ཤིན་ཧྭ་གསར་འགྱུར་ཁང་ལུའོ་ཧྲན་ཅི་ནས་གློག་འཕྲིན་འབྱོར་གསལ། ཨ་རིའི་ཞིབ་འཇུག་གི་གྲུབ་འབྲས་གསར་ཤོས་ཤིག་ནས་མངོན་པར་གཞིགས་ན། གཅིན་པ་མངར་འགྱུར་གྱི་ནད་ཕོག་ཚད་དམའ་རུ་གཏོང་བའི་བྱེད་ཐབས་ནུས་ལྡན་ཞིག་ནི་ཞག་ཚིལ་འདུ་ཚད་ཉུང་དུ་གཏོང་རྒྱུ་དེ་རེད།
ཨ་རིའི་ཡ་ལ་པ་མ་སློབ་གྲྭ་ཆེ་མོའི་ཞིབ་འཇུག་མི་སྣས 《ཨ་རིའི་ནད་ཐོག་སྨན་བཅོས་ཀྱི་འཚོ་བཅུད་རིག་པའི་དུས་དེབ 》གསར་ཤོས་ཐོག་ཞག་ཚིལ་འདུ་ཚད་དང་གཅིན་པ་མངར་འགྱུར་ནད་དབར་གྱི་འབྲེལ་བ་ཤེས་རྟོགས་བྱ་ཆེད་ང་ཚོས་ལུས་པོའི་ལྗིད་ཚད་ཚད་ལས་བརྒལ་བའི་མི་69ལ་རྗེས་འདེད་ཞིབ་འཇུག་བྱས་ཡོད་ཅེས་བཀོད་ཅིང་། རྟོག་ཞིབ་བྱ་ཡུལ་དེ་དག་ནི་གཅིན་པ་མངར་འགྱུར་གྱི་ནད་ཕོག་ཉེན་ཆེ་བའི་མི་ཚོགས་ཡིན་པའི་ངོས་འཛིན་བྱེད་ཀྱི་ཡོད་པ་རེད།
ཞིབ་འཇུག་མི་སྣས་རྟོག་ཞིབ་བྱ་ཡུལ་དེ་དག་ཚོགས་ཆུང་གཉིས་ལ་དབྱེ་བ་མ་ཟད་ཁོང་ཚོའི་ཟ་འབུང་ལ་ཐེ་ཇུས་ཀྱང་བྱེད་པ་དང་ཚོགས་ཆུང་དང་པོའི་མི་སྣར་ལྟོ་དུས་རེར་ཞག་ཚིལ་འདུ་ཚད་ཉུང་དུ་གཏོང་བ་དང་ཚོགས་ཆུང་གཉིས་པའི་མི་སྣར་ཐན་ཆུའི་འདྲེས་སྦྱོར་དངོས་རྫས་འདུ་ཚད་ཉུང་དུ་གཏོང་གི་ཡོད་པ་དེ་རེད།
ཞིབ་འཇུག་བྱས་ནས་གཟའ་འཁོར་བརྒྱད་སོང་སྐབས་ཞིབ་འཇུག་མི་སྣས་ཚོགས་ཆུང་དང་པོའི་མི་སྣའི་གཤེར་མའི་ཕུང་རྩིའི་ཟགས་ཐོན་མངོན་གསལ་དོད་པོས་མང་དུ་དང་། རྒུན་འབྲུམ་མངར་ཆུའི་བཟོད་བསྲན་རང་བཞིན་མངོན་གསལ་དོད་པོས་ལེགས་སུ་། གཤེར་མའི་ཕུང་རྩིའི་ཚོར་བའི་རང་བཞིན་མངོན་གསལ་དོད་པོས་ཆེ་རུ་བཅས་ཕྱིན་པར་བརྟེན་གཅིན་པ་མངར་འགྱུར་གྱི་ནད་ཕོག་ཚད་དམའ་རུ་གཏོང་བར་ཕན་ཐོགས་ཡོད་པ་ཤེས་རྟོགས་བྱུང་ཡོད། གོང་གསལ་གྱི་སྐྱེ་དངོས་དམིགས་ཚད་དེ་དག་ནི་གཅིན་པ་མངར་འགྱུར་གྱི་ནད་ཕོག་པའི་ཉེན་ཁའི་རྒྱུ་རྐྱེན་ཞིག་ཏུ་ངོས་འཛིན་བྱེད་ཀྱི་ཡོད་པ་རེད།
ཞིབ་འཇུག་དེའི་འགན་འཁུར་མཁན་འཚོ་བཅུད་མཁས་པ་ལའོ་ལ ·ཀོ་ལི་ཡིས་གཅིན་པ་མངར་འགྱུར་གྱི་ནད་སྔོན་འགོག་བྱ་རྒྱུ་ནས་བཤད་ན། གང་བཟས་པ་དེ་ག་ཚོད་བཟས་པ་ལས་དེ་བས་གལ་ཆེ་བ་ཡོད། ལྟོ་ཆས་ཉུང་དུ་བཏང་ནས་ཤ་སྐམ་དུ་གཏོང་ཐབས་བྱེད་པ་ལས་བཟའ་བཏུང་གི་གྲུབ་ཆ་ལེགས་སུ་བཏང་ན་ཡག་ཅེས་བཤད་ནའང་འགྲིག་ཅེས་བཤད་པ་རེད།