མི་དམངས་ཉིན་རེའི་ཚགས་པར་ཁང་དུ་ཧིན་རྡུ་ཉི་ཞི་ཡའི་དབན་ལུང་ནས་ཟླ་6 ཚེས་6 ཉིན་གློག་འཕྲིན་འབྱོར་གསལ། ཀྲུང་གོ་མི་དམངས་བཅིངས་འགྲོལ་དམག་དང་ཧིན་རྡུ་ཉི་ཞི་ཡའི་རྒྱལ་དམངས་དམག་དཔུང་གིས “ རལ་གྲི་སྟེ་2011ལོའི ”དམིགས་བསལ་དཔུང་སྡེའི་མཉམ་འབྲེལ་སྦྱོང་བརྡར་དེ་ཚེས་6 ཉིན་ཧིན་རྡུ་ཉི་ཞི་ཡའི་དབན་ལུང་དུ་བྱས་པ་རེད།

    དེ་ནི་ཀྲུང་གོ་དང་ཧིན་རྡུ་ཉི་ཞི་ཡའི་དམག་དཔུང་གཉིས་ཀྱིས་མཉམ་འབྲེལ་ཐོག་སྦྱོང་བརྡར་བྱེད་ཐེངས་དང་པོ་དེ་ཡིན་པ་དང་དེའི་དམིགས་ཡུལ་ནི་ཀྲུང་གོ་དང་ཧིན་རྡུ་ཉི་ཞི་ཡ་རྒྱལ་ཁབ་གཉིས་པོའི་དམག་དཔུང་གི་མཛའ་གྲོགས་སྔར་བས་སྲ་བརྟན་དུ་གཏོང་བ་དང་། ཕན་ཚུན་ཤེས་རྟོགས་དང་ཡིད་ཆེས་བྱེད་ཚད་ཆེ་རུ་གཏོང་བ། དམག་དཔུང་གཉིས་ཀྱི་དམ་པ་དོན་གཉེར་གྱི་སྤེལ་རེས་དང་མཉམ་ལས་ལ་སྐུལ་འདེད་གཏོང་བ། རྒྱལ་ཁབ་གཉིས་པོའི་དམག་དཔུང་གིས་རིམ་གྱིས་འཇིགས་སྐུལ་ལ་ངོ་རྒོལ་བྱེད་པའི་བྱ་སྤྱོད་སྤེལ་ནུས་མཐོ་རུ་གཏོང་རྒྱུ་བཅས་ཡིན་པ་ལས་ཕྱོགས་གསུམ་པར་དམིགས་མེད། ཀྲུང་གོ་ཕྱོགས་ཀྱིས་མི་69 བཏང་ནས་སྦྱོང་བརྡར་ནང་ཞུགས་པ་དང་མཉམ་འབྲེལ་སྦྱོང་བརྡར་དེ་སྤེལ་རེས་དང་། མཉམ་བསྲེས་སྦྱོང་བརྡར། ཕྱོགས་བསྡུས་སྦྱོང་བརྡར་བཅས་དུས་མཚམས་ཁག་གསུམ་དུ་དབྱེ་ནས་འཇིགས་སྐུལ་རྩ་འཛུགས་ཀྱིས་མི་གཏའ་བཙན་ཁྲིད་ཀྱི་འཇིགས་སྣང་བཟོས་པར་ཁ་གཏད་གཅོག་རྒྱུ་རྒྱབ་ལྗོངས་སུ་བྱས་པ་བརྒྱུད་གཙོ་གནད་ཐོག་མི་གཏའ་སྐྱོབ་པ་སོགས་འཇིགས་སྐུལ་ལ་ངོ་རྒོལ་བྱེད་པའི་བྱ་སྤྱོད་ཀྱི་སྦྱོང་བརྡར་དངོས་སུ་བྱ་རྒྱུ་རེད།