མི་དམངས་ཉིན་རེའི་ཚགས་པར་ཁང་དུ་ཏུང་ཅིང་ནས་ཟླ་6ཚེས་7ཉིན་གློག་འཕྲིན་འབྱོར་གསལ། རི་པིན་ཐུན་མོང་གསར་འགྱུར་ཁང་ནས་གནས་ཚུལ་སྤེལ་བར་གཞིགས་ན། ཕུའུ་ཏའོ་ཡི་ཉིང་རྡུལ་གློག་ཁང་དང་པོའི་ལས་འཛོལ་སྐོར་ཚེས་7ཉིན་རི་པིན་སྲིད་གཞུང་གི་རྡུལ་ཕྲན་ནུས་པའི་གནོད་འཚེར་ཁ་གཏད་འཇོག་མཁན་སྤྱི་ཁྱབ་པུས་རྒྱལ་སྤྱིའི་རྡུལ་ཕྲན་ནུས་པའི་སྒྲིག་གཞིར (IAEA)འབུལ་རྒྱུའི་སྙན་ཞུ་ཕྱོགས་སྡོམ་བྱས་པ་རེད། སྙན་ཞུའི་ནང་འཕྲུལ་ཚན་དང་པོ་ནས་གསུམ་པའི་འབར་རྫས་དབྱུག་པ་བཞུར་རྗེས་ལྷུང་བ་དང་ཁག་གཅིག་གནོན་ཤུགས་སྣོད་ཆས་ཐོག་གི་ཟགས་ཁུང་བརྒྱུད་བདེ་འཇགས་ནང་སྙིང་མཐིལ་ཏུ་ཕུང་གསོག་ཐེབས་ཏེ་བཞུར་ཡོད་ཅེས་བསྟན་པ་རེད།

    སྙན་ཞུའི་ཐོག་ད་དུང་ཉིང་རྡུལ་ནུས་པའི་བདེ་འཇགས་ལ་འགན་འཁུར་མཁན་གྱི་སྒྲིག་གཞི་སྟེ “ཉིང་རྡུལ་བདེ་འཇགས་བདེ་སྲུང་ཁང ”དེ་དཔལ་འབྱོར་ཐོན་ལས་ཞིང་ཆེན་ནས་ལོགས་སུ་དབྱེས་ཏེ་བདེ་འཇགས་ཀྱི་བྱ་ཐབས་ཐད་དགོས་ངེས་འགྲོ་གྲོན་ཡོངས་བསྒྲགས་བྱས་པའི་རྨང་གཞིའི་ཐོག་ཉིང་རྡུལ་གློག་ཁང་བྱ་གཞག་གཉེར་བསྐྱུར་ཐད་དམངས་ཡོངས་ཀྱིས་གྲོས་བསྡུར་བྱེད་དགོས་ཞེས་བསྟན་ཡོད། སྙན་ཞུ་འདི་ཟླའི་ཟླ་མཇུག་ཏུ་ཝི་ཨེན་ནར་འཚོག་རྒྱུ་ཡིན་པའི་IAEAཔུའུ་ཀྲང་རིམ་པའི་ཚོགས་འདུའི་ཐོག་སྤྲོད་རྒྱུ་ཡིན་པ་རེད།