མི་དམངས་ཉིན་རེའི་ཚགས་པར་ཁང་དུ་ཏུང་ཅིང་ནས་ཟླ་5ཚེས་19ཉིན་གློག་འཕྲིན་འབྱོར་གསལ། རི་པིན་ཚན་དབྱི་ཡོའན་གྱི་དབྱི་ཀྲང་ཞི་ཀང་ཝུའུ་ཧྥུ་ཡིས་ཚེས་19ཉིན 《ཏུའུ་མའེ་གསར་འགྱུར 》ཞེས་པའི་ཐོག་རྩོམ་ཡིག་སྤེལ་ཏེ་དབུ་བཞུགས་བློན་ཆེན་ཅན་ཀྲི་རེན་གྱིས་ས་ཡོམ་གནོད་འཚེ་དང་ཕུའུ་ཏའོ་ཉིང་རྡུལ་གློག་ཁང་དང་པོའི་ལས་འཛོལ་ལ་ཁ་གཏད་བཅག་པའི་ཐད “ནོར་འཛོལ་དྲུག ”ཡོད་པའི་སྐྱོན་བརྗོད་བྱས་པ་དང་འབྲེལ་ཅན་ཀྲི་རེན་ལ་འཕྲལ་དུ་ལས་ཁུར་དགོངས་ཞུ་བྱ་རྒྱུའི་རེ་བ་བཏོན་ཡོད་པ་རེད། ཞི་ཀང་གིས་གལ་སྲིད་ཅན་ཀྲི་རེན་གྱིས་ལས་ཁུར་དགོངས་ཞུ་མ་བྱས་ཚེ་སྲིད་དབང་བཟུང་མེད་པའི་ཏང་གིས་རྒྱལ་ཁབ་བརྒྱད་ཀྱི་དབུ་ཚོགས་མ་འཚོག་གོང་དུ་ཚན་དབྱི་ཡོའན་ལ་ནང་སྲིད་ལས་ཁུངས་ལ་ཡིད་ཆེས་མེད་པའི་གྲོས་ཡིག་འདོན་རྒྱུ་ཡིན་ཚུལ་བརྗོད་ཡོད། དེ་གའི་སྨྱན་སྦྱོར་གྱིས་རི་པིན་དབྱི་ཧུའེ་གྲོས་ཚོགས་ཀྱི་འགོ་གཙོས་སྲིད་གཞུང་གི་འགོ་གཙོར་ལས་ཁུར་དགོངས་ཞུ་བྱ་རྒྱུའི་རེ་བ་བཏོན་པ་དེ་ནི་མཐོང་དཀོན་པ་ཞིག་ཡིན་པ་དང་ཞི་ཀང་གི་རེ་བ་དེས་སྲིད་དབང་བཟུང་མེད་པའི་ཏང་གིས “ཅན་ཀྲི་རེན་མགོ་རྟིང་སློག་རྒྱུར ”རམ་འདེགས་ཀྱི་ནུས་པ་ཐོན་ཏེ་ཅན་ཀྲི་རེན་ལ་གནོན་ཤུགས་ཆེན་པོ་འཕྲད་རྒྱུ་ཡིན་པའི་ངོས་འཛིན་བྱས་ཡོད་པ་རེད།