མི་དམངས་ཉིན་རེའི་ཚགས་པར་ཁང་དུ་ཤིས་ཉི་ནས་ཟླ་6ཚེས་8ཉིན་གློག་འཕྲིན་འབྱོར་གསལ། ཚེས་8ཉིན་ཀྲུང་གོའི་འགྲོ་བ་མིའི་ཐོབ་ཐང་ཞིབ་འཇུག་ལྷན་ཚོགས་ཀྱི་ཚོགས་གཙོ་ལུའོ་ཧའོ་ཚའེ་ཡིས་སྣེ་ཁྲིད་གནང་བའི་ཀྲུང་གོའི་འགྲོ་བ་མིའི་ཐོབ་ཐང་ཞིབ་འཇུག་ལྷན་ཚོགས་ཀྱི་འཐུས་མི་ཚོགས་པས་ཤིས་ཉི་རུ་ཨོ་སི་ཁྲུ་ལི་ཡའི་འགྲོ་བ་མིའི་ཐོབ་ཐང་ཨུ་ཡོན་ལྷན་ཁང་དང་བཞུགས་མོལ་གནང་ཞིང་། ཕྱོགས་གཉིས་པོས་འགྲོ་བ་མིའི་ཐོབ་ཐང་ཐད་ཀྱི་སློབ་གསོ་དང་། ཞིབ་འཇུག ཁྲིམས་འཛུཌ། སྲུང་སྐྱོང་སོགས་ཀྱི་གནད་དོན་ལ་དམིགས་ཏེ་སྤེལ་རེས་གཏིང་ཟབ་བྱས་ནས་འགྲོ་བ་མིའི་ཐོབ་ཐང་གི་སློབ་གསོ་དང་ཞིབ་འཇུག་ཐད་ཀྱི་ཕྱོགས་གཉིས་པོའི་མཉམ་ལས་འཚོལ་ཞིབ་དང་གྲོས་བསྡུར་བྱས་པ་རེད།

    ལུའོ་ཧའོ་ཚའེ་ཡིས་ཁྲིམས་འཛུགས་ཐད་ནས་འགྲོ་བ་མིའི་ཐོབ་ཐང་ལ་སྲུང་སྐྱོང་བྱེད་པའི་ཐད་ཀྲུང་གོར་ཐོབ་པའི་གྲུབ་འབྲས་དང་དེ་བཞིན་འགྲོ་བ་མིའི་ཐོབ་ཐང་གི་ཁྱབ་ཁོངས་ཁྲོད་ཀྲུང་གོས་རྒྱལ་སྤྱི་དང་སྤེལ་རེས་དང་མཉམ་ལས་བྱས་པའི་གནས་ཚུལ་ངོ་སྤྲོད་གནང་ཞིང་། ལུའོ་ཧའོ་ཚའེ་ཡིས་འདི་ལོ་ཀྲུང་གོའི་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཨུ་ཡོན་ཀྲང་ཝུའུ་པང་གོས་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་བཅའ་ཁྲིམས་མ་ལག་བཙུགས་ཟིན་པའི་ཁྱབ་བསྒྲགས་བྱས་པ་དེས་འགྲོ་བ་མིའི་ཐོབ་ཐང་སྲུང་སྐྱོང་བྱ་རྒྱུར་དོན་སྙིང་གལ་ཆེན་ལྡན་ཡོད་ཅེས་གསུངས་པ་རེད།

    ཨོ་སི་ཁྲུ་ལི་ཡའི་འགྲོ་བ་མིའི་ཐོབ་ཐང་ཨུ་ལྷན་གྱི་ལག་བསྟར་ཀྲུའུ་རེན་ཕ་ཏེ་མ ·ལ་མན་གྱིས་ང་ཚོས་སྔ་ཕྱི་བར་གསུམ་དུ་ཀྲུང་གོའི་འགྲོ་བ་མིའི་ཐོབ་ཐང་ཁྱབ་ཁོངས་ཀྱི་འཕེལ་རྒྱས་ལ་དོ་ཁུར་བྱེད་པ་དང་འབྲེལ་ཀྲུང་གོར་ཐོབ་པའི་གྲུབ་འབྲས་ལ་ཡང་དོ་སྣང་བྱེད་ཀྱི་ཡོད། ང་ཚོས་ཀྲུང་གོ་སྲིད་གཞུང་གིས་འགྲོ་བ་མིའི་ཐོབ་ཐང་སྲུང་སྐྱོང་ལ་སྐུལ་འདེད་གཏོང་བའི་ལས་དོན་ལ་དེ་བས་ཡི་རངས་བྱེད་ཀྱི་ཡོད་ཅེས་གསུངས་པ་རེད།