མི་དམངས་ཉིན་རེའི་ཚགས་པར་ཁང་དུ་ཁེ་རོ་ནས་གློག་འཕྲིན་འབྱོར་གསལ། ཕ་ལེ་སི་ཐན་གྱི་དབྱི་སི་ལམ་འགོག་རྒོལ་ལས་འགུལ （ཧ་མ་སི ）གྱིས་ཚེས་22ཉིན་གྱི་དགོང་མོའི་གསལ་བསྒྲགས་ཁྲོད་ཧ་མ་སིས་དབྱི་སི་རལ་ཁས་ལེན་མི་སྲིད་པ་དང “ལངས་ཕྱོགས་དེར་འགྱུར་ལྡོག་གཏོང་མི་སྲིད ”ཕ་ལེ་སི་ཐན་བར་བཙན་བཟུང་པའི་ཁྲིམས་མཐུན་རང་བཞིན་བཙན་ཤེད་ཀྱིས་ཁས་ལེན་དུ་འཇུག་རྒྱུ་གཞིར་བྱས་པའི་འཆར་གཞི་གང་རུང་ཚང་མ་ཕམ་ངེས་ཡིན་ཞེས་བསྟན་པ་རེད།
ཧ་མ་སིའི་གསལ་བསྒྲགས་ནང་ཨ་རི་ཕྱོགས་ཀྱིས “1967ལོའི་མཐའ་མཚམས་དེ་རྨང་གཞིར་བྱས་ཏེ་ཕ་ལེ་སི་ཐན་རྒྱལ་ཁབ་འཛུགས་རྒྱུའི ”ལྟ་ཚུལ་གསལ་བཤད་བྱས་ནས་ཡུན་རིང་མ་སོང་བར་དབྱི་སི་རལ་ཕྱོགས་ཀྱི་གནོན་ཤུགས་ཕོག་པར་བརྟེན་འཕྲལ་མྱུར་བཤད་སྟངས་དེར་དག་ཐེར་བྱས་ནས་མི་གྲངས་ཀྱི་ཁྱབ་ཚུལ་གཞིར་བཟུང་ནས་མཐའ་མཚམས་དབྱེ་རྒྱུའི་ཐད་བཟོ་བཅོས་རྒྱག་དགོས་ཚུལ་བསྟན་ཞིང་། དེ་ཐོག་ནས་ཨ་རིས་དབྱི་སི་རལ་ལ་མངོན་གསལ་ཕྱོགས་ལུགས་དང་དེ་བཞིན་ཕ་ལེ་སི་ཐན་མི་དམངས་ཀྱི་དབང་ཆར་སྣང་མེད་དང་རྡོག་རྫིས་གཏོང་ལུགས་མཚོན་པ་རེད། དེར་བརྟེན་ཧ་མ་སིས་དབྱི་སི་རལ་ཁས་ལེན་མི་སྲིད་པ་དང་དུས་མཚུངས་ཨ་རི་ནི་ལྷག་བསམ་ཟོལ་མེད་དང་འགན་འཁུར་བའི་ཞི་བདེ་དར་སྤེལ་གཏོང་མཁན་ཞིག་ཡིན་པའི་ངོས་འཛིན་ཡང་བྱེད་ཀྱི་མེད་ཅེས་བསྟན་པ་རེད།