ཟླ་5ཚེས་30ཉིན་ནི་ཨ་རིའི་གཡུལ་སར་གྲོངས་པའི་དཔོན་དམག་གི་དྲན་གསོའི་ཉིན་མོ་ཡིན། ཉིན་དེའི་སྔ་དྲོར་ཨ་རིའི་ཙུང་ཐུང་ཨོ་པ་མས་ཨ་ལིན་ཏུན་རྒྱལ་ཁབ་སྤྱི་པའི་བང་སོའི་འབྲེལ་ཡོད་མཛད་སྒོར་མ་ཞུགས་གོང་དུ་ཕོ་བྲང་དཀར་པོར་མིང་ཐོ་བཏོན་པའི་སྐམ་དམག་གི་ཚན་མོའུ་ཀྲང་མ་ཏིང ·ཏེན་ཕུའུ་ཞིས་སྐབས་རྗེས་མའི་ཨ་དམག་གི་ཚན་མོའུ་ཀྲང་མཉམ་འབྲེལ་ཚོགས་འདུའི་ཀྲུའུ་ཞིའི་འགན་ཁུར་ནས་ཟླ་9པའི་ཟླ་མཇུག་ཏུ་ལས་འཁྱུར་ངལ་གསོ་རྒྱག་རྒྱུ་ཡིན་པའི་ད་ལྟའི་ཀྲུའུ་ཞི་མའེ་ཁོ ·མ་ལུན་གྱི་ཚབ་བྱེད་དུ་འཇུག་རྒྱུ་ཡིན་ཞེས་ཁྱབ་བསྒྲགས་བྱས་པ་རེད། ཨ་དམག་གི་ཚན་མོའུ་ཀྲང་མཉམ་འབྲེལ་ཚོགས་འདུའི་ཀྲུའུ་ཞི་དེ་ཨ་དམག་གི་གོ་གནས་ཁྲོད་རིམ་པ་མཐོ་ཤོས་ཡིན་ལ་ཨ་རིའི་ཙུང་ཐུང་གི་དམག་དོན་བློ་འདྲི་བ་གཙོ་བོའང་ཡིན་པ་རེད། བྱ་སྤྱོད་དེ་ལས་སྲིད་སྐྱོང་བའི་ལོ་གཉིས་ལྷག་གི་རིང་ཨོ་པ་མས་ཨ་རིའི་རྒྱལ་ཁབ་བདེ་འཇགས་ཚོགས་པར་སྤྱིའི་ཆ་ནས་གསོན་ཤུགས་ཆེན་པོ་སྣོན་རྒྱུ་ལེགས་གྲུབ་བྱུང་བ་མཚོན་པ་རེད།
ཉིན་དེར་ཨོ་པ་མས་ད་དུང་ཨ་དམག་གི་བྱང་ཕྱོགས་སི་ལིན་པུའི་སི་ལིན་ཀྲན་མུའུ་སི ·ཝུན་ནེ་ཧྥེར་ཏེ་ཨ་དམག་ཚན་མོའུ་ཀྲང་མཉམ་འབྲེལ་ཚོགས་འདུའི་ཀྲུའུ་ཞི་གཞོན་པར་བསྐོ་རྒྱུ་དང་ད་ལྟའི་ཨ་དམག་མཉམ་འབྲེལ་དཔུང་སྡེའི་སི་ལིན་པུའི་སི་ལིན་ལེ་མེང་ཏེ ·ཨོ་ཏེར་ནོའུ་ཡིས་ཏེན་ཕུའུ་ཞིའི་ཚབ་བྱས་ཏེ་སྐམ་དམག་གི་ཚན་མོའུ་ཀྲང་གི་འགན་འཁུར་རྒྱུ་ཡིན་པའི་མིང་ཐོ་བཏོན་ཞིང་། གོང་སྨོས་ཀྱི་མིང་ཐོ་བཏོན་པ་དག་ལ་སྔར་བཞིན་རྒྱལ་ཚོགས་ཀྱི་གྲོས་ཁང་གོང་མས་ངེས་པར་དུ་ཆོག་མཆན་འགོད་དགོས། དེའི་གོང་དུ་ཨོ་པ་མས་ད་ལྟའི་ཀྲུང་དབྱང་གསང་འཕྲིན་ཅུས་ཀྱི་ཅུས་ཀྲང་གི་འགན་འཁུར་མཁན་ལའེ་ཨང ·ཕ་ནེ་ཐ་ཡིས་ལུའོ་པི་ཐི ·ཀའེ་ཚིའི་ཚབ་བྱས་ནས་རྒྱལ་སྲུང་པུའུ་ཀྲང་གི་འགན་འཁུར་རྒྱུ་དང་ཨ་ཧྥུ་ཧན་དུ་བཅའ་སྡོད་ཨ་དམག་གི་སི་ལིན་ཏའེ་ཝེ ·ཕི་ཏེ་ལེ་ཝུ་སིས་ཀྲུང་དབྱང་གསང་འཕྲིན་ཅུས་ཀྱི་ཅུས་ཀྲང་གི་འགན་འཁུར་རྒྱུའི་མིང་ཐོ་བཏོན་ཟིན་པ་རེད།
སྐབས་གསར་པའི་རྒྱལ་ཁབ་བདེ་འཇགས་ཚོགས་པ་ལེཌ་སྒྲིག་བྱེད་སྐབས་ཨོ་པ་མས་གདམ་ག་བཤད་དཀའ་བ་ཞིག་བྱས་ཡོད། ཤེས་རྟོགས་བྱུང་བར་གཞིགས་ན། གསར་དུ་བསྐོ་རྒྱུའི་ཚན་མོའུ་ཀྲང་མཉམ་འབྲེལ་ཚོགས་འདུའི་ཀྲུའུ་ཞི་འདེམས་བསྐོའི་གནད་དོན་ཐད་ཁོང་གིས་དེ་སྔོན་ད་ལྟའི་ཚན་མོའུ་ཀྲང་མཉམ་འབྲེལ་ཚོགས་འདུའི་ཀྲུའུ་ཞི་གཞོན་པ་དམག་དཔོན་ཀྲན་མུའུ་སི ·ཁ་ཐེ་ལེ་ཐེ་ལ་རེ་བཅོལ་བྱས་པ་ལས་ཏེན་ཕུའུ་ཞི་གདམ་ག་དང་པོ་དེ་མ་ཡིན། འོན་ཀྱང་ཁ་ཐེ་ལེ་ཐེས་ཨ་ཧྥུ་ཧན་འཐབ་ཇུས་སོགས་ཀྱི་གནད་དོན་ཐད་ཀའེ་ཚི་དང་མ་ལུན་གཉིས་དབར་འགལ་བ་བྱུང་བ་མ་ཟད་རྟག་པར་རིམ་པ་བརྒལ་ནས་ཕོ་བྲང་དཀར་པོ་དང་ཐད་ཀར་འབྲེལ་གཏུག་བྱེད་ཀྱི་ཡོད། དེར་བརྟེན་ཁོ་གཉིས་ཧ་ཅང་མི་དགའ་བར་གྱུར་ནས་ཁ་ཐེ་ལེ་ཐེས་ཀྲུའུ་ཞི་གསར་པའི་འགན་འཁུར་རྒྱུར་ངོ་རྒོལ་མཐའ་གཅིག་ཏུ་བྱས་ཤིང་། གནས་ཚུལ་དེ་འདྲའི་འོག་ཨོ་པ་མས་ཁོ་བསྐྱུར་ནས་རྗེས་མར་རེ་བ་རྒྱག་དགོས་བྱུང་བ་རེད།
ཨོ་པ་མས་སྲིད་སྐྱོང་བའི་ལོ་གཉིས་ལྷག་གི་རིང་རྒྱལ་ཁབ་བདེ་འཇགས་ཚོགས་པར་སྤྱིར་ན་ཙུང་ཐུང་ཟུར་པ་པུའུ་ཧྲིའི་གཞི་རྩའི་ཁོངས་མི་སོར་འཇོག་བྱས་ཡོད་པ་དང་ཀའེ་ཚི་དང་མ་ལུན་གྱི་བསྐོ་གཞག་ཡོངས་སྲིད་གཞུང་སྐབས་གོང་མ་ལས་བྱུང་བ་ཡིན། དབྱི་རག་དང་ཨ་ཧྥུ་ཧན་དམག་འཁྲུག་སོགས་གནད་དོན་ཐད་སྤྱིར་ན་ཨོ་པ་མས “བློན་རྒན ”དེ་དག་གི་བསམ་འཆར་ཉན་འདོད་པའི་རྣམ་འགྱུར་ཧུར་ཐག་བསྟན་ནའང་འགལ་བ་ཡང་ཡང་ཡོང་གི་ཡོད། ཨ་ཧྥུ་ཧན་དམག་འཁྲུག་གི་འཐབ་ཇུས་གསར་པ་ལེགས་སྒྲིག་བྱེད་རིང་ཨོ་པ་མ་དང་ཟུར་ལྔའི་ཐོག་བརྩེགས་ཁང་ཆེན་དབར་དམག་མི་ཇི་ལྟར་མང་དུ་གཏོང་བ་སོགས་ཀྱི་གནད་དོན་གལ་ཆེན་ཐད་ལྟ་ཚུལ་མི་མཐུན་པ་བྱུང་བ་དང་། པེན ·ལ་ཏེན་ཕ་ཁི་སི་ཐན་དུ་ཡིབ་པ་གཏན་འཁེལ་བྱུང་རྗེས་དོན་དག་དེ་ཇི་ལྟར་ཐག་གཅོད་རྒྱུའི་ཐད་ཨོ་པ་མ་དང་ཟུར་ལྔའི་ཐོག་བརྩེགས་ཁང་ཆེན་དབར་སླར་ཡང་འགལ་བ་བྱུང་བ་རེད། ད་རེས་བདེ་འཇགས་ཚོགས་པའི་འགོ་ཁྲིད་མང་པོ་བརྗེས་པ་དེར “ཨོ་པ་མའི་ཉམས་འགྱུར ”དེ་བས་ལྡན་པར་གདོན་མི་ཟ། གཞན་ཡང་ཏེན་ཕུའུ་ཞི་དང་། ཕ་ནེ་ཐ། ཕི་ཏེ་ལེ་ཝུའུ་སི་སོགས་མི་སྣར་གསང་འཕྲིན་དང་དམག་དོན་རྒྱབ་ལྗོངས་མི་འདྲ་བ་ཡོད་པས་སྐབས་གསར་པའི་ཨ་རིའི་རྒྱལ་ཁབ་བདེ་འཇགས་ཚོགས་པའི “མཉམ་བསྲེས་ལེགས་ཆ ”མངོན་གསལ་དོད་པོས་མང་དུ་འགྲོ་ངེས་རེད།
（མི་དམངས་ཉིན་རེའི་ཚགས་པར་ཁང་དུ་ཝ་ཧྲིང་ཐོན་ནས་ཟླ་5ཚེས་30ཉིན་གློག་འཕྲིན་འབྱོར་གསལ ）