མི་དམངས་ཉིན་རེའི་ཚགས་པར་ཁང་དུ་ཏུང་ཅིང་ནས་ཟླ་5ཚེས་24ཉིན་གློག་འཕྲིན་འབྱོར་གསལ། ཐུན་མོང་གསར་འགྱུར་ཁང་ནས་གནས་ཚུལ་སྤེལ་བར་གཞིགས་ན། ཧན་གོའི་རྒྱལ་ཚོགས་ཀྱི “ཏུའུ་ཏའོ་གླིང་ཕྲན་མངའ་ཁོངས་ཀྱི་ལྟ་སྲུང་ཐབས་ཇུས་དམིགས་བསལ་ཨུ་ཡོན་ལྷན་ཁང ”ནང་གི་སྲིད་དབང་བཟུང་མེད་པའི་ཏང་ཆེ་ཤོས་ཡིན་པའི་དམངས་གཙོ་ཏང་གི་དབྱི་ཡོན་གསུམ་གྱིས་ཚེས་24ཉིན་གྱི་ཕྱི་དྲོར་བྱང་ཕྱོགས་ཀྱི་གླིང་ཕྲན་བཞིའི （ཨུ་རུ་སུས་ལྷོ་གླིང་སྟོང་གླིང་ཚོམ་ཞེས་བརྗོད ）ནང་གི་གོ་ཧོ་གླིང་ཕྲན་ལ་འཚམས་འདྲི་ཞུས་པ་རེད། རི་ཧན་དབར་མངའ་ཁོངས་ཀྱི་རྩོད་གཞི་ཡོད་པའི་ཀྲུའུ་ཏའོ་གླིང་ཕྲན （ཧན་གོས་ཏུའུ་ཏའོ་གླིང་ཕྲན་ཞེས་བརྗོད ）གྱི་གནད་དོན་ཐད་ཨུ་ཡོན་ལྷན་ཁང་དེས་ཐོག་མཐའ་བར་གསུམ་དུ་ཧན་གོར་བདག་དབང་ཡོད་པའི་འདོད་ཚུལ་འཛིན་གྱི་ཡོད། དེ་ནི་ཧན་གོའི་རྒྱལ་ཚོགས་ཀྱི་དབྱི་ཡོན་གྱིས་བྱང་ཕྱོགས་ཀྱི་གླིང་ཕྲན་བཞིར་འཚམས་འདྲི་ཞུ་ཐེངས་དང་པོ་དེ་ཡིན་ཞིང་། ཚེས་20ཉིན་རི་པིན་གྱི་དབུ་བཞུགས་བློན་ཆེན་ཅན་ཀྲི་རེན་གྱིས་ཚན་དབྱི་ཡོན་གྱི་སྔོན་རྩིས་ཨུ་ཡོན་ལྷན་ཁང་གི་ཚོགས་འདུའི་ཐོག “གནད་དོན་དེར་ཁ་གཏད་ནན་ཏན་གཅོག་རྒྱུ་ཡིན ”ཞེས་གསུངས་པ་དང་སྔོན་དཔག་བྱས་ན་ཧན་གོའི་རྒྱལ་ཚོགས་ཀྱི་དབྱི་ཡོན་གྱིས་ད་ཐེངས་འཚམས་འདྲི་ཞུས་པ་དེས་རི་ཧན་དབར་གྱི་འབྲེལ་བར་གཡོལ་ཐབས་བྲལ་བའི་ཤུགས་རྐྱེན་ཐེབས་རྒྱུ་རེད།