ཨོ་སི་ཁྲུ་ལི་ཡའི་ཨོ་གླིང་མཁའ་འགྲུལ་ཀུང་སིས་ཟླ་ 10ཚེས་29ཉིན་ཁྱབ་བསྒྲགས་བྱས་པའི་གནམ་གྲུ་འཕུར་མཚམས་འཇོག་རྒྱུའི་གཏན་འབེབས་ཀྱི་ཤུགས་རྐྱེན་ལས་ཨོ་སི་ཁྲུ་ལི་ཡའི་ནུབ་རྒྱུད་གྲོང་ཁྱེར་ཕོ་སིར་འཚོགས་པའི 2011ལོའི་དབྱིན་ཇིའི་རྒྱལ་ཕྲན་མཉམ་འབྲེལ་སྲིད་གཞུང་གི་འགོ་གཙོའི་གྲོས་ཚོགས་ནང་ཞུགས་མཁན་ཕྱི་རྒྱལ་གྱི་འགོ་ཁྲིད་ཁ་ཤས་ཕྱིར་ལོག་བྱ་རྒྱུར་ཤུགས་རྐྱེན་ཐེབས་སྲིད་པ་དང་ཨོ་སི་ཁྲུ་ལི་ཡའི་ཙུང་ལི་ཅི་ལ་ཏེས་གོང་ཚེས་ཉིན་གྱི་དགོང་མོ་དངོས་སུ་ཚོགས་འདུར་ཞུགས་མཁན་འགོ་ཁྲིད་རྣམ་པར་ཨོ་གླིང་མཁའ་འགྲུལ་ཀུང་སིའི་གནམ་གྲུ་འཕུར་མཚམས་བཞག་པའི་གཏན་འབེབས་བརྡ་ཁྱབ་མི་གཏོང་ཀ་མེད་བྱུང་བ་དང་། ཅི་ལ་ཏེས་གལ་ཏེ་འགོ་ཁྲིད་དེ་ཚོས་མཁའ་འགྲུལ་ཀུང་སི་གཞན་དག་གི་གནམ་གྲུའི་སྤ་སེ་མངགས་ཉོ་བྱས་མ་ཐུབ་ཚེ་ཨོ་སི་ཁྲུ་ལི་ཡ་སྲིད་གཞུང་གིས་ཁོང་ཚོར་ཚབ་བྱེད་ཇུས་གཞི་འགོད་རོགས་བྱ་རྒྱུ་ཡིན་ཞེས་གསར་འགོད་པར་བརྗོད་པ་དང་ཁོང་གིས་བོགས་བླངས་གནམ་གྲུའམ་ཡང་ན་དམག་སྤྱོད་གནམ་གྲུ་སྤྱོད་རྒྱུའི་ངེས་པའང་ཡོད་ཅེས་བརྗོད་ཅིང་། འདི་ནི་ཟླ་10ཚེས་30ཉིན་ཨོ་སི་ཁྲུ་ལི་ཡའི་ཤིས་ཉི་རྒྱལ་སྤྱིའི་གནམ་ཐང་དུ་ཨོ་གླིང་མཁའ་འགྲུལ་ཀུང་སིའི་གནམ་གྲུའི་འཇུག་སྒོ་དང་ཐོན་སྒོར་མི་གཅིག་ཀྱང་མེད་པའི་གནས་ཚུལ་ཡིན་པ།