མི་དམངས་ཉིན་རེའི་ཚགས་པར་ཁང་དུ་ཕོང་དབྱང་ནས་ཟླ་6ཚེས་8ཉིན་གློག་འཕྲིན་འབྱོར་གསལ། ཁྲའོ་ཞན 《ངལ་རྩོལ་གསར་འགྱུར 》ཁང་ནས་ཚེས་7ཉིན་གནས་ཚུལ་སྤེལ་བར་གཞིགས་ན། ཁྲའོ་ཞན་ངལ་རྩོལ་ཏང་ཀྲུང་དབྱང་ཨུ་ཡོན་ལྷན་ཁང་གིས་ཚེས་6ཉིན་ཆབ་སྲིད་ཅུས་ཀྱི་རྒྱ་ཆེའི་ཚོགས་འདུ་འཚོགས་ནས་ཡུན་རིང་མ་སོང་གོང་ལ་ཁྲའོ་ཞན་ངལ་རྩོལ་ཏང་གི་སྤྱི་ཁྱབ་ཧྲུའུ་ཅི་རྒྱལ་སྲུང་ཨུ་ཡོན་ལྷན་ཁང་གི་ཨུ་ཡོན་ཀྲང་ཅིན་ཀྲེང་རིས་ཀྲུང་གོར་དངོས་གཞི་མིན་པའི་འཚམས་འདྲི་གནང་ཚུལ་གསལ་བཤད་བྱས་པ་ཉན་པ་རེད།

    གནས་ཚུལ་སྤེལ་བར་གཞིགས་ན། ཆབ་སྲིད་ཅུས་ཀྱི་རྒྱ་ཆེའི་ཚོགས་འདུའི་ཐོག་ཡུན་རིང་མ་སོང་གོང་ཅིན་ཀྲེང་རི་ཀྲུང་གོར་འཚམས་འདྲི་གནང་བའི་གྲུབ་འབྲས་ལ་ཚད་མཐོའི་གདེང་འཇོག་བྱས་པ་དང་འབྲེལ་རྒྱལ་ཁབ་གཉིས་པོའི་འགོ་ཁྲིད་དབར་བྱུང་བའི་གཅིག་མཚུངས་ཀྱི་དགོངས་འཆར་ཕུན་སུམ་ཚོགས་པོས་ལག་བསྟར་བྱ་ཆེད་འབད་བརྩོན་ཏན་ཏིག་བྱ་རྒྱུ་ཡིན་ཞིང་། 《ཀྲུང་གོ་དང་ཁྲའོ་ཞན་གྱི་མཛའ་གྲོགས་མཉམ་ལས་རོགས་རེས་ཆིངས་ཡིག 》བཞག་ནས་ལོ་50འཁོར་བའི་འདི་ལོར་ཁྲའོ་ཀྲུང་མཛའ་གྲོགས་ཀྱི་དམིགས་བསལ་རང་བཞིན་སླར་ཡང་ནུས་ལྡན་ངང་མངོན་དགོས་པའི་ནན་བཤད་བྱས་ཡོད། ཆབ་སྲིད་ཅུས་ཀྱི་རྒྱ་ཆེའི་ཚོགས་འདུའི་ཐོག་སླད་ཕྱིན་མི་རབས་ནས་མི་རབས་བར་ཁྲའོ་ཀྲུང་མཛའ་གྲོགས་ཁྱོན་ཡོངས་ནས་ཟབ་ཏུ་གཏོང་བ་དང་འཕེལ་རྒྱས་གཏོང་རྒྱུའི་གྲོས་ཆོད་བཞག་པ་རེད།