ཉེ་ཆར་ཨེ་ཤེ་ཡ་ཤར་ལྷོར་ཐོན་པའི་ཀྲུང་གོ་བ་དང་འབྲེལ་བ་ཡོད་པའི་དོན་རྐྱེན་ཆེན་པོ་དེ་དག་གི་ཐོག་ནས་ཀྲུང་གོའི་མང་ཚོགས་མང་པོ་ཞིག་གིས་རང་རྒྱལ་དང་ས་འབྲེལ་ཡིན་པའི་ས་ཁུལ་དུ་གྲངས་ཉུང་མི་རིགས་ཀྱི་གནད་དོན་ཪྙོག་འཛིང་ཆེན་པོ་ཡོད་པ་མཐོང་ཡོད། དོན་རྐྱེན་དེ་དག་ཚང་མར་གྲངས་ཉུང་མི་རིགས་གནད་དོན་གྱི་གྲིབ་གཟུགས་མཐོང་རྒྱུ་ཡོད། མེ་ཀུང་གཙང་པོའི་ཐོག་ཀྲུང་གོའི་གྲུ་པ་བསད་པ་དེ་གྲངས་ཉུང་མི་རིགས་ཀྱི་གནད་དོན་ཪྙོག་འཛིང་ཤིན་ཏུ་ཆེ་བའི་ཁུལ་དུ་ཐོན་ཡོད། འབར་མ་སྲིད་གཞུང་གིས་གློ་བུར་དུ་ཟུར་འཇོག་བྱེད་པའི་ཀྲུང་གོ་དང་མཉམ་ལས་རྣམ་གྲངས་སྨི་སུང་ཆུ་ཤུགས་གློག་ཤུགས་དེ་རང་ཚུགས་ཀྱི་དྲག་ཆས་ཡོད་པའི་གྲངས་ཉུང་མི་རིགས་ས་ཁུལ་ཞིག་ཏུ་བརྒྱབ་ཡོད།
ཨེ་ཤེ་ཡ་ཤར་ལྷོའི་གྲངས་ཉུང་མི་རིགས་ཀྱི་གནད་དོན་ཐད་ཁྱད་ཆོས་འགའ་ཞིག་ཡོད་པ་སྟེ། གཅིག་ནི་མི་འབོར་མང་བ་དང་མི་འབོར་དུང་ཕྱུར་ལྔ་ཙམ་ཡོད་པའི་ཨེ་ཤེ་ཡ་ཤར་ལྷོའི་རྒྱལ་ཁབ་11ནང་མི་རིགས་300ལྷག་ཙམ་འཚོ་བ་སྐྱེལ་གྱི་ཡོད་པ་དང་། གཉིས་ནི་གྲངས་ཉུང་མི་རིགས་ས་ཁུལ་ཁག་གཅིག་ཅུང་དབུལ་ཕོངས་དང་དཔལ་འབྱོར་རྗེས་ལུས་ཡིན་པ། གསུམ་ནི་གྲངས་ཉུང་མི་རིགས་ཁག་གཅིག་ལ་རང་བཙན་གྱི་ཕྱོགས་ལྷུང་སྔར་བཞིན་དྲག་པོ་ཡོད་པ་དང་ཐ་ན་དྲག་པོའི་བྱེད་སྤྱོད་སྔར་བཞིན་སྤེལ་གྱི་ཡོད།
ཨེ་ཤེ་ཡ་ཤར་ལྷོ་དང་འབྲེལ་བ་ཇེ་ཟབ་ཏུ་འགྲོ་མུས་ཡིན་པའི་ཀྲུང་གོའི་ངོས་ནས་བརྗོད་ན། ཁྱད་ཆོས་དེ་བས་གལ་ཆེ་བ་ཞིག་ནི་ཀྲུང་གོ་དང་ས་འབྲེལ་ཡིན་པའི་ས་ཁུལ་དུ་གྲངས་ཉུང་མི་རིགས་མང་ཙམ་ཡོད་པ་མ་ཟད་དེ་མཚུངས་ཀྱིས་དབུལ་ཞིང་ཕོངས་པ་ཞིག་ཡོད་པ་དང་དེ་དག་གནས་སའི་རྒྱལ་ཁབ་ཀྱི་སྲིད་གཞུང་དང་འབྲེལ་བ་ཡང་ཪྙོག་འཛིང་ཆེན་པོ་ཡོད་པ་དེ་རེད། ས་ཁུལ་དེ་དག་ནི་ཀྲུང་གོས་མཐའ་མཚམས་ཚོང་དོན་འཕེལ་རྒྱས་གཏོང་བའི་གཙོ་གནད་ཡིན་ལ་མ་འོངས་ཀྲུང་གོ་དང་ཨེ་ཤེ་ཡ་ཤར་ལྷོའི་འགྲིམ་འགྲུལ་དྲ་བའི་འགག་གནད་ཀྱང་རེད།
ཇི་ལྟར་བྱས་ནས་མཉམ་ལས་བྱས་པ་བརྒྱུད་གྲངས་ཉུང་མི་རིགས་དེ་དག་འཕེལ་རྒྱས་ཀྱི་གཙོ་རྒྱུན་ནང་ཁྲིད་རོགས་བྱ་རྒྱུ་ནི་ཀྲུང་གོ་དང་ཨེ་ཤེ་ཡ་ཤར་ལྷོའི་འབྲེལ་བའི་ནང་གི་སྤྱི་ཁོག་དང་ཕུགས་ཀྱི་དོན་སྙིང་ལྡན་པའི་འཐབ་ཇུས་ཀྱི་གནད་དོན་ཞིག་རེད། དོན་དངོས་ཐོག་གནད་དོན་དེ་ཐག་གཅོད་ཐུབ་མིན་དེས་ཕྱོགས་གཉིས་པོའི་མཉམ་ལས་གཏིང་ཟབ་ཏུ་འགྲོ་རྒྱུར་ཐད་ཀར་འབྲེལ་བ་ཡོད།
ཨེ་ཤེ་ཡ་ཤར་ལྷོ་དང་མཉམ་ལས་ལ་སྔར་བས་སྐུལ་འདེད་གཏོང་བར་ཨེ་ཤེ་ཡ་ཤར་ལྷོའི་གྲངས་ཉུང་མི་རིགས་ཀྱི་གནད་དོན་ལ་ཞིབ་འཇུག་བྱ་ཤུགས་ཆེ་རུ་གཏོང་དགོས་པ་དང་ཀྲུང་གོའི་ཞིབ་འཇུག་སྒྲིག་གཞིས་ཀྱང་གཏོང་ཆ་དེ་བས་མང་བ་བཏང་སྟེ་བཀོལ་སྤྱོད་རང་བཞིན་དེ་བས་ལྡན་པའི་གྲོས་འགོ་དེ་བས་མང་བ་འདོན་དགོས། ང་ཚོས་རང་ཉིད་སྒོ་འགྲམ་གྱི “ཁོར་ཡུག ”གསལ་རྟོགས་ཐུབ་ཚེ་གཞི་ནས “ཕྱིར་ཐོན་པའི ”གོམ་སྟབས་བརྟན་པོའི་སྤོ་ཐུབ།