ཤིན་ཧྭ་གསར་འགྱུར་ཁང་ཨ་ཐེན་སི་ནས་ཟླ་6ཚེས་13ཉིན་གློག་འཕྲིན་འབྱོར་པ་གཞིར་བཟུང་། ཚེས་13ཉིན་ཀེ་རི་སེའི་ནོར་སྲིད་པུའུ་ཡིས་གསལ་བསྒྲགས་སྤེལ་ནས་རྒྱལ་སྤྱིའི་ཡིད་རྟོན་རིམ་དཔྱད་སྒྲིག་གཞི་སྟེ་ཚད་ལྡན་ཕུའར་ཀུང་སིས་ཚེས་13ཉིན་ཀེ་རི་སེའི་བདག་དབང་གི་ཡིད་རྟོན་རིམ་པ་གོ་ལ་ཧྲིལ་པོའི་དམའ་ཤོས་སུ་བཅག་པར་རྒོལ་གཏམ་དྲག་པོ་བཏང་བ་རེད།

    ཚད་ལྡན་ཕུའར་ཀུང་སིས་ཚེས་13ཉིན་ཀེ་རི་སེའི་དུས་ཡུན་རིང་བའི་བདག་དབང་ཡིད་རྟོན་གྱི་རིམ་པ་དེ་Bནས་CCCབར་བཅག་ནས་གན་རྒྱ་ལས་འགལ་བའི་རིམ་པར་སླེབས་པར་རིམ་པ་བཞི་ལས་མེད་པ་རེད། དེ་དང་དུས་མཚུངས་ཚད་ལྡན་ཕུའར་ཀུང་སིས་ཀེ་རི་སེའི་དུས་ཐུང་གི་བདག་དབང་ཡིད་རྟོན་གྱི་རིམ་པ་Cརྒྱུན་འཁྱོངས་བྱས་ཡོད་པས་རིམ་དཔྱད་ཀྱི་མདུན་ལམ “ཡག་པོ ”མེད་པ་རེད།

    ཚད་ལྡན་ཕུའར་ཀུང་སིས་ཚེས་13ཉིན་ཡོངས་བསྒྲགས་བྱས་པའི་གསལ་བསྒྲགས་ནང་ཀེ་རི་སེའི་མ་དངུལ་བསྡུ་རུབ་ཀྱི་དགོས་མཁོ་དང་དེ་བཞིན་རྒྱལ་ནང་དུ་དངུལ་ལོར་དམ་འཕྲིའི་སྲིད་ཇུས་ཐད་ཀྱི་ཆབ་སྲིད་ཀྱི་འགལ་བ་ཟམ་མི་ཆད་པར་ཆེ་རུ་ཕྱིན་པའི་དབང་གིས་ཀེ་རི་སེར་མ་དངུལ་བསྡུ་རུབ་བྱ་རྒྱུ་མི་འདང་བ་དང་འབྲེལ་བ་ཡོད་པའི་བུ་ལོན་གྱི་གན་རྒྱ་ལས་འགལ་བའི་ཉེན་ཁ་ཐེངས་གཅིག་གམ་ཡང་ན་ཐེངས་མང་ཐོན་སྲིད་པའི་རང་བཞིན་མངོན་གསལ་དོད་པོས་ཆེ་རུ་ཕྱིན་ཡོད། རིམ་དཔྱད་ཀྱི་མ་འོངས་མདུན་ལམ “ཡག་པོ་མེད་པ ”དེ་ཐོག་ནས་ཀེ་རི་སེའི་བདག་དབང་གི་ཡིད་རྟོན་རིམ་པ་དེ་སླད་ཕྱིན་གྱི་ཟླ་བ་12ནས་18ནང་ཚུན་དུ་སྔར་བཞིན་གཅོག་སྲིད་པའི་རང་བཞིན་ལྡན་ཡོད་པ་མཚོན་གྱི་ཡོད་ཅེས་འཁོད་ཡོད་པ་རེད།