ཤིན་ཧྭ་གསར་འགྱུར་ཁང་པ་ཀ་ཏ་ནས་ཟླ་5ཚེས་18ཉིན་གློག་འཕྲིན་འབྱོར་གསལ། ཚེས་18ཉིན་དབྱི་རག་ཉེན་རྟོག་ཕྱོགས་ཀྱིས་བདེ་འཇགས་དཔུང་སྡེས་དེ་ཉིན “རྟེན་གཞིའི ”རྩ་འཛུགས་ཀྱི་དབྱི་རག་ཡན་ལག “དབྱི་རག་དབྱི་སི་ལམ་རྒྱལ་ཁབ ”ཀྱི་ཁོངས་མི་བཅུ་འཛིན་བཟུང་བྱས་པའི་ནང་གཏེ་པོ་གཉིས་ཚུད་ཡོད་ཅེས་བཤད་པ་རེད།

    ས་ལ་ཧོ་ཏིང་ཞིང་ཆེན་གྱི་ཉེན་རྟོག་ཕྱོགས་ཀྱི་མི་སྣས་ཤིན་ཧྭ་གསར་འགྱུར་ཁང་གི་གསར་འགོད་པར་དབྱི་རིག་བདེ་འཇགས་དཔུང་སྡེས་དེ་ཉིན་ཞོགས་པ་ས་མན་ལ་གྲོང་ཁྱེར་དུ་སྔོག་བཤེར་འཛིན་བཟུང་བྱས་ནས “རྟེན་གཞིའི ”ཡན་ལག་གི་ཁོངས་མི་བཞི་འཛིན་བཟུང་བྱས་པའི་ནང་གཅིག་ནི “དབྱི་རག་དབྱི་སི་ལམ་རྒྱལ་ཁབ ”ཀྱི་དམག་དོན་འགོ་ཁྲིད་རེད་ཅེས་བཤད་པ་རེད།

    དེ་ཉིན་དབྱི་རག་གི་བདེ་འཇགས་དཔུང་སྡེས་བྱང་རྒྱུད་ཅིའར་ཁུའུ་ཁེ་ཞིང་ཆེན་དུ་བྱ་སྤྱོད་ཐེངས་མང་སྤེལ་ནས “རྟེན་གཞིའི ”དྲག་ཆས་མི་སྣ་དྲུག་འཛིན་བཟུང་བྱས་པའི་ནང་གཏེ་པོ་གཅིག་ཡོད་པ་རེད།