ཤིན་ཧྭ་གསར་འགྱུར་ཁང་མོ་སི་ཁོ་ནས་གློག་འཕྲིན་འབྱོར་གསལ། ཟླ་5ཚེས་31ཉིན་མོ་སི་ཁོ་རུ་ཨུ་རུ་སུའི་ཕྱི་འབྲེལ་པུའུ་ཀྲང་ལ་ཕུའུ་ལུའོ་ཕུའུ་ཡིས་ལི་པི་ཡའི་གནས་ཚུལ་ལེགས་སུ་འགྲོ་བཞིན་ཡོད་ཅིང་། ཁ་ཀྲ་ཕེ་དང་ངོ་རྒོལ་ཕྱོགས་ཁག་དབར་དམག་མཚམས་འཇོག་རྒྱུ་དང་འབྲེལ་གྲོས་མོལ་བྱ་རྒྱུའི་རེ་བ་ཡོད་ཅེས་བཤད་པ་རེད།
ལ་ཕུའུ་ལུའོ་ཕུའུ་ཡིས་མིག་སྔར་ཐི་རི་ཕོ་ལི་དང་པན་ཅ་ཤིས་དབར་ཕན་ཚུན་མཐུན་ཐབས་བྱེད་བཟོ་ཡོད་པས་ལི་པི་ཡའི་ངོ་རྒོལ་ཕྱོགས་ཁག་གིས་ཁ་ཀྲ་ཕེ་དང་གྲོས་མོལ་བྱ་རྒྱུ་ཡིན་པ་རེད་ཅེས་བཤད། ཁོང་གིས་ལི་པི་ཡའི་གདོང་ཐུག་ནང་ཞུགས་མཁན་ཕྱི་རོལ་ཕྱོགས་གཏོགས་ཀྱིས་ཁ་ཀྲ་ཕེ་དང་ངོ་རྒོལ་ཕྱོགས་ཁག་གཉིས་པོ་མཐུན་ཐབས་བྱེད་པར་འགོག་རྐྱེན་མི་བཟོ་རྒྱུ་དང་ལི་པི་ཡའི་གནད་དོན་སྐོར་གྱི་མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱི་འབྲེལ་ཡོད་གྲོས་ཆོད་ལས་མི་འགལ་བ་བྱ་རྒྱུའི་རེ་འབོད་བྱས་པ་རེད།