེས་28ཉིན་གྱི་དགོང་མོ་ནས་ཚེས་29ཉིན་བར་མཁའ་རླུང་གྲང་མོ་ཨ་རིའི་ཤར་རྒྱུད་ས་ཁུལ་དུ་མཆེད་ནས་ས་ཁུལ་དེར་མཐོང་དཀོན་པའི་བུ་ཡུག་འཚུབས་ཤིང་། ས་ཆ་ཁ་ཤས་སུ་གངས་མཐུག་ཚད་ལི་སྨི་35.6བབས་ཡོད།

    གངས་ཆེན་པོ་བབས་པ་དེས་དུད་ཁྱིམ་ཁྲི་200ལྷག་ཙམ་དང་ཁེ་ལས་ལ་གློག་མེད་པ་ཆགས་ལ་གེགས་བར་ཆེ་ཤོས་ཕོག་པའི་ཤིན་ཙེ་ཤིས་ཀྲོའུ་རུ་མི་ཁྲི་60ལ་གློག་་མེད་པའི་ཤུགས་རྐྱེན་ཕོག་སྟབས་ཀྲོའུ་དེས་འཕྲལ་སྡོམ་ཁ་གཏད་གཅོག་མཚམས་སུ་གནས་པའི་ཁྱབ་བསྒྲགས་བྱས་ཡོད། གནས་ཚུལ་གཞན་ཞིག་སྤེལ་བའི་ནང་ད་ལྟ་བར་མི་གསུམ་བུ་ཡུག་དེའི་ནང་རྐྱེན་ལམ་དུ་སོང་བ་བཤད་ཡོད།

    ཨ་རིའི་རྒྱལ་ཁབ་གནམ་གཤིས་ཅུས་ཀྱིས་ཟླ་10པར་ཨ་རིའི་ཤར་རྒྱུད་ས་ཁུལ་དུ་གངས་འབབ་པ་རྒྱུན་གཏན་དང་མི་འདྲ་ཞིང་། ལོ་རྒྱུས་ནང་ཟླ་10པར་ཨ་རིའི་ཤར་རྒྱུད་ས་ཁུལ་ཕལ་ཆེ་བར་གངས་བབས་རྒྱུ་ཧ་ཅང་ཉུང་ཉུང་ཡིན་པ་དང་ལྷག་པར་དུ་གངས་ཆེན་པོ་འདི་འདྲ་བབས་མྱོང་མེད། དུས་རབས་19པ་ཤར་ཚུན་རྒྱལ་ས་ཝ་ཧྲིང་ཐོན་ས་ཁུལ་དུ་ཟླ་བ་བཅུ་པར་གངས་ཐེངས་15ལས་བབས་མེད་ཚུལ་གསལ་ཡོད་ཅེས་བཤད།