མི་དམངས་ཉིན་རེའི་ཚགས་པར་ཁང་དུ་པུ་རུ་སེར་ནས་ཟླ་5ཚེས་26ཉིན་གློག་འཕྲིན་འབྱོར་གསལ། རི་ནེ་ཝ་ནས་གནས་ཚུལ་སྤེལ་བར་ཚེས་25ཉིན་སུའེ་ཙེར་རྒྱལ་ཕྲན་མཉམ་འབྲེལ་སྲིད་གཞུང་གིས་སུའེ་ཙེར་གྱི་ད་ཡོད་ཉིང་རྡུལ་གློག་ཁང་5དེ་དག་2019ལོ་ནས་2034ལོའི་བར་བེད་སྤྱོད་ལོ་ཚད་མཐོ་ཤོས་སུ་སླེབས་རྒྱུ་ཡིན་པས་དེ་རྗེས་སུའེ་ཙེར་གྱིས་ཉིང་རྡུལ་གློག་ཁང་བསྐྱར་སྐྲུན་དང་གསར་བཟོ་བྱ་རྒྱུ་མིན་ཞེས་བརྗོད་ཡོད་པ་རེད།

    མིག་སྔར་སུའེ་ཙེར་གྱི་གློག་ནུས་ནང་གི་བཅུ་ཆ་བཞི་ཉིང་རྡུལ་གློག་ཁང་ནས་གློག་འདོན་བྱེད་ཀྱི་ཡོད་པ་དང་ཟླ་3པར་རི་པིན་དུ་ས་ཡོམ་ཆེན་པོ་བརྒྱབ་པ་དང་མཚོ་ཡོམ་གྱི་གནས་ཚུལ་ཐོན་ནས་ཕུའུ་ཏའོ་ཉིང་རྡུལ་གློག་ཁང་དང་པོ་ནས་ཉིང་རྡུལ་ཤོར་བའི་ལས་འཛོལ་ཐོན་རྗེས་སུའེ་ཙེར་གྱི་རྒྱལ་ནང་དུ་ཉིང་རྡུལ་གློག་ཁང་བདེ་སྤྱོད་བེད་འཇགས་ཀྱི་གནད་དོན་ཐད་རྩོད་གཞི་དྲག་པོ་བྱུང་ཡོད། རྒྱལ་ཕྲན་མཉམ་འབྲེལ་སྲིད་གཞུང་གིས་དེ་རྗེས་ད་ཡོད་ཀྱི་ཉིང་རྡུལ་གློག་ཁང་5གསར་བཟོ་དང་སྒྱུར་བཀོད་བྱེད་པའི་འཆར་གཞི་ལག་བསྟར་བྱེད་མཚམས་བཞག་སྟེ་འཁོར་སྐྱོད་བྱེད་བཞིན་པའི་ཉིང་རྡུལ་གློག་ཁང་ལ་བདེ་འཇགས་ཞིབ་བཤེར་བྱས་པ་དང་འབྲེལ་འགྲིམ་འགྲུལ་པུའུ་དང་། འཕྲིན་གཏོང་པུའུ། ནུས་རྒྱུ་པུའུ་བཅས་ཀྱིས་རྒྱལ་ཁབ་དེའི་འབྱུང་འགྱུར་ནུས་རྒྱུ་མཁོ་འདོན་བྱེད་པའི་ཐད་བློས་འགེལ་ཆོག་པའི་བརྡར་ཤ་གཅོད་རྒྱུ་རེད་ཅེས་ཁྱབ་བསྒྲགས་བྱས་པ་རེད།