ཚེས་27ཉིན་གྱི་སྔ་དྲོ་ཐུར་ཁེའི་ཙུང་ལིའི་ལས་ཤག་གིས་གསལ་བསྒྲགས་སྤེལ་ནས་ཐུར་ཁེའི་ཤར་རྒྱུད་ཀྱི་ཧྥན་ཧྲེང་ལ་ཚེས་23ཉིན་ས་ཡོམ་ཆེན་པོ་བརྒྱབ་ནས་མི་523ཤི་བ་དང་། རོགས་སྐྱོབ་རུ་ཁག་གིས་ཞིག་རོའི་ཁྲོད་ནས་མི་185བསྐྱབས་ཡོད་ཅེས་བཤད་པ་རེད།

    གེགས་སེལ་གྱི་ལས་དོན་སྤྱི་ཡོངས་ནས་བརྟན་པོ་ཡོད་ཀྱང་དཀའ་གནད་མི་ཉུང་བ་ཞིག་སྔར་བཞིན་གནས་ཡོད། དང་ཐོག་ཐུར་ཁེའི་ཙུང་ལི་ཨེར་འར་ཏོ་ཨན་གྱིས་ཐུར་ཁེའི་ཟླ་གསར་དམར་པོའི་ཚོགས་པས་གུར་ཆིག་ཁྲི་ལྔ་སྟོང་ལྷག་ཙམ་སྤྲད་ཡོད་ཀྱང་དུད་ཚང་རེར་གུར་རེ་ཡོད་པ་བྱས་པའི་རེ་བ་དང་ད་དུང་རྒྱང་ཐག་རིང་པོ་ཡོད་ཅེས་བཤད་པ་རེད།

    ཉིན་དེར་ཐུར་ཁེའི་ས་ཡོམ་གྱི་གེགས་ཁུལ་ལ་རོགས་སྐྱོར་བྱེད་པའི་དངོས་པོ་སྐྱེལ་འདྲེན་བྱེད་མཁན་དབྱི་སི་རལ་གྱི་གནམ་གྲུ་གཅིག་ཐུར་ཁེའི་རྒྱལ་ས་ཨན་ཁ་ལའི་གནམ་ཐང་དུ་འབྱོར་བ་རེད། གནམ་གྲུ་དེས་ལེབ་སྦྲེལ་ཁང་པ་ལྔ་དབོར་ཡོད་པ་དེའི་ནང་ཁྱིམ་ཚང་གི་སྤྱོད་ཆས་ཚུད་ཡོད་པ་རེད།

    དབྱི་སི་རལ་གྱི་ཕྱི་འབྲེལ་དཔོན་རིགས་ཤིག་གིས་སླད་ཕྱིན་གྱི་ཉིན་གཉིས་ནང་ད་དུང་དབྱི་སི་རལ་གྱི་རོགས་སྐྱོབ་གནམ་གྲུ་གསུམ་ཐུར་ཁེར་འབྱོར་རྒྱུ་ཡིན་པ་རེད་ཅེས་བཤད་པ་རེད།